12 පස්වරු 12.12ට පැල 12ක් සිටුවා කුරුණෑගල පැල දෙලක්ෂ පනස්දාහක් සිටුවීමේ සමාරම්භය ජොනී අතින්…

July 13, 2020 at 2:12 am | lanka C news
12 පස්වරු 12.12ට පැල 12ක් සිටුවා කුරුණෑගල පැල දෙලක්ෂ පනස්දාහක් සිටුවීමේ සමාරම්භය ජොනී අතින්…

2020 ජූලි 12 පස්වරු 12.12ට පැල 12ක් සිටවා කුරුණෑගල දිස්ත්‍රික්කය පුරා පැල දෙලක්ෂ පනස්දාහක් සිටුවීමේ සමාරම්භක අවස්ථාවට වරාය හා නාවික කටයුතු,මහා මාර්ග සංවර්ධන අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් කුරුණෑගල ගනේවත්ත ප්‍රදේශයේ දී පැවැත්විණි.

ගෝඨාභය රාජපක්ෂ ජනාධිපතිතුමන් කුරුණෑගල දිස්ත්‍රික්කය වැඩි ඡන්ද දෙලක්ෂ පනස්දාහකින් ජයග්‍රහණය කිරිම නිමිත්තෙන් මෙම පැල දෙලක්ෂ පනස් දාහක් සිටුවීමේ ව්‍යාපෘතිය ආරම්භ කරන ලදි.මෙම ව්‍යාපෘතිය කුරුණෑගල දිස්ත්‍රික්කයේ තරුණ තරුණියන් 31,000කගේ සහභාගීත්වයෙන් සිදු විය.

මෙම අවස්ථාවට පාර්ලිමේන්තු මන්ත්‍රී නාමල් රාජපක්ෂ මහතා ද සහභාගී විය.

පසුගිය ජනාධිපතිවරණය ජයග්‍රහණය කලාට පසුව කුරුණෑගල දිස්ත්‍රික්කයේ පැල ලක්ෂයක් සිටුවන බවට අමාත්‍ය ජොන්ස්ටන් ප්‍රනාන්දු මහතා මීට පෙර ප්‍රකාශ කර තිබුණි.මෙහිදී කුරුණෑගල දිස්ත්‍රික්කය පුරා පලතුරු,ඖෂධීය ශාඛ ගෙවතුවල සිටු වීම සිදු කෙරෙනු ඇත.

මෙහි විශේෂත්වය වනුයේ සෞඛ්‍යාරක්ෂිත ක්‍රම අනුගමනය කරමින් අවම පිරිසකගේ සහභාගීත්වයෙන් මෙම පැල සිටවීමේ ව්‍යාපෘතිය ආරම්භ විය.

– media unit

286 views
Main News