එජාපය ජනපතිට එරෙහිව පළමු බලඇණිය සටනට කැදවති.. සිවිල් සංවිධාන 48ක් හදිසි මාධ්‍ය හමුවක…

October 13, 2016 at 10:40 am | lanka C news
එජාපය ජනපතිට එරෙහිව පළමු බලඇණිය සටනට කැදවති.. සිවිල් සංවිධාන 48ක් හදිසි මාධ්‍ය හමුවක…

ජනාධිපති මෛත‍්‍රිපාල සිරිසේන මහතා විසින් ඊයේ දිනයේ කරන ලද ආන්දෝලනාත්මක ප‍්‍රකාශයට එරෙහිව පසුගිය ජනාධිපතිවරණයේදී ඔහුගේ ජයග‍්‍රහණය වෙනුවෙන් කටයුතු කල සිවිල් සංවිධාන හා වෘත්තීය සමිති බහුතරයක් විසින් හදිසි මාධ්‍ය හමුවක් හෙට දිනයේ කැදවා ඇත.

හිටපු ආරක්‍ෂක ලේකම්වරයා සහ නාවික හමුදාපතිවරු තිදෙනෙක් අධිකරණය හමුවට පැමිණිවීම හා අල්ලස් කොමිසම CID FCID යන ආයාතන දේශපාලන උවමනාව මත භාවිතා කිරීමට තමන් දැඩි විරෝධය පල කරන බවත් ඊට එරෙහිව දැඩි පියවර ගන්නා බවටත් ජනාධිපතිවරයා විසින් ඊයේ දිනයේ කරන ලද ප‍්‍රකාශයට ඔවුහු සිය විරෝධය පල කරති.

ගිය ජනාධිපතිවරණයේදී මෛත්‍රිපාල සිරිසේන මහතාට සහාය පල කරමින් සිවිල් සංවිධාන හා වෘත්තීය සමිති 48ක් එක් වූ අතර හෙට පැවැත්වෙන මාධ්‍ය හමුව සදහා ඒවායේ සියළු නියෝජිතයින් සහභාගී වනු ඇතැයිද පැවසෙයි.

මෙම වෘත්තීය සමිති හා සංවිධාන බොහෝමයක් එජාපය විසින් මෙහෙයවන හෝ එජාප හිතවාදී ඒවා වෙයි.

48 views
Main News