13 සංශෝධනයේ දුර්වලතා හා ශක්තීන් හඳුනාගෙන කඩිනමින් ක්‍රියාත්මක කල යුතුයි..- ජනපති ඉන්දීය විදේශ ලේකම් සමග කියයි..

October 6, 2021 at 12:02 am | lanka C news
13 සංශෝධනයේ දුර්වලතා හා ශක්තීන් හඳුනාගෙන කඩිනමින් ක්‍රියාත්මක කල යුතුයි..- ජනපති ඉන්දීය විදේශ ලේකම් සමග කියයි..

එකඟතාවන්ට එළැඹ ද්විපාර්ශ්වීයව ගනු ලබන තීරණ පිළිබඳව දෙරටේ ජනතාව නිවැරදිව දැනුවත් කළ යුතු බව ජනාධිපති ගෝඨාභය රාජපක්ෂ මැතිතුමා ඉන්දීය විදේශ ලේකම් ශ්‍රී හර්ෂ් වර්ධන් ෂ්‍රිංග්ලා මහතා සමග පවසයි. වාසි අවාසි පැහැදිලි කර දී ජනතා බහුතර කැමැත්ත ගෙන ක්‍රියා කිරීමේ අවශ්‍යතාව බෙහෙවින් වැදගත් බව ජනාධිපතිතුමා අවධාරණය කළේය.

ඉන්දීය විදේශ ලේකම්වරයා සමග (05) ජනාධිපති කාර්යාලයේ පැවති හමුවේ දී ජනාධිපතිතුමා මේ බව සඳහන් කළේය.

ඉන්දියාව සහ ශ්‍රී ලංකාව අතර 1960, 70 දශකවල පැවති මිත්‍රත්වය හා සබඳතාව යළි ශක්තිමත් කිරීමේ අවශ්‍යතාව, කරුණු දීර්ඝව පැහැදිලි කරමින් ජනාධිපතිතුමා පෙන්වා දුන්නේය. ඉන්දීය සාගරය, සාම කලාපයක් බවට පත්කිරීමට අග්‍රාමාත්‍ය සිරිමාවෝ බණ්ඩාරනායක මැතිණිය 1971 දී කළ යෝජනාව ඉදිරියට ගෙන යාමට ඉන්දියාවේ සහාය අපේක්ෂා කරන බව ජනාධිපතිතුමා පැවසීය. දෙරට අතර සබඳතා ඉහළ මට්ටමකට ගෙන ඒමට කෙටි හා දීර්ඝකාලීනව ගත යුතු පියවර නිවැරදිව හඳුනාගත යුතු බව දෙපාර්ශ්වයේම අදහස විය.

පවතින ගැටලුවලට කඩිනම් විසඳුම් හඳුනාගනිමින් ධීවර ජනතාවට ලැබිය යුතු ප්‍රතිලාභ හිමිකර දීමෙන් දීර්ඝ කාලයක සිට දෙරටේ ධීවරයන් මුහුණ පා සිටින පීඩාකාරී තත්ත්වයට විසඳුම් ලබාදිය හැකි බව ජනාධිපතිතුමා පෙන්වා දුන්නේය. දෙරට අතර ඇති වෙළඳ අසමතුලිතාව පිළිබඳව කරුණු පැහැදිලි කරදුන් ජනාධිපතිතුමා කඩිනමින් එයට විසඳුම් දීමේ අවශ්‍යතාව ගෙනහැර දැක්වීය.

අතුරුදහන් වූවන්, යුද්ධය හේතුවෙන් වැන්දඹුභාවයට පත්වීම ඇතුලු යුද්ධයක අතුරු ප්‍රතිඵල පිළිබඳව මනා අවබෝධයෙන් පසුවන බව යාපනය බලකොටුව මුදා ගැනීමේ දී ලද තම අත්දැකීම් සිහිපත් කරමින් ජනාධිපතිතුමා සඳහන් කළේය.

13 වන ව්‍යවස්ථාව සංශෝධනයේ දුර්වලතා සේම ශක්තීන් හඳුනාගෙන ක්‍රියාත්මක වීමේ කඩිනම් අවශ්‍යතාව ජනාධිපතිතුමා විසින් පෙන්වා දෙනු ලැබිණ. ශ්‍රී ලංකාවෙන් බැහැරව ගිය දෙමළ ජනතාවට නැවත රටට පැමිණීමට හැකි පසුබිම සැකසීම තම අපේක්ෂාව බවත් ඒ සඳහා රජය ගෙනයන වැඩපිළිවෙළ සාර්ථක කරගැනීමට එක්සත් ජාතීන්ගේ සංවිධානයේ දී තමා දෙමළ ඩයස් පෝරාවට සහ විදෙස්ගත දෙමළ ජනතාවට විවෘතව ආරාධනා කළ බව ද ජනාධිපතිතුමා ශ්‍රී හර්ෂ් වර්ධන් ෂ්‍රිංග්ලා මහතා සමග පැවසීය.

උතුර – නැගෙනහිර සංවර්ධනයට තම රජයන් පසුගිය කාලයේ සිට ගත් ක්‍රියාමාර්ග පැහැදිලි කළ ජනාධිපතිතුමා යුද සමයේ දී ආරක්ෂාව වෙනුවෙන් අත්පත් කරගත් ඉඩම් වලින් 90%කට අධික ප්‍රමාණයක් මේ වන විට නිදහස් කර ඇති බවත් පැවසීය. අතුරුදහන්වූවන්ගේ පවුල්වලට වන්දි ගෙවීම සිදු කෙරෙමින් පවතින අතර යුද සමයේ ඇති වූ අනෙකුත් ප්‍රශ්නවලට කඩිනමින් විසඳුම් දීමේ අවශ්‍යතාව ජනාධිපතිතුමා පැහැදිලි කර දෙනු ලැබීය.

දෙරටේ භුගෝලීය පිහිටීම පිළිබඳ පැහැදිලි අවබෝධයක් ඇති හෙයින් ඉන්දියාවේ ආරක්ෂාවට තර්ජනයක් වන ආකාරයේ කිසිඳු ක්‍රියාවකට ශ්‍රී ලංකාව යොදා ගැනීමට ඉඩ නොතබන බව ජනාධිපතිතුමා අවධාරණය කළේය.

චීනය සමග ඇති සබඳතාව ඉතා මැනවින් පැහැදිලි කළ ජනාධිපතිතුමා ඒ පිළිබඳව කිසිඳු සැකයක් තබා නොගන්නා ලෙස ද ඉන්දීය විදේශ ලේකම්වරයා සමග කියා සිටියේය.

ශ්‍රී ලංකාවේ ආයෝජන අවස්ථා සඳහා පුළුල් පරිසරයක් සැකසී තිබේ. ඒ සඳහා ඉන්දීය ආයෝජකයන්ට ද විවෘතව ආරාධනා කරන බව ජනාධිපතිතුමා සඳහන් කළේය. ත්‍රිකුණාමලය තෙල් ටැංකි පිළිබඳව පවතින තත්ත්වය දෙරටටම සුබදායී ආකාරයෙන් නිරාකරණය කිරීමේ වගකීම විෂයභාර අමාත්‍යවරයාට පවරා ඇති බව ජනාධිපතිතුමා පැවසීය.

දෙරට අතර සංචාරක කර්මාන්තය ප්‍රවර්ධනය කෙරෙහි දීර්ඝ වශයෙන් සාකච්ඡාවට ලක් කෙරිණ. ශ්‍රී ලංකාවේ ත්‍රිවිධ හමුදාවන්ට ඉන්දියාවේ පුහුණු අවස්ථා තවදුරටත් පුළුල් කිරීම කෙරෙහි ද අවධානය යොමු විය.

විදුලිය භාවිතයේ දී කාර්යබහුල අවස්ථාවන් හඳුනාගෙන දෙරට අතර විදුලිබල හුවමාරුව කෙරෙහි ද අවධානය යොමු කෙරිණ.

කොවිඩ් එන්නත්කරණය සම්බන්ධයෙන් ශ්‍රී ලංකාව ළඟා කරගෙන ඇති සාර්ථකත්වය ඇගයීමට ලක්කළ ඉන්දීය විදේශ ලේකම්වරයා කොවිඩ් පාලනය සම්බන්ධයෙන් ගෙන ඇති ක්‍රියාමාර්ග පැසසුමට ලක් කළේය. ජනාධිපතිතුමාගේ දීර්ඝ පැහැදිලි කිරීම පිළිබඳ සිය ප්‍රසාදය පළ කළ විදේශ ලේකම්වරයා දෙරට අතර ඇති අදහස් සමාන බැවින් දෙරට අතර මිතුදම ශක්තිමත්ව ඉදිරියට ගෙන යාමට හැකි බව පැවසීය.

ඉන්දීය අග්‍රාමාත්‍යවරයාට රාජ්‍ය සංචාරයක් සඳහා මෙරටට ආරාධනා කරන බව ද ජනාධිපතිතුමා විදේශ ලේකම්වරයා හමුවේ දැන්වීය.

ඉන්දීය මහ කොමසාරිස් ගෝපාල් භග්ලේ, ජනාධිපති ලේකම් පී.බී. ජයසුන්දර, ජනාධිපති ප්‍රධාන උපදේශක ලලිත් වීරතුංග, විදේශ ලේකම් අද්මිරාල් මහාචාර්ය ජයනාත් කොළඹගේ යන මහත්වරු මෙම හමුවට එක්ව සිටියහ.

– ජනාධිපති මාධ්‍ය අංශය

8,588 views

22 Comments to “13 සංශෝධනයේ දුර්වලතා හා ශක්තීන් හඳුනාගෙන කඩිනමින් ක්‍රියාත්මක කල යුතුයි..- ජනපති ඉන්දීය විදේශ ලේකම් සමග කියයි..”

  1. Ranjith Gunawaradana says:

    13 Amendment to Republic Constitution of Sri lanka was force to change by Rajiv Gandhi regime by gunpoint politics of IPFK Indian army was behind that. That constitutional amendment was Not democratic ones ,which was against Sovereignty Sri lankan citizens of majority people of Island.We cannot accepts that 13 A….ones.

  2. JRJ says:

    Whaaaaat ????

  3. Maha Sinhale says:

    හෙළයන්ගෙ රටක් හදන්න කියල අපි පොහොට්ටුවට ඡන්දෙ දුන්නා අන්තිමට අපිට වෙච්ච දේ 🙁

  4. Jagath says:

    It is India’s uninvited interference with our sovereign nation’s internal affaires is what is pushing us in to UN veto wielding China’s open arms.

  5. harsha says:

    MCC එකත් ඔහොම්මම අත්සන් කරන්න.

    • සජිත් ප්‍රේමදාස says:

      කොහෙද ගොන් උත්තෝ අත්සන් කොරනවා කියල තියෙන්නේ? සංශෝදනය කරනවා කියන එකයී අත්සන් කොරනවයී කියන්නේ 2. ඔකේ තියෙන දේම වෙනස් විදියට ලියන එකත් සංශෝදනයක්. තෝ ගොන් උත්තට මේ තරං සරළ දෙයක් තීරෙන්නේ නැත්තන් තොගේ ගොන් කම රටට පෙන්නනේ නැතුව හිටහන් ගොන් මෝඩ මූසලයා.

      • harsha says:

        13 සංශෝධනය ත්‍රස්තවාදය වැළැක්වීමේ පනත වගේ දේවල් ගැන ගෝඨා ඡන්දෙට කලින් කියපු දේවල් සහමුලින්ම වෙනස් කරපු එකේ MCC එකත් හොඳයි කිව්වොත් පුදුම වෙන්න දෙයක් නෑ කියන එකයි අදහස් කළේ. තමුසේ යන්නේ කොහෙද මල්ලේ පොල් කතාවක් කියනවා.

        • සජිත් ප්‍රේමදාස says:

          පළාත් සබා චන්දෙ තිබ්බද?

          • harsha says:

            ඡන්දේ නොතිබ්බාට 13 සංශෝධනය හොඳයි කියලා තියෙන්නේ. අනෙක පළාත් සභා ඡන්දේ තියන්න බැරි ගිය ආණ්ඩුවේ වැඩක් නිසා මිසක් ගෝඨා එහෙම තීරණයක් ගත්ත නිසා නෙවෙයි.

  6. Ranjith Gunawaradana says:

    Do we believe as citizens of Lanka view that time has come to overall review 1987 July Indo-Sri Lanka accord by two countries. It is validity has no longer accepted by sovereignty People of Island. We denied separatism of Tamil by indian intention of divided island for Tamil Eelam…..@

Main News