කරුණා අම්මාන්ගේ පක්‍ෂය පොහොට්ටුවට එක්වේ..

October 18, 2017 at 6:48 pm | lanka C news
කරුණා අම්මාන්ගේ පක්‍ෂය පොහොට්ටුවට එක්වේ..

හිටපු නියෝජ්‍ය අමාත්‍ය විනයාගමූර්ති මුරලිදරන් හෙවත් කරුණා අම්මාන් නායකත්වය දරණ දෙමළ එක්සත් නිදහස් පෙරමුණ ශ‍්‍රී ලංකා පොදුජන පෙරමුණ සමග සංධාන ගතවීමට කැමැත්ත පලකලේය.

නෙඵම් මාවත කාර්යාලයේදී බැසිල් රාජපක්ෂ මහතා ඇතුලූ ශ‍්‍රී ලංකා පොදුජන පෙරමුණේ නියෝජිතයන් සමග පැවති සාකච්ඡුාවේ දී මේ පිළිබද අවසන් එකගතාවට පැමිණ ඇත.

දෙමළ එක්සත් නිදහස් පෙරමුණේ නායකයා සමග එහි ප‍්‍රධාන ලේකම්වරයාද ඇතුලූ පක්ෂයේ මධ්‍යම කාරක සභාව මෙම සාකච්ඡුාවට සහභාගී විය.

මඩකලපුව දිස්ත‍්‍රික්කය ප‍්‍රමුඛව නැගෙනහිර පළාතේ බහුතර දෙමළ ජනතාව තම පක්ෂය සමග සිටින බවත්, එබැවින් නැගෙනහිර පළාතේ බලය තහවුරු කර ගැනීමේ හැකියාව තම පක්ෂය සතු බවත් දෙමළ එක්සත් නිදහස් පෙරමුණේ නායක විනයාගමූර්ති මුරලිදරන් මහතා මෙහිදී සදහන් කර ඇත.

ජනාධිපති මහින්ද රාජපක්ෂ මහතාගේ නායකත්වයෙන් ලැබුණු සාමය සහ සංවර්ධනය නැගෙනහිර පළාතේ ජනතාව අද ඉමහත් ප‍්‍රීතියකින් බුක්තිවිදිමින් සිටින බව ඒ මහතා මෙහිදී සදහන් කලේය.

ඊට කෘතගුණ සැලකීමක් ලෙස තමන් සහ තම පක්ෂය සැමදා මහින්ද රාජපක්ෂ මැතිතුමාගේ දේශපාලන වැඩපිළිවෙලට අඛණ්ඩව සහය පල කරන බවයි මුරලිදරන් මහතා වැඩිදුරටත් පැවසීය.

සංජීව එදිරිමාන්න
මාධ්‍ය ප‍්‍රකාශක
ශ‍්‍රී ලංකා පොදුජන පෙරමුණ

173 views

14 Comments to “කරුණා අම්මාන්ගේ පක්‍ෂය පොහොට්ටුවට එක්වේ..”

  1. Sakalabujan says:

    MaRa Ge Odokkuwe Punaruthapanaya Unu Kotiyek needa ? …Ane Shooooi..

Main News