18 තෙක් රට වසා දමන්නැයි කියයි…

August 29, 2021 at 3:19 am | lanka C news
18 තෙක් රට වසා දමන්නැයි කියයි…

ලබන මස 18 වැනිදා දක්වා දැඩි සීමා පැනවීමෙන් 7,500ත් 10,000ත් අතර ජීවිත ප්‍රමාණයක් බේරාගැනීමට හැකියාව ලැබෙනු ඇතැයි ලෝක සෞඛ්‍ය සංවිධානයේ ශ්‍රී ලංකා කාර්යාලයේ මූලිකත්වයෙන් පත් කර තිබෙන ස්වාධීන තාක්ෂණික විශේෂඥ කමිටුව සඳහන් කරයි.

ජීවිත බේරාගැනීමට නම් කඩිනම් පියවර ගත යුතු බවත් දැනට තිබෙන දැඩි සීමා සැප්තැම්බර් මස 18 වැනිදා දීර්ඝ කළ යුතු අතරම එම දැඩිව ක්‍රියාත්මක කළ යුතු බවත් ජනතාව ඊට අනුකූල විය යුතු බවත් එම විශේෂඥ කමිටුව නිර්දේශ කර ඇත.

දැනට පරීක්ෂා කර ඇති සාම්පලවලින් සියයට 90කට වැඩි සංඛ්‍යාවකින් පෙනී යන්නේ නව කොරෝනා වයිරසයේ ඩෙල්ටා ප්‍රභේදය බස්නාහිර පළාතේ මෙන්ම අනෙක් පළාත්වලටත් පැතිර ගොස් ඇති බවත් එම කමිටුව නිකුත් කළ නවතම වාර්තාවේ දැක්වේ.

ලෝක සෞඛ්‍ය සංවිධානයේ ශ්‍රී ලංකා කාර්යාලයේ මූලිකත්වයෙන් පත් කර තිබෙන ස්වාධීන තාක්ෂණික විශේෂඥ කමිටුව ඊයේ රැස්වූ අතර එම කමිටුවේ ප්‍රධාන නිරීක්ෂණ, තාක්ෂණික සහ නිර්දේශ ඇතුළත් කරමින් සිය නව වාර්තාව ප්‍රකාශයට පත් කර ඇත.

අදාළ වාර්තාවට අනුව නව කොරෝනා වයිරසයේ ඩෙල්ටා ප්‍රභේදය වේගයෙන් පැතිරෙන බවත් රෝහල්වල සම්පූර්ණ ධාරිතාවට පැමිණ ඇති බවත් එමෙන්ම වයිරසයට ගොදුරු වන සෞඛ්‍ය සේවකයන්ගේ සංඛ්‍යාව වේගයෙන් වැඩි වී ඇති බවත් එම වාර්තා වේ දැක්වේ. එමෙන්ම ඔක්සිජන් ඇතුළු අත්‍යවශ්‍ය සැපයුම් තොග ද අඩු මට්ටමක තිබෙන මෙම විශේෂඥ කමිටුව වාර්තා වේ දැක්වේ.

එමෙන්ම නිවාස තුළ ද වයිරසය පැතිරෙමින් තිබෙන බව මෙම වාර්තා වේ දැක්වේ.

මේ තත්ත්වය සැලකිල්ලට ගැනීමේ දී දැඩි සීමා පැනවිය යුතු බවත් කඩිනමින් එම පියවර ගත බවත් ජනතාව ඊට අනුකූල විය යුතු බවත් වාර්තාව පෙන්වාදෙයි. ඒ අතරවාරයේ දී එන්නත්කරණ ක්‍රියාවලිය වේගවත් කළ යුතු බව එහි දැක්වේ.

වයිරසය සම්ප්‍රේෂණය (ව්‍යාප්තිය), වයිරස ආසාදිතයන්ගේ ගණන සහ මරණ ගණන අඩු කරගැනීමට දැඩි සීමා ගැනීමෙන් ආර්ථික යථා තත්ත්වයට පත් කරගැනීම ඉක්මන් කරගත හැකි යැයි ද එහි සඳහන් ය.

දැනට පවතින දැඩි සීමා අගෝස්තු 31 වැනිදා පහුවන තෙක් දීර්ඝ කිරීමෙන් මරණ අඩු කරගත හැකි යැයි ද ලොක්ඩවුන් සීමා සැප්තැම්බර් 18 වැනිදා දීර්ඝ කිරීමෙන් මරණ 7,500ක් වළක්වා ගත හැකි යැය ද විශේෂඥ කමිටුව සඳහන් කරයි. එම සීමා ඔක්තෝබර් 2 වැනිදා දක්වා දීර්ඝ කිරීමෙන් මරණ 10,000ක් වළක්වා ගත හැකි යැයි ද එම කමිටුව පෙන්වා දෙයි.

එමෙන්ම ශ්‍රී ලංකාවේ මරණ අනුපාතය ඉහළම ඒවායින් එකක් යැයි ද එම වාර්තා වේ සඳහන් ය.

ලෝක සෞඛ්‍ය සංවිධානයේ ප්‍රධානී වෛද්‍ය ටෙඩ්‍රෝස් අදනොම්ගේ විශේෂ නියෝජිත සහ ලෝක සෞඛ්‍ය සංවිධානයේ උපදේශක විශේෂඥ වෛද්‍ය පාලිත අබේකෝන් මහතා මෙම සාකච්ඡාවල මූලිකත්වය ගෙන පහසුකම් සපයයි.

ලෝක සෞඛ්‍ය සංවිධානයේ ශ්‍රී ලංකා නියෝජිත වෛද්‍ය අලකා සිං මෙම විශේෂඥ කමිටුවේ මුලසුන හොබවයි.

වෛද්‍ය වින්‍යා ආරියරත්න, මහාචාර්ය අසිත ද සිල්වා, විශේෂඥ වෛද්‍ය පද්මා ගුණරත්න, මහාචාර්ය සරෝජ් ගුණරත්න, මහාචාර්ය ඉන්දික කරුණාතිලක, වෛද්‍ය රජීව ද සිල්වා, මහාචාර්ය නීලිකා මලවිගේ, මහාචාර්ය කමිනි මෙන්ඩිස්, මහාචාර්ය මලික් පීරස්, මහාචාර්ය මනුජ් වීරසිංහ, වෛද්‍ය ආනන්ද විජේවික්‍රම යන මහත්ම මහත්මීහු 14 දෙනෙක් මෙම විශේෂඥ කමිටුවේ සාමාජිකත්වය දරති.

එම පිරිසට අමතරව ලෝක සෞඛ්‍ය සංවිධානයේ වෛද්‍යවරු පිරිසක් ද මීට එක්ව සිටිති.

– lankadeepa

36,676 views

23 Comments to “18 තෙක් රට වසා දමන්නැයි කියයි…”

  1. බුද්ධිමත් සැමගේ අවධානයට ,.! says:

    වහළුන් බවට පත්කිරීමේ ඡනගහන පාළනය කිරීමේ බටහිර න්‍යයපත්‍රය තව දුරටත් ක්‍රියාත්මකයි,.!
    රටවල් විණාශකරන බ්‍රිතාන්‍ය බුවල්ලන් විවිධ සංවිධාන ඡාල අටවාගනිමින් ඡන මනස හැසිරවිමට මරභය වපුරා ඡන ඝාථක ඵන්නත් බලහත්කාරය මුග්ධ සුවච ”කීකරැ වහලා” ”නායකා යොදවා ගනිමින්” මහා විණාශයක් සිදුකරමින් පවතී.!
    ශ්‍රීලංකාවේ ඡනයා සමූළගාථනය කිරීමට සහ ආර්ථිකය විණාශ කර මහා පරීමාණ භුමිය සහ ඡාතික සම්පත් කොළ්ලයකට පසුබිම සුදානම් කරනුයේ බහුතරය විසින් පත්කරගන්නා ලද ඡාතික නායකයා උපයෝගි කරගනිමින් බව බුද්ධිමත් සැමගේ අවධානයට ,.!

  2. රජයේ සේවකයා says:

    අනිවාර්යෙන්ම වසා දැමිය යුතුමයි. සල්ලි වගේ ද ජීවිත.. රස්සාවට යන්න බැරි උනාට කමක් නැහැ. අපි ගැටගහගෙන හරි ජීවත් වෙනවා දීමනාවල් නැතිව.

    • Karunarathna says:

      ගෙදර ඉන්න කාලෙට පඩි නොගෙන ඉදින්.. අපේ බදු මුදල් ඕවා..

  3. හෙලයා says:

    Covicrazy is the newest method of politics. It makes 3rd world counyries become 4th world countries. Humans are such idiots to make natural viruses more deadlier by gain of function research. Those so called scientists and those who funded them and supported them are all murderers.

  4. රංජිත් විජේසිංහ says:

    මේ සැරේ නම් බඩගින්නේ මැරෙන්න වෙන්නේ.

  5. රුක්ෂාන් සිල්වා says:

    Kos del ala bathala kala hari kamanna allan inna ekai tiyenne.

  6. Chthura Gunarathna says:

    Eka ekkena kiyana kiyana widiyata natuwoth homben thama yanna wenne.

  7. Sunil Perera says:

    Ek sarekuth lockdown una dewql matakane.eth me sarw ita wada darunu wei.karana de hariyata karana oni. Attatama meka lockdown ekkkiyla penne nh.athyawashya kiyla hamoma pare.

  8. Sagarika Alvis says:

    Lockdown eka hei widiyata kalanm neda hoda. Nathnam meh lockdown eken prayojanayak nathi wei.

  9. mahasen says:

    Testing

  10. mahasen says:

    ඔය පද්මා ගුණරත්නයි බෙල්ලනයි කට වහගෙන ඉන්නවාද. ඡන්දයෙන් පත්වුන ආණ්ඩුවට වැඩ කර ගන්න දීලා. අයිති නැති දේවල් වලට කට දාන්න එපා.

Main News