2011 Final පාවාදීම…: මහින්දානන්ද ලේඛණ බාර දෙයි.. මාධ්‍ය කැදවා තව තොරතුරු හෙලි කරයි..

June 24, 2020 at 11:20 am | lanka C news
2011 Final පාවාදීම…: මහින්දානන්ද ලේඛණ බාර දෙයි.. මාධ්‍ය කැදවා තව තොරතුරු හෙලි කරයි..

2011 ලෝක කුසලානය සම්බන්ධයෙන් සිදු වුවේ යැයි කියන තරගපවා දිම සම්බන්ධයෙන් තමන් කල ප්‍රකාශයට අදාල පිටු හයකින් සමන්විත ලියකියවිල්ලක් (24) දින පොලිස් විශේෂ විමර්ෂණ අංශය වෙත පැමිණිල්ලක් කල බව හිටපු ක්‍රිඩා අමාත්‍යය සහ මහනුවර දිස්ත්‍රික් ශ්‍රි ලංකා නිදහස් පොදු ජන පෙරමුණේ අපෙක්ෂක මහින්දනන්ද අලුත්ගමගේ මහතා පැවසිය.

(24) දින නාවලපිටිය මහින්දානන්ද පදනම් කාර්යයාලයේ පැවති විශේෂ මාධ්‍යය හමුවකදි අමාත්‍යවරයා එ බැව් පැවසිය.

පොලිස් විශේෂ විමර්ෂණ අංශයේ නිලධාරින් පිරිසක් (24) දින උදැසන නාවලපිටිය මහින්දානන්ද පදනම් කාර්යයාලය වෙත පැමිණි අදාල පැමිණිල්ල සටහන් කරගෙන ඇත.

මෙම මාධ්‍යය හමුවේදි හිටපු ක්‍රිඩා අමාත්‍යවරයා කියා සිටියේ තමන් කල පැමිණිල්ල පිටු හයකින් සමන්විත වන බවත් , එම පැමිණිල්ලට අදාල ලියකියවිලි අටක්ද පොලිස් විශේෂ විමර්ෂණ අංශය වෙත භාර දුන් බවයි.

ලෝකයේ ටෙස්ට් ක්‍රිඩා කරන රටවල් 12 අතර තරග පවාදිම සම්බන්ධයෙන් ශ්‍රි ලංකා ක්‍රිකට් කණ්ඩායමේ නමද ඇතුලත් බවත් , මේ සම්බන්ධයෙන් පරික්ෂණයක් පවත්වන ලෙස හිටපු ක්‍රිඩා අමාත්‍යය හරින් ප්‍රනාන්දු මහතා වෙත අන්තර්ජාතික ක්‍රිකට් කම්ටුව විසින් විශේෂ ලිපියක් හරින් ප්‍රනාන්දු මහතා වෙත එවා තිබු බවයි මහින්දානන්ද අලුත්ගමගේ මහතා කියා සිටියේ.

එම තරග පවාදිම සම්බන්ධයෙන් පවතින සැකය සම්බන්ධයෙන් දැනට පොලිස් විශේෂ විමර්ෂණ අංශය මගින් විමර්ෂණයක් ආරම්භ කර ඇති නිසා තවදුරටත් එ පිලිබදව කතා නොකරන ලෙසද අමාත්‍යවරයා සියළු මාධ්‍යයවේදින්ගෙන් ඉල්ලා සිටියා.

– හැටන් රංජිත් රාජපක්ෂ

210 views
Main News