25,000 දඩය පනස්දාහ කරයි.. රියදුරු බලපත් නැතිනම් 50000යි.. අලුත්ම දඩ යෝජනා මෙන්න…

February 18, 2017 at 9:20 am | lanka C news
25,000 දඩය පනස්දාහ කරයි.. රියදුරු බලපත් නැතිනම් 50000යි.. අලුත්ම දඩ යෝජනා මෙන්න…

25000 දඩය 50000 බවට වැඩි කිරීමේ යෝජනාවලියක් සැකසී ඇති බව ප්‍රවාහන වෘත්තීය සමිති පෙන්වා දෙයි.

ඉකුත් වසරේ දෙසැම්බර් 3 වන දා ජනපති උපදෙස් පරිදි රථ වාහන සඳහා දඩ මුදල් නිකුත් කිරීමේ ගැටලුව විමර්ශනය සඳහා වි‍ශේෂ කමිටුවක් පත් කෙරිණි.

මුදල්, ප්‍රවාහන, අධිකරණ, අමාත්‍යංශවල ලේකම්වරුන්, මෝටර් රථ දෙපාර්තමේන්තුවේ හා පොලීසියේ නියෝජිතයින් මෙම කමිටුවට අයත් ය.

එහි මූලික නිර්දේශ වාර්තාවක් මේ වන විට සැකසී තිබේ.

රියැදුරු බලපත්‍රයක් නොමැතිව රිය ධාවනයේදී පළමු අවස්ථාවේදී දැනට අය කෙරෙන රුපියල් 3000 සිට 6000 දක්වා වූ දඩය රුපියල් 30000 දක්වා වැඩි කිරීමට යෝජිත ය.

දෙවැනි අවස්ථාවේ එය 50000 දක්වා වැඩි කරන ලෙස ද යෝජනා කෙරේ.

රියැදුරු බලපත්‍රයක් නොමැති අය සේවයේ තබා ගැනීමේ වරදට අය කෙරන රුපියල් 12000ක දඩ මුදල රුපියල් 50000ක උපරිමයකට යටත් කිරීමට නියමිත ය.

මත්පැන් හා මත්ද්‍රව්‍ය භාවිත කොට රිය ධාවනය කළහොත් දැනට අය කෙරෙන්නේ, රුපියල් 7500ක උපරිම දඩයකි.

එය රුපියල් 30000දක්වා වැඩි කිරීමට නියමිත ය.

මීට අමතරව තුන් මසකට නොවැඩි සිර දඬුවමක් හා වසරකට නොවැඩි කාලයක බලපත්‍ර අත්හිටුවීමක් සිදු කෙරේ.

මත්පැන් හෝ මත්ද්‍රව්‍ය භාවිත කොට රිය ධාවනය කර අනතුරක් සිදු කළ අවස්ථාවේදී මරණයක් සිදු වුවහොත් වසර 2 සිට 10 දක්වා සිර දඬුවමක්, රියැදුරු බලපත්‍ර අහෝසියක් මෙන් ම රුපියල් 150000ක දඩයක් නියම කිරීමට යෝජිත ය.

තුවාල සිදු කළ විට දැනට අය කෙරෙන්නේ, රුපියල් 15000ක උපරිම දඩයකි.

එය රුපියල් 50000 – 100000 දක්වා වැඩි කිරීමට කමිටුව යෝජනා කර තිබේ.

සුළු තුවාල සිදු කළහොත් 50000ක උපරිම දඩයක් හා වසරකට නොවැඩි සිර දඬුවමක් අලුතින්ම යෝජනා කෙරේ.

දුම්රිය මාර්ග හරහා අපරික්ෂාකාරීව වාහන ධාවනය සඳහා ද අලුත් දඩ මුදලක් හඳුන්වා දීමට යෝජිත ය.

පළමු අවස්ථාවේ 30000ක් ද, දෙවන අවස්ථාවේ 40000ක් ද, තුන්වන අවස්ථාවේ 50000ක් ද, වසරක රියැදුරු බලපත්‍ර අත්හිටුවීමක් ද ක්‍රියාත්මක කිරීමට සැලසුම් කර තිබේ.

රක්ෂණාවරණය නොමැතිව රිය ධාවනය වෙනුවෙන් අය කෙරෙන රුපියල් 5000 සිට 25000 දක්වා වන දඩ මුදල 25000 සිට 50000 දක්වා වැඩි කිරීමට අවධානය යොමු වී තිබේ.

අධික වේගය සඳහා දැනට පවතින ස්ථානීය දඩ මුදල වේග ප්‍රතිශතය අනුව රුපියල් 3000 සිට 5000 දක්වා අය කිරීමට යෝජිත ය.

– newsfirst

90 views

9 Comments to “25,000 දඩය පනස්දාහ කරයි.. රියදුරු බලපත් නැතිනම් 50000යි.. අලුත්ම දඩ යෝජනා මෙන්න…”

  1. Janidu says:

    Karala balamuko. Mun lankawa mala gamak karanna hadanne.. ponziyo tika daimma elewwe naittot ratak ithuru wenneth nai jeewath wenna minissu ithuru wena ekakut nai mehema badu gahaddi..

    • john says:

      Its REALLY GOOD!!! Anyone against this change must tell why? We cant travel with decipline on roads now. 2/3 wheelers peek from both sides. They go on right lane until we jurk them with our horns. over 60% of drivers park on wrong direction, put U turn to wrong direction and make a mess. Nobody knows Right-of- way rule. What the hek !*?@

  2. බන්ඩයියා says:

    අද මිනිස්සු පාරෙ මෝටර් බය්සිකල් පදින හැටි, වාහන එලවන හැටි දැක්කහම පාරෙ යන්නත් බය හිතෙනවා. ඒ අනුව දඩ වැඩි කරන එක සාධාරනය්. නමුත් දර්ග ටවුම වගේ තැන් වල පොලිසිය වැරදි නොදැක්දක වගේ යන එකට මොකද කොරන්න?

  3. Desapremiya says:

    අයියෝ සුළු ගානයි වැඩි කරලා තියෙන්නේ. බස් ගැමුණුට මේකත් ගානක්ද. ළමයි දෙන්නෙක්ම ඉන්නේ සයිටම් එකේ. තව දෙගුණයක් කරොත් තමයි හරි. කඩේ යන තරමට බඩු වැඩියෙන් කිරන්න දෙන්න ඕනේ.

  4. Champa says:

    හම්බෝ….. මේ ආණ්ඩුව මුළු අයවැයම පියවන්න හදන්නේ මිනිස්සුන්ට ගහන රථවාහන දඩ වලින්නෙ. හොඳයි වැඩේ. අරෙහෙ මහා බැංකුව මංකොල්ල කාලා රටට කරපු පාඩුව දැනටම ට්‍රිලියනයක්ලු. මෙහෙ ආණ්ඩුවට සල්ලි හොයන්න ජනතාවගේ පොකට්ටුවට පික් පොකට් ගහනවා.

    ආණ්ඩුවට ආදායම් හොයා ගන්න මාර්ග හදා ගනිල්ලා. දුප්පතුන්ගේ සහනාධාර කපලා, උහුලගන්න බැරි තරම් බදු බර පටවලා මදිවට, දැන් මිනිස්සුන්ට දඩ ගහනවා. දැන් ඉතින් දඩය ගෙවන්න මිනිස්සුන්ට වාහනේ විකුනන්න වෙනවා. නැත්නම් ආණ්ඩුව මිනිස්සුන්ට දඩ මුදල් ගෙවන්න පහසු ගෙවීමේ ක්‍රමයක් ආරම්භ කරන්න වෙනවා.

    මත්පැන් මත්ද්‍රව්‍ය පානය කරලා රථවාහන එලවන මිනිස්සුන්ට ගහන දඩය ගැන කාටවත් විරුද්ධ වෙන්න බැහැ.

    දැන් පොලිස්කාරයෝ මේ 50,000 දඩය වෙනුවට 25,000ක අල්ලසක් ඉල්ලලා හෝ 25,000 දඩය වෙනුවට 15,000 ක අල්ලසක් ඉල්ලලා හෝ “ජනතාවට සහනයක්” දෙන්න තරම් “මානවහිතවාදී” වුනොත්, ආණ්ඩුවට ශත පහක් හම්බ වෙන්නේ නැහැ. මෝඩ ආණ්ඩුව.

    (මේ වගේ කතාවක් මට මතකයි විමල් දවසක් FCID එක ඉස්සරහදි කිව්වා කවුද මාධ්‍යවේදියෙක් මේ ගැන විමල්ගේ අදහස් ඇහැව්වහම).

  5. අපෝ ඔය මදි තව වැඩි කරන්න ඔනි…. එතකොටයි මිනිස්සු හැදෙන්නේ…

  6. පරවියා says:

    දැන් නම් හොද මේ ලංකාව කියන අපායෙන් මිදිලා මිනිස්සුන්ට නිදහසේ ඉන්න පුලුවන් රටකට යන එකයි.මුන් මේ යන විදිහට අනාගතයේදි බූරු ගැහිල්ලටත් මරන දඩුවම නියම කරයි.අනේ මේ වගේ වැඩ වලට හොදයි කියන මෝඩයොත් ඉන්නවනෙ.

  7. danuwa says:

    Agaharu loketa yamalla bnzzz

Main News