මුස්ලිම් දේශපාලනඥයෝ සිංහලෙන් සංහිඳියා කතා කියලා දෙමළෙන් ජාතිවාදය වපුරනවා.. ඔවුනට අන්තවාදයත් අවශ්‍යයි.. මුස්ලිම් විරෝධය අස්සේ අටවන මැතිවරණ උගුල මහින්ද හෙලි කරයි..

June 11, 2019 at 3:00 pm | lanka C news
මුස්ලිම් දේශපාලනඥයෝ සිංහලෙන් සංහිඳියා කතා කියලා දෙමළෙන් ජාතිවාදය වපුරනවා.. ඔවුනට අන්තවාදයත් අවශ්‍යයි.. මුස්ලිම් විරෝධය අස්සේ අටවන මැතිවරණ උගුල මහින්ද හෙලි කරයි..

විපක්‍ෂ නායක මහින්ද රාජපක්‍ෂ මහතා අද විජේරාම නිල නිවසේදී කළ දේශනය මෙහි දැක්වෙයි.

පසුගිය අප්‍රේල් 21 වනදා පාස්කු ඉරිදා ත්‍රස්තවාදී බෝම්බ ප්‍රහාරය මේ රටේ ඉතිහාසයේ කඩ ඉමක්. ඒකත් එක්කම තමන්ගේ ආගමික මතවාදයට එකඟ නොවන ජන කොටස් ඝාතනය කරන ත්‍රස්තවාදයක් ගැන දැඩි තැතිගැන්මක් මුලු ලංකාව පුරාම පැතිර ගියා. රටේ ආරිථික ක්‍රියාකාරකමුත් අඩාල වුණා. දැන් අයෙමත් යුද්ද කාලෙ වගේ  දෙමවුපියො පාසල් මුරකරනව. යුද්ද කාලෙදීවත් නොතිබුණ විදියට අද අපිට ආගම අදහන්න වෙලා තියෙන්නෙත් ආරක්‍ෂාව යටතෙ. වෙසක්, පොසොන්, වෙනද වගේ සමරන්න බෑ, පල්ලි පන්සල් වලට බැතිමතුන් ඇතුල් කරගන්නෙ සෝදිසි කරලා.

මේ වෙනකොට ලංකාවේ මුස්ලිම් ප්‍රජාව හා වෙනත් ආගම් අදහන ජනතාව අතර තියෙන්නෙ විශාල අන්‍යෝන්‍ය අවිශ්වාසයක්. කුරුණෑගල රෝහලේ මුස්ලිම් වෛද්‍යවරයෙක් අන්තවාදී ආගමික මතවාදය නිසා මුස්ලිම් නොවන මව්වරුන් වඳ භාවයට පත්කරාය යන චෝදනාව නිසා මේ අවිශ්වාසය ඉතාම භයානක මානයකට යමින් තියෙනවා. මේ වගේ අවස්ථාවක රටේ නායකයෝ මෙන්ම මුස්ලිම් ප්‍රජාවේ නායකයොත් කටයුතු කරන්න ඕන ඉතාමත්ම වගකීමෙන්.

ත්‍රස්තවාදී  ප්‍රහාරයෙන් සති දෙක තුනකට විතර පස්සෙ, සංවිධානාත්මක පිරිස් රටේ ඇතැම් ප්‍රදේශවල ජාතිවාදී කෝලහාලයක් ඇති කරන්න මුස්ලිම් කඩ සාප්පු වලට පහර දෙනව අපි දැක්කා. නමුත් ඒකට විරුද්ධව නැගී ආපු ජනතා විරෝධය හමුවේ ඒ ප්‍රචණ්ඩ ක්‍රියා ඉක්මනින්ම නැවතුණා.  සමාජ ජාලා තුළත් ඒ ප්‍රචන්ඩ ක්‍රියාවලට දැඩි විරෝධයක් එල්ල වෙලා තිබුණ. පහුගිය ජනාධිපතිවරණයට කළිනුත් ඔය වගේම සිද්ධීන් 2014 කාලයේදී ඇතිවුණා. 2015 ජනවාරි 9 වෙනිදා බලනකොට ගුටි දීපු අයත් ගුටි කාපු අයත් දෙගොල්ලොම හිටියේ පොදු අපේක්‍ෂකයගේ පැත්තෙ. ඒ වගේම විජ්ජාවක් තමයි මේ පාරත් කරන්න හැදුවෙ, නමුත් ඒ උත්සාහය වැරදුණා.

මේ මොහොතේ සිදුවෙමින් පවතින හැම දෙයක්ම තව මාස කිහිපයකින් පවත්වන්න නියමිත  ජනාධිපතිවරණයත් එක්ක කිට්ටුවෙන් බැඳිලා තියෙන බව අපි හැමෝම තේරුම් ගන්න ඕන.

වර්තමාන ආණ්ඩුවට ඕන කරන්නෙ 2015 ට කළින් නොයෙක් උප්පරවැට්ටි යොදලා තමන් වටේට සංවිධානය කරගත් මුස්ලිම් ඡන්ද පදනම ඊළඟ ජනාධිපතිවරණයටත් ඒ විදියටම පවත්වගන්න. විපක්‍ෂයේ මන්ත්‍රීවරුන් ආණ්ඩුවේ එක් කැබිනට් ඇමතිවරයෙකුට විරුද්ධව ත්‍රස්තවාදීන් සමඟ සම්බන්ධකම් තිබුණාය කියන පදනම මත විශ්වාසභංගයක් ඉදිරිපත් කළා. විශ්වාසභංගයක් කියන්නෙ පාර්ලිමේන්තු සම්ප්‍රදායේ ප්‍රධානම අංගයක්. ඒක විපක්‍ෂයේ අයිතියක්.

ඒ වගේ විශ්වාසභංගයක් ඉදිරිපත් වුණාම සාමාන්‍යයෙන් වෙන්නෙ ඕන එක්කෝ ඒ විශ්වාසභංගය විවාදයට අරගෙන ඡන්දයක් විමසීමයි. නැත්නම් අදාල ඇමතිවරයා ධූරයෙන් අස්වෙලා චෝදනා වලින් නිදොස් වුණාට පස්සෙ ආපසු තනතුරේ දිවුරුම් දීමයි. ඒ සම්ප්‍රදාය සිංහල, දෙමළ, මුස්ලිම් සියලුම ඇමතිවරුන්ට පොදුයි. ඉස්සර කාලේ එම්.ඒ. බාකීර් මාකර්, එම්.එච්. මොහොමඩ් වගේ මුස්ලිම් කතානායකවරුන්ට විරුද්ධව විශ්වාසභංග ඉදිරිපත් වුණාට ඒවා දිහා කවුරුවත් ජාතිවාදී  විදියට බැලුවෙ නෑ.

නමුත් මේ පාර එක් මුස්ලිම් ඇමති වරයෙකුට විරුද්ධව  විශ්වාසභංගයක් ඉදිරිපත් කෙරුවාම ආණ්ඩුවේ ඉන්න සියලුම මුස්ලිම් ඇමතිවරුන් ඉල්ලල අස්වුණා. ඒක පාර්ලිමේන්තු සම්ප්‍රදාය නොවෙයි. යූඑන්පී ආණ්ඩුව මේ අවස්ථාවේදී   මුස්ලිම් දේශපාලනඥයෝ පෙල ගස්සගෙන ඉදිරියේ එන ජනාධිපතිවරණයේදී ඔවුන්ගේ ඡන්ද ගෙඩිය පිටින් ලබාගන්න උත්සාහ කරන බවක් මෙයින් පේනවා. ඕවා තමයි මේ ඔක්කොම අස්සෙ සිදුවෙන සෙල්ලම්.

සාමුහිකව ඉල්ලා අස්වීමෙන් විපක්‍ෂයේ විශ්වාස භංගයත් ආණ්ඩුව අහෝසි කර ගත්තා. වෙනත් ප්‍රශ්නත් අමතක කරවගන්නත් ආණ්ඩුව මේවා ඉවහල් කරගන්නවා. දැන් බැඳුම්කර වංචාව ගැන මුකුත් කතා නෑ, රටේ ණය අර්බුධය ගැන කතා නෑ. පාස්කු ඉරිදා බෝම්බ ප්‍රහාරයෙන් පස්සෙ තාමත් තුවාල කරුවන් ඉස්පිරිතාල වල ඉන්නවා, ඒගොල්ලනුත් අමතකයි. අන්තවාදීන් ගැන මුකුත් කතාවක් නෑ. සෝදිසි කිරීමුත් නැවතිලා, ආයුධ හමුබවෙන්නෙත් නෑ. අත්අඩංගුවට ගත්ත ත්‍රස්තවාදී සැකකරුවන් ගැන ගන්න පියවර ගැනත් මුකුත් කතාවක් නෑ. ඇතිවූ මේ උණුසුමත් එක්ක ආණ්ඩුව රටේ දේපොල විකුණන්නත් උත්සාහ කරනවා. එක ගලෙන් කුරුල්ලෝ සීයක් විතර මරලා.

යූඑන්පී එකට ඒ දක්‍ෂතාවය තියෙනවා. තමන්ගෙ දේශපාලන ව්‍යාපෘතිය වෙනුවෙන් ඒගොල්ලො මේ රටේ මුස්ලිම් ප්‍රජාවත් හොදට ප්‍රයෝජනයට ගන්නවා. යූඑන්පී එකට මධ්‍යස්ථ  මුස්ලිම් වගේම අන්තවාදී මුස්ලිම්වරුන්ගෙත් ඡන්ද අවශ්‍යයි. ඡන්ද ලැබෙන්නෙ කාගෙන්ද කියලා ඒගොල්ලන්ට ප්‍රශ්නයක් නොවෙයි. ඒ වගේම මුස්ලිම් නායකයන්ට තමන්ට හීලෑ කරගන්න පුලුවන් ආන්ඩුවක් අවශ්‍යයි. නමුත් මේ සුසංයෝගයෙන් සාමාන්‍ය මුස්ලිම් ජනතාව අද මුහුණ දීලා තියෙන ප්‍රශ්නයට විසඳුමක් ලැබෙන්නෙත් නෑ. මේ රටේ පොදු ජනතාවට අවශ්‍ය වෙන්නේ ආගම්වාදී ත්‍රස්තවාදීන්ගෙන් තමන්ගෙ ජීවිත බේරා ගැනීමටයි. මේ රටේ සාමාන්‍ය මුස්ලිම් ජනතාවට අවශ්‍ය වෙන්නෙත් තම ප්‍රජාව තුළින් ත්‍රස්තවාදීන් ඉවත් කරගෙන සුපුරුදු දිවි පෙවෙතට නැවත අවතීර්ණ වීමයි.

අද වෙනකොට, අන්‍ය ආගමිකයන් ඝාතනය කරන මිලේච්ඡ ආගම්වාදී ත්‍රස්තවාදයක් බිහි වෙලයි තියෙන්නෙ. බෞද්ධ, හින්දු, ක්‍රිස්තියානි සියලු ජනකොටස් තමන්ගේ ආරක්‍ෂාව සඳහා ඒ ත්‍රස්තවාදයට විරුද්ධව පෙළ ගැසමෙනුයි ඉන්නෙ. මේ වෙලාවේ මධ්‍යස්ථ මතධාරී බහුතර මුස්ලිම් ජනතාව ත්‍රස්තවාදයට විරුද්ධව ඇතිවෙමින් පවතින ඒ එකතුවෙන් කොන් විය යුතු නෑ. අන්තවාදී අදහස් රට තුළට ආපු නිසා ශ්‍රී ලාංකික මුස්ලිම් ප්‍රජාව ක්‍රම ක්‍රමයෙන් සෙසු ශ්‍රී ලාංකික ප්‍රජාවගෙන් විහින්ම ඈත් වුණු බව මුස්ලිම් ආගමික නායකයන් වගේම බුද්ධිමතුනුත් පාස්කු ඉරිදා මරාගෙන මැරෙන ප්‍රහාර වලින් පස්සෙ ස්වයං විවේචනාත්මකව පිළිගත්තා.

1980 ගණන් වල ඉඳලා වෙනම මුස්ලිම් දේශපාලන පක්‍ෂ බිහිවීම නිසා දේශපාලන ක්‍ෂේත්‍රයෙත් ඔවුන් වෙනම ගමනක් යන්න පටන් ගත්තා. ශ්‍රී ලාංකික මුස්ලිම් ප්‍රජාව සෙසු ශ්‍රී ලාංකික ප්‍රජාවෙන් ඈත් කරන මේ ක්‍රියාදාමයේ කූඨප්‍රාප්තිය තමයි පසුගියදා සියලුම මුස්ලිම් ඇමතිවරුන් ඉල්ලා අස්වීමෙන් අපි දැක්කෙ. ඉල්ලා අස්වෙච්ච ඇමතිවරු විපක්‍ෂ නායකවරයා හැටියට කරුණු දක්වන්න මාව මුණගැහුනාම මම ඒගොල්ලන්ට මේ ගැන අවවාද කළා.

1980 ගණන් වල පළමු වරට වෙනම මුස්ලිම් දේශපාලන පක්‍ෂයක් පටන් ගත්ත මගේ මිත්‍ර එම්.එච්.එම්. අස්රොෆ්, ආගම්වාදී දේශපාලන පක්‍ෂයක් ඇති කරපු එකේ වැරැද්ද තේරුම් අරගෙනයි හිටියේ. ඒ හින්ද තමයි අන්තිම කාලේ ඔහු ‘නැෂනල් යුනිටි එලායන්ස්’ (National Unity Alliance)  කියලා සියලුම ජාතීන්ට පොදු දේශපාලන පක්‍ෂයක් හැදුවෙ. නමුත් ඔහුගෙ මරණින් පස්සෙ, ඒ එකතුවීමේ ප්‍රවනතාවය නැවතුණා, විහින් හුදෙකලා වීමේ ප්‍රවනතාවය තවත් තීවුර වුණා.

අද ඉන්න මුස්ලිම් දේශපාලන නායකයෝ මුස්ලිම් ඡන්ද මත විතරක් රඳා පවතින නිසා ඒගොල්ලොන්ට ඒ ප්‍රජාව තුළ ඉන්න අන්තවාදීනුත් අවශ්‍යයි.  පසුගිය වකවානුව පුරාම මුස්ලිම් අන්තවාදය මේ රට තුළ වර්ධනය වුණේ ඒකට විරුද්ධ වෙන්න දේශපාලන නායකත්වයට බැරි වුණ, බිය වුන නිසයි. මුස්ලිම් දේශපාලනඥයෝ සිංහලෙන් සංහිඳියාව ගැන කතා කරලා දෙමළෙන් ජාතිවාදය වපුරනවා කියලා ලොකු චෝදනාවක් තියෙනවා.

ලංකාවෙ මුස්ලිම් ප්‍රජාව තුළ අන්තවාදය ප්‍රචලිත වෙන එක අද ඊයෙ එකපාරට සිදුවෙච්ච දෙයක් නොවෙයි. මේක අවුරුදු ගණනාවක් මුලුල්ලෙ වාද විවාද, තර්ජන, ගර්ජන, ගුටි බැට හුවමාරු, පල්ලි ගිනිබත් කිරීම්, ගෙවල් ගිනිබත් කිරීම්, මිනීමැරුම්, ඔක්කොමත් එක්ක සිද්ධ වෙච්ච ක්‍රියාදාමයක්.  ඒ සියල්ල සිදුවෙද්දිත් ලංකාවෙ මුස්ලිම් නායකයො තමන්ගෙ දේශපාලන පැවැත්ම සඳහා ඒ අන්තවාදීන්ටත් අනුග්‍රාහය දක්වලා වැඩෙන්න ඉඩ දුන්න. පාස්කු ඉරිදා බෝම්බ පිපිරුනායින් පස්සෙ සමහර නායකයො කියන්න පටන් ගත්ත “අපි හිතුවෙ නෑ මෙච්චර දෙයක් සිද්ධවෙයි” කියල.

නමුත් දැන් අපි සිද්ද වෙලා තියෙන දේට විසඳුමක් හොයන්න ඕන. ත්‍රස්තවාදය මේ රටේ සෙසු ජන කොටස් කිසිසේත්ම ඉවසන්නෙ නෑ.  මේ ත්‍රස්තවාදය අපි මොන ක්‍රමයකින් හෝ විනාශ කළයුතුයි. ජනතා විමුක්ති පෙරමුණේ භීෂණය නිසා සිංහල පුද්ගලයන් අත්අඩංගුවට ගැනුන, සිංහල නිවාස හා පන්සල් සෝදිසි කෙරුණා. කොටි ත්‍රස්තවදය නිසා දෙමළ පුද්ගලයන් අත්අඩංගුවට ගැණුනා. දෙමළ නිවාස හා කෝවිල් සෝදිසි කෙරුණා. මුස්ලිම් ප්‍රජාව තුළින් මතුවෙන ත්‍රස්තවාදයක් මර්ධනය කරන්න නම්, අනිවාර්‍යයෙන්ම මුස්ලිම් පුද්ගලයන් අත්අඩංගුවට ගන්න වෙනවා. මුස්ලිම් ගෙවල්, ව්‍යාපාරික ස්ථාන, පල්ලි සෝදිසි කරන්න වෙනවා. ඒවා කරන්නෙ නැතුව ඔඩු දුවපු අන්තවාදයක් තුළින් මතුවුණු ත්‍රස්තවාදයක් මර්ධනය කරන්න පුලුවන් වෙයි කියලා කියන එක බොරුවක්.

ආගම්වාදී ත්‍රස්තවාදය අපිට අලුත් දෙයක් වුණාට, ලෝකයේ සියලුම මුස්ලිම් රටවලට මේක බොහොම හුරු පුරුදු දෙයක්. මධ්‍යස්ථ මතධාරී මුස්ලිම් ප්‍රජාව තමයි ලෝකයේ අති බහුතරයක් ඉන්නෙ. ඉන්දුනීසියාව, මලයාසියාවේ ඉඳල ඕමානය, ඩුබායි, ඉඳලා මොරොක්කෝව දක්වා මුස්ලිම් බහුතරයක් වාසය කරන රටවල මිනිස්සුත් කරන්නෙ අපි වගේම සාමාන්‍ය ජීවිත ගත කරන එකයි. මුස්ලිම් බහුතරයක් වාසය රටවල් බොහොමයක වෙනත් ආගම් අදහන අය දහස් ගණන්, ලක්‍ෂ ගණන් ඉන්නවා. අන්තවාදය මර්ධනය කරලා තියෙන ප්‍රමාණයට සාපේක්‍ෂව ඒ රටවල් වල අන්‍ය ආගමිකයන්ගේ සුරක්‍ෂිතතාවය තහවුරු වෙනවා.

ලංකාවේ විතරක් නොවෙයි, ලෝක මුස්ලිම් ප්‍රජාවගෙත් ලොකුම හතුරා තමයි, අන්තවාදී ත්‍රස්තවාදය. මුස්ලිම් රටවල් විනාශ කරන්න අධිරාජ්‍යවාදී බලවතුන් පාවිච්චි කරන ප්‍රධානම මෙවලමත් මේ ආගම්වාදී අන්තවාදයයි.  ඒ ප්‍රවනතා වලට  සිතාමතාම උඩගෙඩි දීලා අධිරාජ්‍යවාදී බලවතුන් ඇෆ්ගනිස්ථානය, ඉරාකය, සිරියාව, ලිබියාව, යේමනය  වගේ හොඳට තිබුණු මුස්ලිම් රටවල් සහමුලින්ම විනාශ කරල ඉවරයි. අපේ රටටත් දැන් ඇවිල්ලා තියෙන අන්තවාදී ත්‍රස්තවාදයෙන් ලාංකික මුස්ලිම් ප්‍රජාවට වෙන්නෙ අගතියක්ම මිස සුගතියක් නොවෙයි. සුලු පිරිසකගේ දේශපාලන උවමනාව මත  මේ රටේ මුස්ලිම් ජනතාව සෙසු සමාජයෙන් වෙන් කරලා, ගාල් කරලා, තියාගන්න එකේ භයානකකම දැන්වත් ඔවුන්ගේ නායකයන්ට අවබෝධ වෙයි කියලා මම බලාපොරොත්තු වෙනවා.

සෙසු සියලුම ජනකොටස් එකතුවෙලා මේ වෙලාවෙ අපේ රටේ ඉන්න මධ්‍යස්ථ මතධාරී බහුතර මුස්ලිම් ජාතිකයන්ට ආරක්‍ෂාව සපයන්න ඕන. ඔවුන් කොන් නොකල යුතුයි.  මේ වෙලාවේ හැම මුස්ලිම් පුද්ගලයෙකුම තමන්ගේ විචාර බුද්ධිය පාවිච්චි කරලා, ලාංකික සංස්කෘතියට අනුගත වෙලා, තම ප්‍රජාව තව තවත් අගාධයට ඇදගෙන යන පටු ආගම්වාදී දේශපාලනයෙන් මිදෙන්න ඕන. ඒක මුස්ලිම් ප්‍රජාව තුළින්ම එන්න ඕන වෙනසක්.

ත්‍රස්තවාදයට විරුද්ධව රටේ විවිධ ජනකොටස් එකමුතු වෙමින් පවතින මේ අවස්ථාවාදී ලෝකයේ බහුතර මුස්ලිම් ප්‍රජාව අනුව යමින්, මධ්‍යස්ථ ලාංකික මුස්ලිම් ප්‍රජාවත් එම එකතුවට එක් වෙයි කියලා අපි බලාපොරොත්තු වෙනවා. මම නායකත්වය දෙන ආණ්ඩුවක් යටතේ, මොනම ත්‍රස්තවාදයකටවත් මේ රටේ පවතින ඉඩ නොදෙන බව මම මේ අවස්ථාවේදී ජනතාව ඉදිරියේ ස්ථීර වශයෙන්ම ප්‍රකාශ කරනවා.

ස්තුතියි.

ඔබ සැමට තෙරුවන් සරණයි
දෙවි පිහිටයි

73,419 Viewers

30 Comments to “මුස්ලිම් දේශපාලනඥයෝ සිංහලෙන් සංහිඳියා කතා කියලා දෙමළෙන් ජාතිවාදය වපුරනවා.. ඔවුනට අන්තවාදයත් අවශ්‍යයි.. මුස්ලිම් විරෝධය අස්සේ අටවන මැතිවරණ උගුල මහින්ද හෙලි කරයි..”

  1. අංකූරා says:

    ඉතාමත් සාරගර්භ දේශණයක්!, හොඳ ආරම්භයක් !!, ඔය විදිහටම ජනතාව මෙහෙයවාගෙන ඉදිරියටම යමු !!!.

    • Charith says:

      If mahinda get in to the power again, these are the top cabinet ministers, Hakeem, Rishad, Rajitha and Mangala. Please write down in your diary with the date.

      • Bandara says:

        සිංහල දේශපාලකයන් සිංහලයන්ට සිංහලෙන් එකක් කියා කලු සුද්දන්ට ඉංග්‍රීසියෙන් තව එකක් කියයි…..

      • Kalu sudda says:

        Charith aiya, let us give them another chance to correct themselves. Ra vatunu vale daval vatei kiyala hithanna amarui.

        Before that we have to think whether we will get an election. For me the government is dead silent about elections. Not sure until an election is held in a peaceful environment.

      • Harry says:

        Are you day dreaming? This will never happen again!

      • මාතුපාල says:

        මන්න පොන්ගල, සහ ප්‍රාජිත යන අපතයන් දෙදෙනාව මහින්දගේ රජයකට නැවත සම්බන්ධ කරගන්නේ
        නැතිබව ඉරහඳ වගේ විශ්වාසයි.

        • Open Mind says:

          උන් දෙන්නව සම්බන්ද කරගන්න පක්ෂයේ පරාජය ගලේ කෙටූ ඉරක් වගේ ස්ථිරයි.

    • Nishantha says:

      Unge 10% gediya pitin unp ekata

    • Nishantha says:

      Unge 10% gediya pitin unp ekata.ape 75% dasa athe bedamu.ethakota unta one eka janapathi .wanda weegena yana jathiyane api

    • analyst says:

      really ? nothing was said about forced sterilisation of women or this psychopath called Dr Shaafi

  2. Crazy says:

    good statement and a good analysis of current situation.

  3. SL says:

    හකීම් ල ඇත්ත කියද්දී හාමුදුරුවන්ට බනිනවා වයිරය වපුරනවා කියල ,දැන් කොයි ඔය අල් ටකියාව …හිස්බුල්ල ගේ කතාව එලියට ආපු නිසා හොඳයි. ඌ මෙච්චර කල් නැගෙනහිර කලේ අන්තවාදේ වපුරන එක තමයි .උට සෞදිය ලොකු වෙලා මෙහෙ විනාශ කරනවා .

  4. kanishka Tissa says:

    Well said sir! This is absolutely true!

  5. Sirisena Yatawara says:

    The leader of opposition Hon Mahinda Rajapaksa speech is reflected current situation country as citizens of all Sri lank we have in depth study is very important for all nationalities .
    We have understand that Muslim community has to learn bitter lessons that of 21/4 attack in Manslaughter by Extremist Islam terrorist. No nation going to accepts that mode of politics in Sri lanka.

  6. Kubiya says:

    Great speech Sir .

  7. Chamara says:

    අපේ නායකයොත් කරන්නේ ඕකමනේ. මුස්ලිම් අයට එකක් කියල අපිට එකක් කියනව. අපි දැක්කනේ ඔබතුමා බුර්කා තහනමට මුස්ලිම් නයකයෝඉදිරියේ විරුද්ද උන හැටි.

  8. somapala says:

    නියම කාලෝචිත ගැඹුරු දේශනයක් මේ. ඉගෙන ගතහැකි දේ රාශියක් මෙහි තිබෙනවා. ස්තූතියි

  9. Nirmal says:

    ප්‍රභකරන්,හිස්බුල්ලා,හ්කීම්,රිශාඩ් මොවුන් උත්සහකලේඋන්ගේ ජතියටත් යමක් කරල උනුත් ගොඩ යන්ඩ. නමුත් අපේ පාහර සින්හල දෙශපාලුවෝ උන්ගෙ හත්මුතු පරම්පරාවම ගොඩදාගත්තා මිස තමන්ගෙ ජාතිය දෙස ඇස් ඇරල බැලුවේ නැ.

  10. SL says:

    මේවා දෙමළෙනුත් කියන්න ඕනේ ,

  11. Saradiel says:

    රට පෙරට යන්නත් සතුටින් ජිවත් වන්නත් තුන්වේලක් කාලා ඉන්නත් එකම මග මහින්ද සමග ගොටාබය පත් කර ගැනීමයි

    • Kamal says:

      Only Gotabaya .i don’t trust other one.

      • Ratata Adhare says:

        Yes, only one can hold the presidential position. That Should be Gota.
        We like Mahindha and other patriotic leaders for other important portfolios.
        We don’t like UNP, JVP, TNA and MC traitors.

  12. ලක්මාල් says:

    බලේ තියෙනකොට මොලේ නෑ
    මොලේ තියෙන කොට බලේ නෑ

    • සුවඳරත්න says:

      මොලේ නැත්නම් කොහොමද බන් ලෝකයේ ඉන්න යුධ විශේෂඤ්ඤයන් ගණනාවක් කිසි දිනක පැරදිය නොහැකියයි
      කැට කඩා කියපු හිට්ලර්ගෙන් පස්සෙ ලෝකයේ බිහිවුන බිහිසුනුම ත්‍රස්ත සංවිධානය අවුරුදු තුනක්වගේ සුලු කාලයකින්
      යුධමය වශයෙන් සහමුලින්ම විනාශ කලේ?

      • සිරිතේක්කු says:

        හැබෑ නේන්නම්!

        මට බැරි ගෑණියෙක් පිරිමියෙක් කරන්ඩයි, පිරිමියෙක් ගෑණියෙක් කරන්ඩයි විතරයි කියල පාරම් බාපු,
        අමෙරිකාව වගේ බලවත් රටක් මගේ ගජ මිතුරො කියපු ජූනියස් රිචඩ් දුර කාල දෙකක් විධායක ජනාධිපති වෙලා
        ඉදලත් පරදවන්ඩ බැරි වෙච්ච වේලුගේ ත්‍රස්ත අවුට්ෆිට් එකනේද මහින්ද තම පලවෙනි දුර කාලෙදිම නන්දි කන්ඩාල් යැව්වෙ?

        • The people says:

          The people should force all the politicians in the main parties to have a common stand on the demands ( if they are reasonable ) they can give to minorities ,without trying to exploit at the expense of majority peoples’ rights. Acording to our constitution , all the communities have been guaranteed the equal rights and the minorities live happily and do their businesses freely in almost all parts of the country.Only the majority race has been deprived
          of living in Northern province and most part of eastern province due to racialist Tamil and Muslim politicians.

  13. සකුරා says:

    ඉතා නිවැරදි විග්‍රහයක්! සැවොම සම්පූර්ණයෙන්ම කියවා හොඳින් තේරුම් ගත යුතුයි!

    • LAK WESIYO says:

      It is heartening to see you call Spade a Spade . It recalls the people , when all other then U.N. P. leaders did not have a spine to call past brutal , L.T.T.E. Terrorist menace as a terrorism , Late President D.B. Wijetunge had a backbone to call them as terrorists to the local and international world.

  14. Hi Hi says:

    ඉතාමත් සාරගර්භ දේශණයක්! නියම කාලෝචිත ගැඹුරු දේශනයක් මේ. කවුද දන්නේ නෑ ලියලා දුන්නේ.

  15. rohana says:

    දෙමළ කතාකරන ජනයා සමග අපේ ප්‍රශ්නයක් තිබුණේ නැහැ. අපට ප්‍රශ්නය වූයේ දෙමළ ත්‍රස්තවාදය, එය පිටුපස සිටි බටහිර නූතනත්වය හා එයට අනුබල දුන් දේශපාලනඥයන්. එමෙන් ම මුස්ලිම් ජනයා සමග අපට ප්‍රශ්නයක් නැහැ. අපට ප්‍රශ්නය ඇත්තේ මුස්ලිම් අන්තවාදය, එය පිටුපස සිටින බටහිර නූතනත්වය හා මුස්ලිම් අන්තවාදීන් ආරක්‍ෂා කරන මුස්ලිම් දේශපාලනඥයන්. හිස්බුල්ලා යන්න ඉංගිරිසියෙන් කෙසේ ලිව්වත් උච්චාරණයේ දී ඇසෙන්නේ කාගෙ දෝ බුල්ලා කෙනෙකු ලෙසයි. හිස්බුල්ලාලා දෙමළෙන් කියන දේ සිංහලට පරිවර්තනය කර ප්‍රසිද්ධ කිරීමට යම් ජනමාධ්‍යයක් කටයුතු කරන්නේ නම් රටට හොඳක් වේවි.

Main News