ගොටාගේ නඩු තීන්දුව එද්දී සජිත්ගේ වේදිකාවේ මුහුණු කළු වී යති.. ආසන්නයේම රතිඤ්ඤාද පුපුරති..

October 5, 2019 at 10:40 am | lanka C news
ගොටාගේ නඩු තීන්දුව එද්දී සජිත්ගේ වේදිකාවේ මුහුණු කළු වී යති.. ආසන්නයේම රතිඤ්ඤාද පුපුරති..

හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව අභියාචනාධිකරණය හමුවේ ගොනු කර තිබූ පෙත්සම ඊයේ පස්වරු ඉවත දමන අවස්ථා වන විට ඔහුට එරෙහිව ප්‍රධාන ප්‍රතිවාදියා සේ සැලකෙන සජිත් පේ‍්‍රමදාස මහතා සිටියේ කොළඹ නව නගර ශාලාවේ රැස්වීමක් අමතමිනි.

මෙම රැස්වීම සංවිධානය කර තිබුණේ තරුණ වෘත්තිකයන් වෙනුවෙනි.

අදාළ පුවත කෙටි පිණිවුඩයකින් වේදිකාවේ සිටි සුජීව සේනසිංහ මහතාට ලැබුණු අතර ඔහු එම පණිවිඩය වේදිකාවේ සිටි සෙසු නායකයන්ටද පෙන්විය.

ඒ සමගම සියලු දෙනාගේ මුහුණු අඳුරු වී ගිය බව එහි සිටි කිහිප දෙනෙකුම පැවසූහ.

ඒ මොහොතේම ඒ ආසන්නයේ මෙන්ම කොළඹ නගරයේ බොහෝ ස්ථානවල රතිඤ්ඤා පුපුරන හඬ එතනටද ඇසිනි.

281 views
Main News