ඇතින්නියන් 07ක් මරා දමා ඇත්තේ මලයාලම් බාරයක් ඔප්පු කරන්නයි..

October 11, 2019 at 1:20 pm | lanka C news
ඇතින්නියන් 07ක් මරා දමා ඇත්තේ මලයාලම් බාරයක් ඔප්පු කරන්නයි..

සෑම සියලු අතින් බිඳ වට්ටවා ඇති රට යළි ගොඩගත හැක්කේ තිස් අවුරුදු යුද්ධය නිමකොට ‘සයනයිඞ් කරල ගෙල බැඳි දරුවා’ යළි පාසල වෙත යොමු කළ, සිංහල, මුස්ලිම් දරුවන්ට බෝම්බ බියෙන් තොරව පාසල වෙත යාමට මඟ පෑදූ ගෝඨාභය – මහින්ද සුසංයෝගයට මිස අන් කිසිවකුට නොවන බවත් ඒ සුසංයෝගය දිනවීම තම දරුවාට සුරක්‍ෂිත හෙට දවසක් උදාකර දීමට වෙහෙසෙන මෙරට සියලු මිනිසුන්ගේ අත්හළ නොහැකි වගකීමක් බවත් ජානිපෙ නායක විමල් වීරවංශ මහතා පවසයි.

ඒ මහතා මෙසේ පැවසුවේ අනුරාධපුර සල්ගාදු පිටියේ පැවැති ශ්‍රී ලංකා පොදුජන පෙරමුණේ ජනපති ධුර අපේක්ෂක ගෝඨාභය රාජපක්‍ෂයන්ගේ ජය තහවුරු කරන රැලි මාලාවේ පළමුවැන්න අමතමිනි.

එහිදී වැඩිදුරටත් අදහස් දැක්වූ විමල් වීරවංශ මහතා මෙසේද පැවසීය.

“ශ්‍රී ලංකා නිදහස් පක්‍ෂය අප සමඟ අත්වැල් බැඳ ගැනීමත් සමඟම අද අපි මේ සටන පටන් ගන්නේම ලක්‍ෂ 65ක ඡන්ද පදනමක් සහිතවයි. අපි අද සිට නොවැම්බර් 16 දක්වා එතැනින් ඉහළටයි යන්නේ. නියත ජයග්‍රහණයක් – විජයග්‍රහණයක් වෙතයි අපි ළඟා වෙන්නේ. ජයග්‍රහණය සමරන්න නොවැම්බර් 16 වැනිදා තෙක් බලා සිටීමට වෙන්නේ නැහැ. ඇල්පිටිය ප්‍රාදේශීය සභා ඡන්දයේදී එහි විරෝදාර ජනතාව ‘ජයග්‍රහණයේ පෙරවදන’ ලියනවා. ඒ ‘ජයග්‍රහණයේ පෙරවදන’ 11 වැනිදා රාත්‍රියේ රට පුරා රතිඤ්ඤා පත්තුකර ඉතා ඉහළින් සැමරිය යුතුව තිබෙනවා.

අද අපි මේ රැස්ව සිටින්නේ ජයග්‍රහණ වඩවාලන භුමියකයි. ඒ වගේම රටම ආදරය කරපු මිනිස්සු ආරක්‍ෂා කරපු භූමියකයි. ජය ශ්‍රී මහා බෝධින්වහන්සේ මෙන්ම ධර්මයේ සඳහන් වන පරිදි බුදුන්වහන්සේගේ පරිනිර්වාණයෙන් පසුව විශ්වයට විහිදී ගිය ධාතූන්වහන්සේලාගෙන් ‘ද්‍රෝණයක්’ ධාතූන් වහන්සේලා වැඩ සිටන උතුම් රුවන්වැලිසෑය ද මේ පුණ්‍යභූමියේදී අප නෙත ගැටෙනවා. මහරජ ගැමුණු එළාරගේ බලකොටු 32ක් බිමට සමතලා කර ජයග්‍රහණයේ කොන්තය සිටුවූ භූමිය ද මෙයයි. අපට තිබෙනවා, දීපිය පිළිබඳ වංශ කතාවක් දීප වංශය, ස්ථූප පිළිබඳ වංශ කතාවක් ස්ථූප වංශය. ඒ වගේම වසර 2500ක ලිඛිත ඉතිහාසයක් සහිත මහා වංශයක් සතු එකම රට මේ රටයි. උපැවිදිව, දකුණු ඉන්දියානු ආක්‍රමණිකයාට විරුද්ධව සටන් වැදිලා, ඔවුන් පලවා හැරීමට නායකත්වය දුන් ධාතුසේන රජු පසුව මහා වැව් බැඳලා මේ රටේ කෘෂිකර්මාන්තයට පණ දුන්නේ මේ පුණ්‍යභූමියේ සිටයි. මෙය රට රැකපු මිනිස්සු ජීවත් වූ භූමියක්.

‘විජිතපුර බලකොටුවට අයත් පුරාවිද්‍යා ස්මාරක වනසන යුගයක්’

මහරජ දුටුගැමුණුට සවිය සැපයූ විජිතපුර බලකොටුවට අයත් පුරාවිද්‍යා ස්මාරක වනසමින් තිබෙන යුගයකයි අපි ජීවත් වෙන්නේ. එජාප හිටපු පළාත් සභා මන්ත්‍රීවරයකු වූ ඉසාක් රහුමාන් නැමැත්තා විජිතපුර බලකොටුවට අයත් පුරාවිද්‍යා ස්මාරක අද බිමට සමතලා කරන්නේ සංස්කෘතික කටයුතු අමාත්‍යංශය සහ පුරාවිද්‍යා දෙපාර්තමේන්තුව භාර ඇමති සජිත් ප්‍රේමදාසගේ අනුග්‍රහය සහිතවයි. මේ සියල්ල නතර කර යළි මේ පුණ්‍යභූමියට පණ දීමට අද ප්‍රතාපවත් නායකත්වයක් ඉල්ලා සිටිනවා.

‘මහින්ද යුගයේ දායාද’

2005 දීත් මේ රට අධිරාජ්‍යවාදීන්ගේ තිප්පොළක් බවට පත් වී තිබුණා. ලක් මාතාවගේ ගෙල සිර කරමින් තිබූ ඒ අවස්ථාවේදී තමා මුළුමහත් ජාතියම මහින්ද රාජපක්‍ෂ යන නායකයා ඉල්ලුවේ. 2005 දී මහින්ද රාජපක්‍ෂ මහත්තයා බලයට එන විට දළ දේශීය නිෂ්පාදිතය ඇමෙරිකන් ඩොලර් බිලියන 20.7යි. 2014 වන විට එය බිලියන 80 දක්වා ඉහළ දැම්මා. ඒක පුද්ගල ආදායම 2005 දී බලයට එනවිට ඇමරිකන් ඩොලර් 1062යි. 2014 අවසානයේ භාර දී යන විට ඒකපුද්ගල ආදායම ඇමෙරිකන් ඩොලර් 3853 දක්වා ඉහළ දමා තිබුණා. 2005 දී උද්ධමනය 9%ක අගයක තිබුණා. 2014 දී එය 3.3% දක්වා පහත දමා තිබුණා. බලයට එනවිට විදේශ වත්කම් සංචිතය ආමෙරිකන් ඩොලර් බිලියන 2.3යි. 2014 දී එය ඇමෙරිකන් ඩොලර් බිලියන 8.3 දක්වා ඉහළ දැම්මා. 2005 දී බලයට එන විට දළ දේශීය නිෂ්පාදිතයේ ප්‍රතිශතයක් ලෙස ණය බර 102.3%ක්. 2014 වන විට එය 70.7% දක්වා අඩු කළා. 2005 දී දුගී බව 15%යි. 2014 දී එය 6% දක්වා අඩු කළා. පරිගණක සාක්‍ෂරතාව 2005 දී 0.5%යි. එය 2014 දී 26% දක්වා ඉහළ දැම්මා. ඒ විදියට මෙතුමා පරිගණක සාක්‍ෂරතාව ඉහළ දැම්මාම, ඒ තුළින්ම ගොඩනැගුණු පිරිස් ලවා සමාජ මාධ්‍යවල විරෝධාකල්ප හදවලා, නැති බොරු පැටව් ගස්සලා ඒ පාලනය පරාජයට පත් කිරීම සඳහා යොදා ගැනීමට විදෙස් බලවේග කටයුතු කළ ආකාරය අපට අමතක නැහැ.

‘ගෝඨාභය – මහින්ද සුසංයෝගය’

ඒ වගේම 2005 දී බලයට ආපු මහින්ද රාජපක්‍ෂ මැතිතුමාට, ගෝඨාභය රාජපක්‍ෂයන් සමඟ එකතුවෙලා මේ රටේ එවකට පැවැති බරපතළම ප්‍රශ්නයට විසඳුම් දීමට පුළුවන් වුණා. එදා මහින්ද – ගෝඨාභය සුසංයෝගයෙන් මේ රටේ ජනතාව මරබියෙන් බේරා ගත්තා. සයනයිඞ් කරල බෙල්ලේ එල්ලා තිබූ දෙමළ දරුවා පාසල් යැවීමට, සිංහල, මුස්ලිම් දරුවන්ට බෝම්බ බියෙන් තොරව පාසල් යාමට හැකි පරිසරය හැදුවේ මේ මහින්ද – ගෝඨාභය සුසංයෝගයයි. එහෙම නම් අද මේ රට වැටී ඇති වළෙන් ගොඩගත හැක්කේ ද වෙන කාටවත් නොවෙයි මහින්ද – ගෝඨාභය සුසංයෝගයට පමණයි.

‘මලයාලම් භාර ඔප්පු කිරීම’

ගෝඨාභය රාජපක්‍ෂයන් මෙහිදී පැවසුවා, අලි – මිනිස් ගැටුමට ද විසඳුම් ලබා දෙන ආකාරය ගැන. එතුමා කිව්වේ අපේක්ෂකත්වය ලැබුණාට පසුව මලයාලම් භාර ඔප්පු කිරීමට ඇතින්නියන් 07 දෙනෙකු මරා දැමීම ගැන නොවෙයි. අද ජනතාව ඉල්ලා සිටින්නේ මේ පිංබිම රකින්න පුළුවන්, ආර්ථික බලය ගොඩනගන්න පුළුවන්, සහරාන්ලාගේ බෝම්බ බිය තුරන් කළ හැකි නායකයෝ. ඒ නායකත්වය තිබෙන්නේ මේ වේදිකාව තුළයි. ‘ගෝඨාභය – මහින්ද’ ඒ නායකත්වයයි. ඒ නිසා මේ මව් පොළොව ඉල්ලන ඒ ප්‍රාර්ථනාවේ කොටස්කරුවන් වෙමුෟ විදෙස්ගත ශ්‍රී ලාංකිකයනි, ඔබේ දායකත්වයත් මෙරටට පැමිණ ලබා දෙන්න”

– අනුරුද්ධ බණ්ඩාර රණවාරණ

61,502 Viewers

11 Comments to “ඇතින්නියන් 07ක් මරා දමා ඇත්තේ මලයාලම් බාරයක් ඔප්පු කරන්නයි..”

  1. suresh says:

    වතු කම්කරු ජනතාවගේ විශාල සහයෝගයෙන් ඇල්පිටිය 60% කින් සජිත් දිනනවා. ඒක නවත්වන්න පොහොට්ටුවට බැහැ

    • john the baptice says:

      ජලනි ආර්යාව වතු දෙමළ කල්ලතොනින්ව born again ක්‍රිස්තියානි sect එකේ සාමාජිකයන් කරමින් ,කදුකරේ ඉඩම් බෙදා දෙන බවට පොරොන්දු දී ඇත.
      ඇය වතු දෙමල කොළනියක් සදා එහි රැජින වෙන්න හදනවාලු //කදුකරේ බලය අල්ලා ගන්න වතු සක්කිලි ජන්දේ දෙනවාලු

  2. VOICE OF UNP says:

    වතු කම්කරු ජනතාවගේ විශාල සහයෝගයෙන් ඇල්පිටිය85% කින් සජිත් දිනනවා. ඒක නවත්වන්න පොහොට්ටුවට බැහැ

    • sunimal says:

      පොහොට්ටුවට වතු දෙමළ තේ වතු වහල්ලුන්ගේ ජන්දේ අවශ්‍ය නැත ..
      මේ සිංහල මව් බිමේ සිංහල ජන්දේ හොදටම ඇති
      මේ රට දකුණු ඉන්දියාවේ ප්‍රාන්තයක් නොවේ ….සක්කිලි ජන්දේ අවශ්‍ය නැත
      සජිත් වැනි මෝඩයෙක් අපේ රටට අවශ්‍ය නැහැ

  3. පොඩි බයියා says:

    කවුතුකාගාරෙ කඩල කඩු හොරකම් කරපු සිරීපාදෙ ඝණ්ටාරෙ උස්සපු බයි හැත්ත බොරු බේගල් ගහනව.

  4. Don says:

    සජිත් ප්‍රේමදාස මහතා මෙරට මීළඟ ජනාධිපතිවරයා විට බස්නාහිර දිශාවෙන්හිරු පායන සේ විශ්වාස බව ඇමැති රාජිත සේනාරත්න මහතා පැවසීය.

  5. Don says:

    වතු කම්කරු ජනතාවගේ විශාල සහයෝගයෙන් ඇල්පිටිය 60% කින් ගෝඨාභය රාජපක්‍ෂ මහතාට . ඒක නවත්වන්න පුරාවිද්‍යා ස්මාරක වනසන සිරි මුකෙං බැහැ.

  6. chami says:

    Ane me wimale, don’t talk baila. api dannawa ne oyage weda gena

  7. P. Chang Hutang says:

    පියානෝ නවතපු තැනින් තමන් පටන් ගන්නා බව පුතානෝ යටිගිරියෙන් කෑමොර දෙමින් කියනවා. පියානන්ගේ බලයෙන් වියරු වැටි කල කි දේ පිළිබඳව S. B. හා ඩිලාන් විසින් ප්‍රවුර්ති සාකච්චාවකදී කරන ලද සිහිගන්විම 10. 10. 2019 දින රාත්‍රී හිරු ප්‍රවුර්ති ප්‍රකාශයේ විකාශනය විය. මෙම වීඩියෝව නුදුටු අයගේ පහන් සංවේගය උදෙසා නැවත උපුටා දක්වන මෙන් හා එය හැකි පමණ share කරන මෙන් කාරුණිකව ඉල්ලා සිටින්නෙමි.

  8. Bandq says:

    පේන විදියට යට සජිත් දිනයි වගේ ජනාධිපතිවරණය.
    ඒත් මහ චන්ද ය අනිවා පොහොට්ටුව

    සජිත් ජනාධිපති
    මහින්ද විධායක අගමැති

Main News