මැර පිරිසක් මාධ්‍ය වේදියෙකුට පහර දෙයි.. ගෙදර බඩු කුඩු පට්ටම් කරයි… රෝහල්ගත කෙරේ…

December 9, 2019 at 8:40 am | lanka C news
මැර පිරිසක් මාධ්‍ය වේදියෙකුට පහර දෙයි.. ගෙදර බඩු කුඩු පට්ටම් කරයි… රෝහල්ගත කෙරේ…

අළුත්ගම ප්‍රාදේශීය මාධ්‍යවේදී තුසිත කුමාර ද සිල්වා මහතාට පහර දී තුවාල සිදුකරන ලද සිද්ධියට අදාල කිසිවෙක් අත් අඩංගුවට නොගැනීම සම්බන්ධයෙන් අළුත්ගම පොලීසියට විරෝධය දක්වා උද්ඝෝෂණයක් ඊයේ (08) සවස අළුත්ගම පොලීසිය ඉදිරිපිටදී පැවැත්විණි.

ප්‍රාදේශිය මාධ්‍යවේදීන්, ප්‍රදේශවාසීන් ඇතුළු විශාල පිරිසක් සහභාගී වූ මෙම විරෝධතාවයේදී විරෝධතාකරුවන් සටන්පාඨ කියමින් විරෝධතා පුවරු ප්‍රදර්ශණය කරමින් විරෝධතාවයේ නිරත විය. අළුත්ගම පොලීසියේ දුර්වලතාවයන් හේතුවෙන් සැකකරුවන් අත් අඩංගුවට ගැනීමට නොහැකි වී තිබෙන බව විරෝධතාකරුවෝ එහිදී ප්‍රකාශ කළේය.

පසුගිය සිකුරාදා (06) සවස සිදු වූ මෙම පහර දීමෙන් තුවාල ලැබූ මාධ්‍යවේදී තුසිත කුමාර ද සිල්වා මහතා සහ ඔහුගේ බිරිය කළුතර නාගොඩ රෝහලට ඇතුලත් කර තිබෙන අතර ඔවුන් මේ වන විටත් නාගොඩ රෝහලේ ප්‍රතිකාර ලබමින් සිටී.

සිද්ධිය සම්බන්ධයෙන් අළුත්ගම පොලීසිය තුසිත කුමාර ද සිල්වාගෙන් ප්‍රකාශයක්ද සටහන් කරගෙන තිබෙන අතර ඊයේ (08) මධ්‍යම රාත්‍රිය වෙන තෙක් කිසිවෙක් අත් අඩංගුවට ගැනීමට නොහැකි වූ බවද පොලීසිය කියයි. තුසිත කුමාර ද සිල්වා මහතාගේ පුතණුවන් විසින් සැකකරුවන් සම්බන්ධයෙන් තොරතුරු රැසක් පොලීසියට ප්‍රකාශ කර තිබෙන බවද අළුත්ගම පොලීසියට සම්බන්ධ ආරංචි මාර්ග සදහන් කරයි.

අළුත්ගම පොලීසියේ අපරාධ අංශයේ ස්ථානාධිපති උප පොලිස් පරීක්ෂක ජයසේකර මහතාගෙන් ඊයේ (08) රාත්‍රී 11.45 ට පමණ මේ සම්බන්ධයෙන් විමසූ විට සැකකරුවන් ප්‍රදේශයෙන් පලාගොස් තිබෙන බව ඒ මහතා ප්‍රකාශ කළේය. සැකකරුවන් අළුත්ගම ප්‍රදේශයේම පදිංචිකරුවන් බවට හදුනාගෙන තිබෙන බවත් ඔවුන් හැකි ඉක්මනින් අත් අඩංගුවට ගැනීමට කටයුතු කරන බවත් ඒ මහතා වැඩි දුරටත් සදහන් කළේය. අළුත්ගම පොලිස් ස්ථානාධිපතිවරයාගේ මෙහෙයවීම මත පොලිස් කණ්ඩායම් කිහිපයක්ම යොදවා සැකකරුවන් අත් අඩංගුවට ගැනීමට පරීක්ෂණ පවත්වන බවද ඒ මහතා වැඩි දුරටත් සදහන් කළේය.

සිකුරාදා (06) සවස මැර පිරිස විසින් මාධ්‍යවේදී තුසිත කුමාර ද සිල්වාට පහර දී තිබේ. කිසියම් පෞද්ගලික අවශ්‍යතාවයක් සදහා සිය බිරිය සමග යතුරු පැදියෙන් ගොස් ආපසු නිවසට පැමිණි අවස්ථාවේදී මැර පිරිස විසින් මෙම පහර දීම සිදුකර තිබෙන බව ඔහු විසින් පොලීසියට ප්‍රකාශ කර ඇත. සැකකරුවන් විසින් තුසිත කුමාර ද සිල්වා මහතාට හෙල්මට් එකකින් මෙන්ම පොල්ලකින් පහර දි තිබෙන බවත් ඔහුගේ බිරියටද පහර දී තිබෙන බවත් පොලිස් පරීක්ෂණ වලදි තහවුරු වී තිබේ.

සැකකරුවන් විසින් තුසිත කුමාර ද සිල්වා මහතාගේ නිවසේ බඩු මුට්ටු වලට සහ මල් පෝච්චි වලටද හානි සිදුකර තිබෙන බවද අළුත්ගම පොලීසියේ ප්‍රකාශකයෙක් සදහන් කළේය. සැකකරුවන් තුසිත කුමාර ද සිල්වා මහතාගේ නිවසේ තිබූ ජංගම දුරකතනයක් හා මුදල් රුපියල් පන් දහසක් (5,000/-) ද පැහැර ගෙන තිබේද යන්න සම්බන්ධයෙන්ද පරීක්ෂණ පවත්වන බව අළුත්ගම පොලීසිය කියයි.

පසුගිය ඔක්තෝම්බර් මාසයේ පොලිස් විශේෂ කාර්යය බලකාය විසින් වටලන ලද අළුත්ගම කෘතිම රා නිශ්පාදනාගාරය සම්බන්ධයෙන් පලකල ප්‍රවෘත්තිය පිළිබදව විමසමින් මෙම පහර දීම සිදුකර තිබෙන බව පොලිස් පරීක්ෂණ වලදි තහවුරු වී තිබේ. මැර පිරිස විසින් තුසිත කුමාර ද සිල්වා මහතාට පළමුව බැණ තර්ජනය කර පසුව පහර දීම සිදුකර තිබෙන බවද අළුත්ගම පොලීසියේ එම ප්‍රකාශකයෙක් සදහන් කළේය.

අළුත්ගම පොලීසියේ අපරාධ අංශයේ ස්ථානාධිපති උප පොලිස් පරීක්ෂක ජයසේකර මහතා ඇතුළු පිරිසක් වැඩිදුර පරීක්ෂණ පවත්වයි.

– ජයකාන්ත ලියනගේ

33,264 Viewers

4 Comments to “මැර පිරිසක් මාධ්‍ය වේදියෙකුට පහර දෙයි.. ගෙදර බඩු කුඩු පට්ටම් කරයි… රෝහල්ගත කෙරේ…”

  1. බන්ඩා says:

    කිසිම මැරයෙකුට හෝ කුඩ්ඩෙකුට නව ජනාධිපතිවරයා කිසිම ඉඩක් නොදේවිය යන්න ජනතාවගෙ බලාපොරොත්තුවය්.

    • sara says:

      ඉටු වෙයි බලාගෙන ඉදපන්

      • වරදට දඬුවම නියතයි says:

        කලබලවෙලා ඉක්මන් තීරණ ගන්න එපා. බොහෝදෙනා හිතුවේ ආණ්ඩුව ස්විස් තානාපතිට බයවෙලා, ඒ කුමන්ත්‍රණයට අහුවෙලා සුදුවෑන් ගැහැණියට රට පැනගන්න ඉඩදේවි කියලයි. නමුත් නීතිය ක්‍රමානුකුලව ක්‍රියාත්මක වෙලා ස්විස් සුදුවෑන් ගැහැණියගේ වගේම තානාපතිගේත්, යමපාලන අපතයන්ගෙත් රෙදි ගැලෙව්වා. ඒ නිසා කාලයට ඉඩදී බලාගෙන ඉන්න.

      • sahan says:

        sara,,,,umba wage gu,n,p,,jeppo ..mewa ituwenawata kohomath kamathi naha,
        umbalata oona mleccha samaajayak,
        umbala sisthaachaatayat kamathi naha,

Main News