ශවේන්ද‍්‍රට ඇමරිකා තහනමක් පනවා ඇත්තේ මහ මැතිවරණයෙන් පොහොට්ටුවට ජය ගෙන දෙන ඩීල් එකකටලු..

February 19, 2020 at 4:40 pm | lanka C news
ශවේන්ද‍්‍රට ඇමරිකා තහනමක් පනවා ඇත්තේ මහ මැතිවරණයෙන් පොහොට්ටුවට ජය ගෙන දෙන ඩීල් එකකටලු..

අග‍්‍රාමාත්‍ය මහින්ද රාජපක්‍ෂ මහතා විසින් නිකුත් කරන ලද නිවේදනයක් මෙහි දැක්වෙයි.

ඇමරිකාව විසින් ශ්‍රී ලංකාවේ යුද හමුදාපතිවරයාට හා ඔහුගේ පවුලට එ‍රෙහිව සාමූහික ගමන් තහන්චි පැමිණවීම

ඇමරිකා එක්සත් ජනපදය විසින් ශ්‍රී ලංකාවේ යුද හමුදාපති ලුතිනන් ජෙනරාල් ශවේන්ද්‍ර සිල්වා හා ඔහුගේ පවුලේ සාමාජිකයන් ඇමරිකාවට ඇතුල් වීම තහනම් කරමින් නිවේදනයක් නිකුත් කර ඇත. අපි දැන් සිටින්නේ 21 වෙනි සියවසේ වුවත්, යුරෝපයේ මධ්‍යතන යුගයේ සිදු වූ සාමූහික දඩුවම් සිහිගන්වමින්,  කිසිදු වරදක් සම්බන්ධයෙන් චෝදනාවකටවත් ලක් වී නැති යුද හමුදාපතිවරයාගේ බිරිඳ හා දරුවන් මතත් එම තහන්චියම පනවා තිබේ. මෙහි ඇති සාධාරණය කුමක් දැයි ජනතාව තීන්දු කළ යුතුය. යුද හමුදාපතිවරයා මානව හිමිකම් උල්ලංඝනය කළා යැයි චෝදනා කලද, ඒ චෝදනා මොනවාදැයි කිසිවෙකුත් දන්නේ නැත. නීති ප්‍රකාරව වැරදිකරුවෙකු වෙනතුරු අපරාධයකට චෝදනා ලැබුවෙකු වුවද නිර්දෝශී ලෙස සැලකිය යුතු බවට සිවිල් හා දේශපාලන අයිතීන් පිළිබද ජාත්‍යන්තර සම්මුතියේ සඳහන් වුවත් ශ්‍රී ලංකාවේ හමුදාපතිවරයාට හෝ ඔහුගේ පවුලේ සාමාජිකයන්ට එම නියමය බලපාන බවක් පෙනෙන්නට නැත. අපගේ ආණ්ඩුව මේ සම්බන්ධයෙන් දැනටමත් ඇමරිකා එක්සත් ජනපදය වෙත දැඩි විරෝධය ප්‍රකාශ කර ඇත.

වෙනත් රටවලට අපගේ ආරක්‍ෂක හමුදා සාමාජිකයන් මේ ආකාරයට මානව හිමිකම් උල්ලංඝනය කළ පුද්ගලයන් හැටියට නම් කිරීමට අවකාශය ලැබුණේ, එක්සත් ජාතික පක්‍ෂය, දෙමළ ජාතික සන්ධානය හා ජනතා විමුක්ති පෙරමුණ විසින් ගෙන ගිය යහපාලන ආණ්ඩුව 2015 දී එක්සත් ජාතීන්ගේ මානව හිමිකම් කවුන්සිලය තුළ ලංකාවට එරෙහිව ගෙන එනු ලැබූ අංක 30/1 යෝජනාවට සම අනුග්‍රාහකත්වය දැක්වීමෙන් කළ ඓතිහාසික පාවාදීම නිසාය. මේ යෝජනාවේ පළමු ක්‍රියාකාරී වගන්තියේම, 2015 සැප්තැම්බර් මස එක්සත් ජාතීන්ගේ මානව හිමිකම් කොමාසාරිස් කාර්යාලය විසින් ලංකාවේ සන්නද්ධ හමුදා මානව හිමිකම් උල්ලංඝනය කළ බවට චෝදනා කරමින් සම්පාදනය කර තිබූ වාර්තාව අගය කර තිබුණි. මෙකී වාර්තාව ඊට කළින්, 2011 දී එක්සත් ජාතීන්ගේ සංවිධානයේ මහලේකම්වරයා, එම ආයතනයේ සාමාන්‍ය ක්‍රියා පටිපාටියට පිටින් පත් කොට තිබු නිල නොවන ත්‍රි පුද්ගල කමිටුවක වාර්තාව මත පදනම්ව තිබුණි. ඒ ආකාරයට, යුද්ධය අවසන් වූ කාලයේ සිට අපේ ආරක්‍ෂක හමුදාවන්ට එරෙහිව නොයෙක් පාර්ශව විසින් එල්ල කළ සියලුම පදනම් විරහිත  චෝදනා, එ.ජා.ප-දෙමළ ජාතික සන්ධාන-ජ.වි.පෙ යහපාලන හවුල පිළිගෙන ඇත. 30/1 යෝජනාව ලංකාවේ සම අනුග්‍රාහකත්වය තුළින් පවත්වාගෙන යෑමේ ක්‍රියාවලියෙන් ඉවත්වීමට අපේ ආණ්ඩුව තීරණය කර ඇත.

අපේ රටේ යුද හමුදාපතිවරයා සහ ඔහුගේ පවුල මත මධ්‍යතන යුරෝපයේ සාමූහික දඩුවම් සිහිගන්වන ආකාරයේ සාමූහික ගමන් තහන්චියක් පනවා තිබුණද, යහපාලන හවුල එය හෙළා දැක නැත.  එ.ජා.පයේ ලක්‍ෂමන් කිරිඇල්ල මන්ත්‍රීවරයා, මේ ගමන් තහන්චිය පැනවීම අපේ ආණ්ඩුවේ වගකීමක් යැයි කියා, තම පක්‍ෂය 2015 කළ මහා පාවාදීම වසන් කිරීමට උත්සාහ දරයි. ජනතා විමුක්ති පෙරමුණ කියන්නේ මේ මොහොතේ ඇමරිකාව විසින් යුද හමුදාපතිවරයා හා ඔහුගේ පවුලේ සාමාජිකයන් මත මේ ආකාරයට ගමන් තහංචි පනවා ඇත්තේ  පාර්ලිමේන්තු මැතිවරණයෙන් පොදුජන පෙරමුණට විශිෂ්ඨ ජයක් ලබා දීමේ කුමන්ත්‍රණයක් (ඩීල් එකක්) නිසා බවය. දෙමළ ජාතික සන්ධානය නම් ඇමරිකාව විසින් යුද හමුදාපතිවරයා සහ ඔහුගේ පවුල මත පැනවූ සාමූහික දඩුවම ගැන කෙළින්ම ප්‍රසාදය පල කොට ඇත.  2015 දී එජාප ආණ්ඩුව එක්සත් ජාතීන්ගේ මානව හිමිකම් කවුන්සිලය තුළ 30/1 යෝජනාවට සම අනුග්‍රාහකත්වය දක්වන විට ඊනියා අධිරාජ්‍ය විරෝධීන් යැයි කියාගන්නා ජනතා විමුක්ති පෙරමුණ එයට කිසිදු විරෝධයක් දැක්වූයේ නැති බවත් මෙහිදී ජනතාව සිහියේ තබාගත යුතුය.

යුද හමුදාපතිවරයා සහ ඔහුගේ පවුලට එරෙහිව පනවා ඇති සාමුහික දඩුවම ගැන ඇතිවී තිබෙන කථිකාවෙන්  පෙනෙන්නේ මේ රටේ දේශපාලන බෙදීම පවතින්නේ එක් පැත්තකින් රට ජාතිය ගැන හිතන දේශ මාමක බලවේගයත්, අනෙක් පැත්තෙන්  රට පාවාදීමට අවස්ථාවක් එනතුරු බලා සිටින උපන් ගෙයි දේශද්‍රෝහීනුත් අතර බෙදීමක් හැටියට බව නොවෙද?

මහින්ද රාජපක්‍ෂ
අග්‍රාමාත්‍ය

 

36,094 Viewers

8 Comments to “ශවේන්ද‍්‍රට ඇමරිකා තහනමක් පනවා ඇත්තේ මහ මැතිවරණයෙන් පොහොට්ටුවට ජය ගෙන දෙන ඩීල් එකකටලු..”

  1. MR says:

    ඔහේ මොනවා කිව්වත් මේ ආණ්ඩුව යටතේත් ඔහේ කරන ඔලමොට්ටල වැඩ ගැන අපේ පැහැදීමක් නැහැ.

    • sithmal says:

      ඔය මොකෙක්ගෙවත් ප්ලෑන් වලට නෙවෙයි මිනිස්සු දැන් ජන්දෙ දෙන්නෙ. බහුතරක් මිනිස්සු මෝඩයි කියල හිතන් ඉන්න මෝඩ දේසපලුවො රැල එන ජන්දෙදි පාඩමක් ඉගෙන ගනියි..

  2. john the baptice says:

    එක්සත් ජාතීන්ගේ මානව හිමිකම්

    ස්වදේශික ඇමරිකානුවන්ට විනාශය ගෙනාවේ 1620 දී යුරෝපයේ සිට ආගමික නිදහස සොයා පැමිණි පියුරිටන්වරුන් ඇතුළු සුදු ජාතිකයින් විසිනුයි. ඔවුන් විසින් ගෙන ආ වසූරිය, සරම්ප, සහ කහ උණ වසංගත වලට ඔරොත්තු දීමට ප්‍රතිශක්තියක් නොතිබූ ස්වදේශිකයන් මිලියන ගණනින් මියගියා. වසංගත නිසා 90%ක් පමණත්, ඔවුන්ගේ ඉඩම්වලින් පන්නා හැරුණු නිසා, ඔවුන් ආහාරයට ගත් යැක් ගවයින් සුදු ජාතිකයින් විසින් විනෝදයට දඩයම් කිරීම නිසා ආහාර හිඟයකට මුහුණ පෑ නිසා සහ මිථ්‍යා දෘෂ්ඨිකයන් ලෙස සලකා මරා දැමුණු නිසාත් ඉතිරියෙන් බොහෝ පිරිසකුත් මිහිපිටින් තුරන් වී ගියා.

    ඇමරිකාවේ මුල් අයිතිකරුවන් වූ ගෝත්‍ර කීපයක් ඔවුන්ට වෙන් කර දී ඇති අක්කර ගණනක කුඩා රක්ෂිත ප්‍රදේශ වල අදටත් වාසය කරනවා.

  3. නිරීක්ෂකයා says:

    මහින්ද අගමැතිතුමා ඕක අහන්න ඕනේ අර එදා ඉන්දන් එතුමා ඉස්සරහට ගෙනැවිත් ආරක්ෂක මර්මස්ථානයක ලොකු පුටුවක ඉන්දලා කෝටි ගනං සැප සම්පත් දෙන ඇට බිජ්ජාගෙන්!

    ඌ තමයි ඇතුලේ ඉදන් හැමෝටම තොන්ඩුව දාන්නේ.

  4. Ayotallah says:

    Well Said Hon PM. Our ARMY commander is subjected to such a treatment purely because of the Action of UNP/TNA/JVP to co sponsor the HRC 30/1 resolution. No other country in this world has supported a condemnation of its own armed forces in this planet. The Sinhalese people whatever the internal problems they have should support this government and give a good lesson to the opposition like the way they behaved at the Presidential election.

  5. Aurora says:

    30/1 ට සම අනුග්‍රාහකත්වය දුන්න දේශ ද්‍රෝහීන්ට ඒ චෝදනාවට අධිකරණ ක්‍රියාමාර්ග ගන්න බැරි වුනාට මහ බැංකුව කොල්ලකෑව වරදට උසාවි දාල සෙට් එකම හිරේ යවන්න පුළුවන්නේ. බර ටෝක් දිදී ඉන්න වෙලාවේ රනිල් ඇතුළු නඩේම මහ බැංකුව කොල්ලකෑව වරදට උසාවි දාල හිරේ යවල පෙන්වන්න. එහෙම කරලා තමන්ගේ අවංකභාවය රටට ඔප්පුකරන්න. විශේෂයෙන් ඔබතුමාම කියන “රට ජාතිය ගැන හිතන දේශ මාමක බලවේගයට” පෙන්වන්න.

  6. David Milli-banda says:

    Follow Rodrigo Duterte of Phillippines.

  7. Nawodhi says:

    MR made two mistakes to lose the majority in election: MY3 appointing as Chair to Party and Saindamarudu Shabawa case. He cannot get 113 seats.

Main News