විසිරවූ ගැසට්ටුව අවලංගුයි.. පැවති පාර්ලිමේන්තුව කැදවන්න..- කිරිඇල්ල කරූට දන්වයි..

April 23, 2020 at 8:40 am | lanka C news
විසිරවූ ගැසට්ටුව අවලංගුයි.. පැවති පාර්ලිමේන්තුව කැදවන්න..- කිරිඇල්ල කරූට දන්වයි..

මාර්තු මස 02වෙනි දින සිදුකළ පාර්ලිමේන්තුව විසුරුවාහැරීමේ ප‍්‍රකාශනය දැන් බලරහිත බැවින් වහා පාර්ලිමේන්තුව කැඳවන ලෙසට තමන් කතානායකතුමාගෙන් ඉල්ලා සිටින බව පාර්ලිමේන්තුවේ හිටපු සභානායක ලක්ෂ්මන් කිරිඇල්ල මහතා ප‍්‍රකාශ කළේය.

විසුරුවා හැරීමේ ප‍්‍රකාශනය බලරහිත බැවින් කතානායකතුමාට නැවත පාර්ලිමේන්තුව කැඳවීමේ බලතල හිමිවන බවද ඒ මහතා වැඩිදුරටත් පැවසීය.

පාර්ලිමේන්තුව විසුරුවා හැරීමේ ප‍්‍රකාශනයේ මැතිවරණය පැවැත්විය යුතු දිනය ලෙසට අපේ‍්‍රල් මස 25දින සඳහන් කොට තිබූවත් රටේ පවතින තත්වය අනුව එම දිනය ජූනි මස 20 වන දිනය ලෙසට සංශෝධනය වීම හේතුවෙන් පැහැදිලිවම පාර්ලිමේන්තුව විසුරුවාහැරීමේ ප‍්‍රකාශනය බලරහිත වන බව හිටපු සභානායකවරයා අවධාරණය කර සිටී.

පාර්ලිමේන්තුව කැඳවීමෙන් අනතුරුව විපක්ෂයක් ලෙස රට වෙනුවෙන් සිය යුතුකම ඉටු කිරිමට බලාපොරොත්තු වන බවත් කොරෝනා වෛරසය මැඩපැවැත්වීමට රජට ගෙනයන කාර්්‍යයන් සදඟා අවශ්‍ය වන මුදල් ප‍්‍රතිපාදන මෙන්ම නීතිරීති සම්පාදනය කිරිම සඳහාද විපක්ෂයක් ලෙස සහයෝගය ලබාදෙන බවද හිටපු සභානායකවරයා ප‍්‍රකාශ කරසිටි.

2018 ඔක්තෝම්බර් මස එවකට හිටපු ජනාධිපතිවරයා නීති විරෝධිව පාර්ලිමේන්තුව විසුරුවා හැරි නමුත් කතානායකවරයා ස්ථාවරව සිට නීතිවිරෝධි විසුරුවාහැරීම පිළිනොගැනීම හේතුවෙන් යහපාලන රජයම නැවත බලයේ පිහිටුවීමට එවකට ජනාධිපතිවරයාට සිදුවුණා යැයිද ඒ මහතා වැඩිදුරටත් පැවසීය.

– midea unit

441 views

48 Comments to “විසිරවූ ගැසට්ටුව අවලංගුයි.. පැවති පාර්ලිමේන්තුව කැදවන්න..- කිරිඇල්ල කරූට දන්වයි..”

  1. රත්නපාල says:

    මුන් තමයි නිට්ටාවට සුව කරන්න ඕනෙ රටට තියෙන ලොකුම කොරෝනාව.

  2. sena says:

    දැන් මේගොල්ලො දේශපාලනයෙන් විශ්‍රාම ගත යුතුයි නැත්නම් කොරොනා දේවයන්වහන්සෙගෙම පිහිටයි ජනතාවට කොරපුදෙකුත් නැ රටට කොරපුදෙකුත් නැ නගරයට කරපුදෙකුත් නැ ගමට කරපුදෙකුත් නැ

    කොරගෙන තියෙන්නෙ තමන්ට පමණි

  3. Rangika Bandaranayaka says:

    කොරෝනා අරමුදලට දායක වෙන ඒක තමයි මෙි වෙලාවෙි තියන හොදම විකල්පය

Main News