කොරෝනා අස්සේ ආණ්ඩුව වනාන්තර හෙක්ටයාර් ලක්ෂ 05 ක් විනාශ කිරීම අරඹයි…

November 12, 2020 at 3:00 pm | lanka C news
කොරෝනා අස්සේ ආණ්ඩුව වනාන්තර හෙක්ටයාර් ලක්ෂ 05 ක් විනාශ කිරීම අරඹයි…

කොරොනා වසංගතය මැද ආණ්ඩුව වනාන්තර හෙක්ටයාර ලක්ෂ පහක් විනාශ කිරීම ආරම්භ කර ඇතැයි සමගි ජන බලවේගය පාර්ලිමේන්තු මන්ත්‍රී හර්ෂ ද සිල්වා මහතා සඳහන් කරයි.

මේ බව සඳහන් කරමින් ඒ මහතා විසින් නිකුත් කර ඇති නිවේදනය මෙසේය.

කොවිඩ් අස්සේ ආණ්ඩුව වනාන්තර හෙක්ටයාර් ලක්ෂ 05 ක් විනාශ කිරීම අරඹයි

රටේම අවධානය යොමුවී තිබෙන්නේ කොවිඩ්-19 වෙතයි. මේ අවසරයෙන් ආණ්ඩුව මෙරට වටිනා වනාන්තර හෙක්ටයාර් ලක්ෂ 05 ක් කෘෂිකාර්මික කටයුතු සඳහා යොදාගැනීමට දිසාපතිවරුන් සහ ප්‍රාදේශීය ලේකම්වරුන් යටතට පත්කර තිබේ. මෙම සිතියමේ දැක්වෙන තද කොළපාට කොටස් වලට මායිම්ව පවතින මෙම වනාන්තර අවශේෂ කැලෑ යනුවෙන් හැඳින්වුවද ඒවා ජෛව විවිධත්වය අතින් ඉහළ, අක්කර දහස් ගණනක වනාන්තරවල සිට කුඩා පරිසර පද්ධති දක්වා විහිදේ. මේවායේ ගංගා, ඇල, දොල, රක්ෂිත මෙන්ම ඓතිහාසික සහ පුරාවිද්‍යාත්මක ස්ථානද පිහිටා ඇත.

රටතුළ වගාකළ හැකි ඉඩම් ප්‍රමාණවත් තරම් තිබියදී මෙවැනි අති දැවැන්ත වනාන්තර විනාශයක් රාජ්‍ය අනුග්‍රහයෙන් කිරීමට ඉඩ ලබාදීම මෑත ඉතිහාසයේ අපේ පරිසරයට සිදුකරන දැවැන්තම විනාශය වනු ඇත. ගොවීන්ට ඉඩම් දෙන්නට මෙම වනාන්තර ඉඩම් යොදාගන්නවා යැයි ආණ්ඩුව කිව්වද මේවා කිසිදිනෙක ගොවීන්ට නොලැබෙන අතර මෙම ඉඩම් ඉදිරියේදී මහා පරිමාණ ව්‍යාපාරිකයින් අතට පත්වනු ඇත. මෙම දැවැන්ත පරිසර විනාශයට එරෙහි නොවුණහොත් අනිකුත් වනාන්තරද මේ ආණ්ඩුව විසින් මහා පරිමාණ ව්‍යාපාරිකයින්ට ලබාදීම වැලැක්විය නොහැකිය.

මා ව්‍යාපාර දියුණු කිරීමේ වැදගත්කම හොඳින්ම දන්නා අතර මෙවැනි පරිසර හානියක් කරමින් ඒ වෙනුවෙන් උපායමාර්ගයක් සකස් කිරීමේ අමනෝඥ ක්‍රියාව තරයේ් හෙළා දකිමි. වසර 50 කට ආසන්න කාලයක් වැඩුණු මෙම අවශේෂ වනාන්තරවල ඉහළ ජෛව විවිධත්වයක් තිබෙන අතර පසුගිය කාලයේ මියගිය කළු දිවියන් පවා සිටියේ මෙවැනි වනාන්තර වලයි.

කොන්ක්‍රීට් ගොඩනැගිලි, අධිවේගී මාර්ග ඉදිකිරීමෙන් පමණක් රටක් දියුණුකළ නොහැකි අතර රටක සුවදායී අමිල පරිසර පද්ධතිය සුරැකීමද තුලිත සංවර්ධනයට අත්‍යවශ්‍ය වේ. පක්ෂ පාට බේදයෙන් තොරව මෙම මහා පරිසර විනාශයට එරෙහිව පෙළ ගැසෙමු.

හර්ෂ ද සිල්වා
පා. ම.

29,689 views

25 Comments to “කොරෝනා අස්සේ ආණ්ඩුව වනාන්තර හෙක්ටයාර් ලක්ෂ 05 ක් විනාශ කිරීම අරඹයි…”

  1. Stupid says:

    එහෙන් අලි ශබ්‍ රි මෙහෙන් වන විනශකරනව. මිනිස්සු මෙ අන්ඩුවට හෙන ඉල්ලන දිනය වඩි දුරක නොවෙ.

  2. සිරස says:

    සින්හයෙක් කියල නරියෙක් දෙකපු අපි පව් නෙ

Main News