ලොව හොල්ලන කොරෝනා මඩින බෙහෙත සිංහල වෙද මහතෙක් සොයාගනී.. වතුපිටිවල රෝහලේ මුල් වට දෙකේම සාර්ථකත්වය 100%යි.. රාජ්‍ය අනුග‍්‍රහය මැද අවසන් පරීක්‍ෂණය ඇරඹේ..

November 29, 2020 at 10:55 pm | lanka C news
ලොව හොල්ලන කොරෝනා මඩින බෙහෙත සිංහල වෙද මහතෙක් සොයාගනී.. වතුපිටිවල රෝහලේ මුල් වට දෙකේම සාර්ථකත්වය 100%යි.. රාජ්‍ය අනුග‍්‍රහය මැද අවසන් පරීක්‍ෂණය ඇරඹේ..

කොවිඩ් වෛරසය සම්පූර්ණයෙන් මැඩපැවැත්විය හැකි දේශීය ඖෂධයක් අත්හදා බැලීමට වතුපිටිවල කොවිඩ් ප්‍රතිකාර මධ්‍යස්ථානයේ වෛද්‍ය කණ්ඩායමක් සමත් වී තිබේ.

මෙම ඖෂධය පිළිබඳ බටහිර වෛද්‍ය විද්‍යානූකූලව සිදුකළ මූලික පර්යේෂණ දෙකක දී 100% ප්‍රතිශතයකින් කොවිඩ් රෝගීන් සුවය ලබා ඇති බව පර්යේෂණය සිදුකළ වෛද්‍ය කණ්ඩායම පෙන්වාදෙයි.

කොවිඩ් මර්දනය උදෙසා දේශීය වෛද්‍ය ක්‍රමය තුළ වූ ඖෂධයන් හා ප්‍රතිකාර ක්‍රම පිළිබඳ පසුගිය කාලය තුළ දැඩි ලෙස කතාබහට ලක්වූ අතර ලෝකය පුරාද විවිධ එන්නත් නිපදවමින් පර්යේෂණ ගණනාවක් මේ දිනවල විවිධ රටවල පර්යේෂණ කණ්ඩායම් සිදුකරමින් පවතී.

ඒ අතර කෑගල්ල ප්‍රදේශයේ දේශීය වෙදමහතෙකු විසින් නිර්මාණය කළ දේශීය ඖෂධයක් පරීක්ෂා කර බැලීමට බටහිර වෛද්‍යවරු කණ්ඩායමක් තීරණය කර තිබුණි.

ඒ අනුව වතුපිටිවල කොවිඩ් ප්‍රතිකාර මධ්‍යස්ථානයේ වෛද්‍ය අධිකාරී චූල බණ්ඩාර මහතා, කොවිඩ් ප්‍රතිකාර ඒකකය භාර වෛද්‍ය ධම්මික කුමාර මහතා සහ කොළඹ ජාතික රෝහලේ සහකාර අධ්‍යක්ෂ වෛද්‍ය සමිද්දි සමරකොන් මහත්මියගේ මැදිහත්වීමෙන් එම ප්‍රතිකාර මධ්‍යස්ථානය තුළ ස්වේච්ඡාවෙන් ඉදිරිපත් වූ ප්‍රතිකාර ලබමින් සිටි රෝගීන් 140 දෙනෙකු සම්බන්ධ කරගනිමින් පළමු පර්යේෂණය ආරම්භ කර තිබේ.

පී.සී.ආර් පරීක්ෂණවලින් කොවිඩ් ආසාදිත බවට තහවුරු වී දින 06ක් ගතවූ රෝගීන්ට මෙලෙස දින 03 ක් අඛණ්ඩව දවසට දෙවරක් බැගින් මෙම ඖෂධය පානය කිරීමට අවස්ථාව ලබාදීමෙන් අනතුරුව එම ඖෂධය පානය කළ රෝගීන් අතරින් අහඹුලෙස තෝරාගත් දස දෙනෙකුගේ පී.සී.ආර් පරීක්ෂණ සිදුකිරීමට වෛද්‍ය කණ්ඩායම කටයුතු කරනු ලැබීය.

ඒ අනුව පළමු පර්යේෂණය යටතේ සිදුකළ අත්හදා බැලීමට අනුව පී.සී.ආර් පරීක්ෂණ සිදුකළ රෝගීන් දසදෙනාගේම ශරීරවලින් කොවිඩ් වෛරසය ඉවත් වී ඇති බව පසුගිය 16 වැනිදා තහවුරු වී තිබේ.

අනතුරුව මෙම වෛද්‍ය කණ්ඩායම ගම්පහ මහ රෝහලේ කායික රෝග විශේෂ්‍ය වෛද්‍ය මහාචාර්ය අරුණ මුණසිංහ මහතාව ද සම්බන්ධ කරගනිමින් මෙම ඖෂධය පිලිබඳව 02 වන පර්යේෂණය ආරම්භ කරනු ලැබීය.

එහිදී ද වතුපිටිවල කොවිඩ් ප්‍රතිකාර මධ්‍යස්ථානයේ ස්වේච්ඡාවෙන් ඉදිරිපත් වූ රෝගීන් 50දෙනෙකු පර්යේෂණය සඳහා සම්බන්ධ කර ගැණුනු අතර වෛද්‍ය විද්‍යාත්මක ක්‍රමවේදයන්ට අනුකූලව රෝගීන් 25දෙනෙකුට නව ඖෂධය ලබාදීමත් අනෙක් රෝගීන් 25 දෙනාට ඖෂධීය ගුණයන් නොපෙන්වන ආදේශකයක් ලබාදීමත් සිදුකර තිබේ.

දෙවන පර්යේෂණය සඳහා ද පී.සී.ආර් පරීක්ෂණවලින් කොවිඩ් ආසාදිතයෙකු බව තහවුරු වී දින 03 ත් 04ත් අතර වූ රෝගීන් සම්බන්ධ කරගනු ලැබීය.

ඔවුන්ට ද දින 03 ක් එලෙස අඛණ්ඩව ඖෂධය ලබාදීමෙන් අනතුරුව පී.සී.ආර් පරීක්ෂණ සිදුකිරීම සඳහා පසුගිය 25වනදා එම රෝගීන්ගෙන් කොටසක් මහරගම අපේක්ෂා රෝහලටත් අනෙක් කොටස කොළඹ වෛද්‍ය පර්යේෂණ ආයනයටත් යොමුකර ඇති අතර මහරගම අපේක්ෂා රෝහලට යොමුකළ 31 දෙනෙකුගේ පී.සී.ආර් පරීක්ෂණ වාර්තා මේ වනවිට වෛද්‍ය කණ්ඩායමට ලැබී තිබේ.

එම අපේක්ෂා රෝහලේ පී.සී.ආර් වාර්තාවලට අනුව නව ඖෂධය ලබාගත් රෝගීන් 16 දෙනෙකුගේ ශරීරවලින් කොවිඩ් වෛරසය ඉවත් වී ඇති අතර ආදේශකය ලබාදුන් රෝගීන් 15 දෙනෙකුගේ ශරීරයේ වෛරසය තවදුරටත් ඇති බව තහවුරු විය.

මේ අතර කොළඹ වෛද්‍ය පර්යේෂණ ආයනයට යොමුකළ රෝගීන් 19 දෙනාගේ වාර්තා ඉදිරියේදී ලැබීමට නියමිතය.

ඒ අනුව පර්යේෂණ වට දෙකකදී සාර්ථකත්වයක් පෙන්වූ මෙම ඖෂධය සම්බන්ධයෙන් කෙරෙන 03 වන පර්යේෂණය රජයේ මැදිහත්වීමෙන් සිදුකිරීමට තීරණය කර තිබේ.

මේ පිළිබඳ අදහස් දැක්වු ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා,

“කොවිඩ් 19 රෝගය සඳහා හෙළ වෙදකම ඇසුරෙන් නිෂ්පාදිත ඖෂ්ධය පිළිබඳ අප යම් ආකාරයකට දැනුවත් වුණා. මේ පිළිබඳව තවදුරටත් පරීක්ෂණාත්මකව සොයා බැලිය යුතුයි යන අදහසේ අපි සිටිනවා. ඒ වගේම මේ ඖෂධයේ ඵලදායිතාව පිළිබඳ නිශ්චිත වශයෙන්ම අදහසක් ලබා ගැනීම සඳහා ඉදිරි කාලයේ දී කටයුතු කිරීමට බලාපොරොත්තු වෙනවා.“

– adaderana

139,142 views

47 Comments to “ලොව හොල්ලන කොරෝනා මඩින බෙහෙත සිංහල වෙද මහතෙක් සොයාගනී.. වතුපිටිවල රෝහලේ මුල් වට දෙකේම සාර්ථකත්වය 100%යි.. රාජ්‍ය අනුග‍්‍රහය මැද අවසන් පරීක්‍ෂණය ඇරඹේ..”

  1. Boo says:

    ඒ කියන්නෙ ඕක හැදිලා කවුරැවත් මැරිලා නෑ. ඒ නිසා බේත් අවශ්‍ය නෑ.
    තනකොල සමග ක්රෝටන් කන අයගෙ අදහසක් විය යුතුයි.

  2. SL says:

    හොඳට අහල .බලන්න බෙහෙත් ගත්ත 16- නෙගටිව් ,ආදේශක ගත්ත 15 – පොසිටිවේ .කොළඹ ගිය සාම්පල 19 යේ ප්‍රතිපල එන්න තියෙනවා 100% කතාව දැනට හරි

  3. Kanday says:

    කරුණාකර නිසි පර්යේෂණ අධ්‍යයනය මුදා හරින්න. පර්යේෂණ, ක්‍රමවේදය, දත්ත සහ ප්‍රති results ල සහ නිගමනය පිළිබඳ සාකච්ඡාවක් අප දැක ගත යුතුය. මෙය නිසියාකාරව සිදු කරන ලද්දේ කවුරුහරි මෙම වාර්තාව ලියා තිබිය යුතුය. ඕනෑම කෙනෙකුට ප්‍රවේශය තිබේද?

  4. Aruna says:

    All the doctors’ names are in this new article, but the name of the doctor (wedamahathmaya) who found the medicine is not there. See the monopoly of western education.

  5. දමින්ද says:

    මෙම රෝගයට සිංහල බෙහෙත් තියෙනවා. හොඳම උදාහරණය වහරක උණ පැණිය. ප්‍රශ්නය තියෙන්නෙ ඒවා පරීක්ෂා නොකිරීම සහ ලෙඩ්ඩුන්ට ලබා දීමට ඉඩ නොදීම.

    මෙතුමා කොහොමහරි පරීක්ෂා කරන්න ඉඩ ලබාගත්ත එක ලොකු දෙයක්. ජය වේවා

  6. Hesh says:

    විවුර්ථ මනසක් තියෙන බටහිර වයිද්යවරු දැන් දැන් ඉන්න එක ගැන සතුටුයි.

  7. අජානීය ඉස්කූටර් says:

    මේ වෙදමහතාට වහාම පොලිස් ආරක්ෂාව ලබා දෙන්න

  8. ඩොකා says:

    මේ වෙදමහතාගෙ නමවත් සඳහන් කරන්න බැරි වාර්තාවක් ! ෙවදමහතානෙනි හදන බෙහෙත් වර්ග නම් කියන්න එපා….හදල දිල සාදාරණ විදිහකට සල්ලි ගන්න

  9. jasaya says:

    වෙද මහතාට තෙරුවන් සරණයි, වෛද්‍ය තුමන්ලාට දෙවිපිහිටයි. සියලු දෙනාටම චිරං ජයතු!

  10. සමන්ත says:

    බටහිර වෛද්‍යවරුන් පවා බෙහෙත් නිශ්පාදනය කරන්නේ මේ ලොකේ තියෙන දේවල් වලින් නේද? ඉතිං දේශියව නිශ්පාදනය කරන්නෙත් ඒ ලෙස නොවේද? ඇත්තටම මට නොතේරෙන දෙයක් ඇත කොවිඩ් සදහා බෙහෙතක් නැත්නම් කොහොමද සුව වූ ගනනක් ගැන කියන්නේ. ඇත්තටම ඔවුන් සුව වීමද එසේ නැතිනම් වෛරසය තාවකාලිකව අඩපන කරලාද තියෙන්නේ.

    • Boo says:

      ලෙඩක් හැදෙන හැමෝම ඒකෙන් මැරෙන්නෙ නෑ. සිරැරේ ප්රතිශක්ති ප්රමානයේ හැටියට සමහරැන්ට සුව වෙනවා, සමහරැ මැරෙනවා. රෝගය අඩු නොවී වැඩි වීගෙන යන අයටයි බෙහෙත් අවශ්‍ය වෙන්නේ. ප්රතිශක්තිය හොදනං බේත් අවශ්‍ය නෑ. උන, මැලේරියා, ඩෙංගු ඔය සේරම ඒ වගේ. බෙහෙත් අවශ්‍යයි හුගක් දෙනාට. හැබැයි සමහරැන්ට බෙහෙත් දුන්නත් මැරෙනවා එයාගෙ තත්වෙ හැටියට. එහෙමයි කියලා ⁣බේත් නොදී ඉන්නබෑ.

Main News