ශ්‍රී ලංකාවට 51%ක් ඉන්දීය අදානි සමාගමට 49%ක් වන සේ නැගෙනහිර පර්යන්තය සංවර්ධනය කරනවා.. විකිණන්නේ හෝ බදුදෙන්නේ නෑ..- ජනපති

January 13, 2021 at 5:30 pm | lanka C news
ශ්‍රී ලංකාවට 51%ක් ඉන්දීය අදානි සමාගමට 49%ක් වන සේ නැගෙනහිර පර්යන්තය සංවර්ධනය කරනවා.. විකිණන්නේ හෝ බදුදෙන්නේ නෑ..- ජනපති

කොළඹ වරායේ, නැගෙනහිර පර්යන්තය විකිණීම හෝ බදු දීම හෝ නොකරන බව ජනාධිපති ගෝඨාභය රාජපක්ෂ මැතිතුමා වරාය වෘත්තීය සමිති නියෝජිතයන්ට කියයි.

පසුගිය රජය නැගෙනහිර පර්යන්තය ඉන්දියාවට විකිණීමට ගිවිස ගෙන තිබිණ. විකිණීමෙන් පසු ජපානයෙන් ණයක් ගැනීමත්, ණය මුදලින් ඉදිකිරීම් සඳහා වන උපකරණ මිලදී ගැනීමත් ගිවිසුමට ඇතුළත් විය. ගිවිසුම පිළිබඳව වත්මන් රජය ඉන්දියාව සමග කළ සාකච්ඡාවලින් පසු 51%ක අයිතිය සහ පර්යන්තයේ පාලනය ශ්‍රී ලංකා වරාය අධිකාරිය යටතේ තබා ගැනීමේ එකඟතාවට පැමිණීමට හැකි වූ බව ජනාධිපතිතුමා පෙන්වා දුන්නේය. රට තුළ කෙරෙන ආයෝජන මගින් රටේ ස්වෛරීභාවයට හෝ ස්වාධීනත්වයට හෝ කිසිදු හානියක් වීමට තමා ඉඩ නොතබන බවද ජනාධිපතිතුමා අවධාරණය කළේය.

වෘත්තීය සමිති කළ ඉල්ලීමට අනුව කොළඹ වරායේ නැගෙනහිර පර්යන්තය සම්බන්ධයෙන් අද (13) පෙරවරුවේ ජනාධිපති කාර්යාලයේ පැවති සාකච්ඡාවේදී ජනාධිපතිතුමා මේ බව සඳහන් කළේය.

පසුගිය රජය විසින් හම්බන්තොට වරාය 99 වසරකට චීන රජයට සම්පූර්ණයෙන් බදු දී තිබිණ. තමා බලයට පත්වීමෙන් පසු චීනය සමග සාකච්ඡා කර වරායට අයත් මුහුදු ප්‍රදේශයේ ආරක්ෂාව පිළිබඳ වගකීම රජය යටතට ගත් බව රාජපක්ෂ මැතිතුමා පෙන්වා දුන්නේය.

නැගෙනහිර පර්යන්ත සංවර්ධනය සැලසුම් කළේ කලාපීය භූ දේශපාලනික සාධක, රටේ ස්වෛරීභාවය, අදායම් සහ රැකියා උත්පාදනය ඇතුළු සියලු සාධක සමාලෝචනය කිරීමෙන් පසුව යැයි ජනාධිපතිතුමා සඳහන් කළේය. ආයෝජන වැඩසටහන යටතේ නැගෙනහිර පර්යන්තය “තිරසාර සංවර්ධනයකට” ලක් කරන බව ජනාධිපතිතුමා පැහැදිළි කළේය. නැගෙනහිර පර්යන්තය ප්‍රතිඅපනයන මෙහෙයුම්වලින් 66%කට ඉන්දියාව දායක වෙයි. 9% බංග්ලාදේශයටත්, ඉතිරිය තවත් රටවල් කිහිපයකටත් කෙරෙන ප්‍රතිඅපනයනයන්ය.

ශ්‍රී ලංකා රජයට 51% අයිතිය සහ ඉතිරි 49% ඉන්දීයාවේ “අදානි” සමාගමටත්, වෙනත් පාර්ශ්වයන්ටත් කොටස්කරුවන් වශයෙන් හවුල් විය හැකි ආයෝජනයක් ලෙස පර්යන්තය සංවර්ධනය කිරීම සැලසුම බව ජනාධිපතිතුමා පැවසීය. ඒ ගැන කිසිදු සැකයක් තබා නොගන්නැයි කී ජනාධිපතිතුමා සියලු වෘත්තීය සමිති නියෝජිතයන් එක්ව මේ වැඩසටහන පිළිබඳව සිය යෝජනා සහ අදහස් ඉදිරිපත් කරන්නැයි සමිති ප්‍රධානීන්ට දැන්වීය. වරාය බටහිර පර්යන්තයේ මෙහෙයුම් වරාය අධිකාරියට පැවරීමට තමා අපේක්ෂා කරන බව සඳහන් කළ ජනාධිපතිතුමා වරාය සංවර්ධනය සඳහා සැලසුම් ඉදිරිපත් කිරීමේ වැදගත්කම ද වෘත්තීය සමිති නියෝජිතයන්ට පෙන්වා දුන්නේය.

නැගෙනහිර පර්යන්තයේ මෙහෙයුම් පුළුල් කිරීමෙන් රැකියා අවස්ථා විශාල සංඛ්‍යාවක් උත්පාදනය කෙරෙන බව ආර්ථික පුනර්ජීවනය සහ දරිද්‍රතාව පිටුදැකීම පිළිබඳ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ මහතා කියා සිටියේය. පසුගිය රජය මත්තල ගුවන් තොටුපොළ සහ නොරොච්චෝලේ බලාගාරය විකිණීමට සකසා තිබූ සැලසුම් වත්මන් රජය මුළුමනින්ම නවතා දැමූ බව බැසිල් රාජපක්ෂ මහතා පැවසීය.

වරාය අමාත්‍ය රෝහිත අබේගුණවර්ධන, ජනාධිපති ලේකම් පී.බී. ජයසුන්දර, වරාය අමාත්‍යාංශයේ ලේකම්, වරාය සභාපති ඇතුළු නිලධාරීහූ සහ වෘත්තීය සමිති 23ක නියෝජිතයෝ සාකච්ඡාවට එක්ව සිටියහ.

– ජනාධිපති මාධ්‍ය අංශය

65,937 views

43 Comments to “ශ්‍රී ලංකාවට 51%ක් ඉන්දීය අදානි සමාගමට 49%ක් වන සේ නැගෙනහිර පර්යන්තය සංවර්ධනය කරනවා.. විකිණන්නේ හෝ බදුදෙන්නේ නෑ..- ජනපති”

  1. අජානීය ඉස්කූටර් says:

    // ශ්‍රී ලංකා රජයට 51% අයිතිය සහ ඉතිරි 49% //
    කොච්චර කාලෙකටද ?

  2. sithum says:

    මොකෙක්ද මේ බූරුවෙක් අන්තිමේදී ගෙනත් දා ගත්තේ, මුන් නම් අමු කාලකන්නි. රට විනාශ කරන්නම ආපු පවුලක්. මදැයි චන්දෙ දුන්න රට බේරගන්න. මුන් හතුරෝ. අලුත් ක්‍රමයට බටර් ගාල රට විනාශ කරන එකෙක්.

  3. Gamaraala says:

    New Logic – 49% Investment is not a sale !!!

  4. Hukaris says:

    How about Gold every family has as Bangles, Chains etc.
    We can give part of the home stock as investment in Gold.
    No need dollars. Melt the Gold and pay in Gold for import of equipment.
    Give shares to people who give gold.

  5. Nimal says:

    Mona widihatahari denna hadanne thamange puddgalika hithawathkam matha newei ratagana hithala thirana gaththoth hodai

  6. Jepi buster says:

    අපේ ජනපතිතුමාට චරිත දෙකක් තියෙනව තොපේ පැකනිලාට එක චරිතයක්වත් නෑ… හූ

  7. APPUHAMI says:

    Hoooooooooooo

  8. දිලිත් says:

    අමුතු සතෙක් කියලා බයියො රැවටිලා රජ කෙරුවෙ තීන්ත බාල්දියෙ වැටුන නරියෙකුව

  9. Siri Jayawickrama says:

    Don’t worry he will do the best

  10. S.Vitharana says:

    මුදලට ඇඟ විකිනීම වෙලඳාමක් නොවේ. ඇඟ විකුනුවත් ඇඟ මගේ නේ?
    පී. බී. යගේ . . . . ගේ ආර්ථික න්‍යාය!

Leave a Comment

Main News