විලාසිතාවක් ලෙස පරිසරය වෙනුවෙන් පෙනි නොසිටින්න.. පරිසර විනාශ ගැක නිර්මාණ කරන්නේ කොළඹ සිටයි..- ජනපති

March 22, 2021 at 6:48 pm | lanka C news
විලාසිතාවක් ලෙස පරිසරය වෙනුවෙන් පෙනි නොසිටින්න.. පරිසර විනාශ ගැක නිර්මාණ කරන්නේ කොළඹ සිටයි..- ජනපති

මෙරට සියලුම ගංඟා වසර අවසානයට පෙර පවිත්‍රකර සංරක්ෂණයට පියවර ගන්නැයි ජනාධිපති ගෝඨාභය රාජපක්ෂ මැතිතුමා පරිසර අමාත්‍යාංශයට උපදෙස් දෙයි.

“සුරකිමු ගංගා” වැඩසටහන යටතේ ගංගා පද්ධතිය පවිත්‍ර කිරීමට වෙන් කර ඇති මුදල රුපියල් කෝටි 2300කි. එම මුදල ප්‍රමාණවත් නොවන්නේනම් වසර අවසන්වීමට පෙර ව්‍යාපෘතිය නිම කරනු වස් අතිරේක මුදල් සම්පාදනය කරන බව ජනාධිපතිතුමා පැවසීය.

විලාසිතාවක් ලෙස පරිසරය වෙනුවෙන් පෙනී නොසිට හැම කෙනෙක්ම තම වගකීම ඉටුකිරීමට එක්වන්නැයි ජනාධිපතිතුමා සමාජ මාධ්‍යවල පරිසරය ගැන කතා කරන සියලුදෙනාගෙන් ද ඉල්ලා සිටී.

පරිසර විනාශයක් පිළිබඳ නිර්මාණය කොළඹ සිට කෙරෙන සැලසුම්සහගත වැඩසටහනකි. දශකයකට පමණ පෙර කොළඹ සහ තදාසන්න නගර පැවති ආකාරය බොහෝ දෙනෙකුට අද අමතකය. කොළඹ කුණු කඳු ඉවත් කර, ගොඩකර තිබූ පහත් බිම් සේම තෙත් බිම් යළි සංවර්ධනය කර කොළඹ හරිත නගරයක් කළ බව ජනාධිපතිතුමා සිහිපත් කරයි. මේ ප්‍රගතිය සිංගප්පූරුව ඇතුළු ලොව රටවල් රැසක අවධානයට යොමු වු බව රාජපක්ෂ මැතිතුමා පවසයි.

මෙරට ගංගා පද්ධතිය සංරක්ෂණය කිරීමේ “සුරකිමු ගංගා” ජාතික වැඩසටහන ලෝක ජල දිනයට සමගාමීව අද (22) පෙරවරුවේ ඓතිහාසික කතරගම පූජා භූමියේ මැණික් ගඟ අසබඩදී ආරම්භ කරමින් ජනාධිපතිතුමා මේ අදහස් පළ කළේය.

ජනාධිපතිතුමා සමරු ඵලකය නිරාවරණය කරමින් “සුරකිමු ගංගා” ව්‍යාපෘතියේ නිල ආරම්භය සනිටුහන් කළේය.

මැණික් ගඟේ පොලිතීන් සහ ප්ලාස්ටික් රඳවන ස්ථාපනය, කතරගම පූජා භූමියේ පොලිතීන් මල්මාලා වෙනුවට ස්වභාවික මල්මාලා භාවිතය ප්‍රචලිත කිරීම සහ ප්‍රතිචක්‍රීකරණය කළ හැකි අමුද්‍රව්‍යවලින් නිෂ්පාදිත මල්මාලා හඳුන්වාදීම ද වැඩසටහනේ සමාරම්භයට සමගාමීව සිදු කෙරිණ.

බහුකාර්ය කැබලි කරන යන්ත්‍රය මොණරාගල දිස්ත්‍රික් ලේකම්වරයාට ජනාධිපතිතුමා විසින් නිල වශයෙන් බාර දෙනු ලැබීය.

පරිසර අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතා “සොබාකෙත” සඟරාව සහ “මිහිමඩල” පුවත්පත ජනාධිපතිතුමාට පිළිගැන්වීය.

“සුරකිමු ගංගා වැඩසටහන භූගෝලීය තොරතුරු තාක්ෂණික මාර්ගගත පරිගණක යෙදවුම ජනාධිපතිතුමා අතින් විවෘත කෙරිණි.

“සෞභාග්‍යයේ දැක්ම” ප්‍රතිපත්ති ප්‍රකාශනයේ ඇතුළත් දස වැදෑරුම් සංකල්පයෙහි අන්තර්ගත තිරසර පරිසර කළමනාකරණය සඳහා සැලසුම් කළ වැඩසටහන් අතුරින් ප්‍රධාන වැඩසටහනක් ලෙස “සුරකිමු ගංගා” ව්‍යාපෘතිය ක්‍රියාත්මක කෙරේ. පරිසර සංරක්ෂණයේ ප්‍රධාන අංගයක් වන ජලයේ ගුණාත්මකභාවය සහතික කිරීමෙන් ජලසම්පත සුරැකීම අපේක්ෂාවයි. ගංගා සංරක්ෂණය මගින් ජනතාවට පිරිසිදු පානීය ජලය සම්පාදනය කිරීම, පරිසර හා ජෛව සම්පත් ආරක්ෂා කිරීම හා සංචාරක ප්‍රවර්ධනය වැඩසටහනේ සෙසු අරමුණු අතර වෙයි.

ශ්‍රී ලංකාවේ ගංගා 103ක් ආවරණය වන පරිදි “සුරකිමු ගංගා” වැඩසටහන සැලසුම් කර ඇත. මධ්‍යම පරිසර අධිකාරියේ ප්‍රාදේශීය කාර්යාල මගින් සති දෙකක කාලයක් තුළ පරිගණක යෙදවුමක් භාවිතයෙන් කරන ලද මුලික සමික්ෂණයේ දී මේ ගංගා 103 ආශ්‍රීත ගැටලු සහිත ස්ථාන 10,410ක් පරික්ෂාවට ලක්කර තිබේ. ගං ඉවුරු ඛාදනය, අනවසරයෙන් ඉඩම් අල්ලා ගැනීම සහ අනවසර ඉදිකිරීම්, වැලි ගොඩ දැමීම, ගෘහස්ථ අප ජලය, මළ අපද්‍රව්‍ය සහ කර්මාන්ත අප ජලය ගංගා වෙත මුදා හැරීම සහ අපජල මඩිති මුදා හැරීම ඉන් ප්‍රධාන වේ.

පරිසර අමාත්‍යාංශය සහ මධ්‍යම පරිසර අධිකාරිය ඒකාබද්ධව “සුරකිමු ගංගා” වැඩසටහන ක්‍රියාවට නංවයි.

අද උත්සවයට සමගාමීව සෙසු පළාත් අටේ ද “සුරකිමු ගංගා” වැඩසටහන පළාත් ආණ්ඩුකාරවරුන්ගේ ප්‍රධානත්වයෙන් ආරම්භ කෙරිණ.

“පරම්පරාවෙන් පරම්පරාවට අප සමාජය පෝෂණය වූ ශ්‍රී ලංකාවේ ගංගාවන් 103 කින් සමන්විත ගංගා ද්‍රෝණි පද්ධතිය අප ලද වටිනාම දායාදයක්. මධ්‍යම කඳුකරයත්, ඒ ආශ්‍රිත වනගහණයත් සහිතව ජල පෝෂක ප්‍රදේශ අපේ මේ ලස්සන දිවයින මුළුමනින්ම පාහේ ආවරණය කරනවා” ඒ නිසා බොහෝ රටවල් සමග සැසඳීමේදී අප පාරිසරික මෙන්ම භූ විද්‍යාත්මක වශයෙනුත් ඉතා සුවිශේෂී රටක් බව ජනාධිපතිතුමා පෙන්වා දුන්නේය.

අපගේ වායුගෝලය දූෂණය වන්නේ සංවර්ධිත රටවල ක්‍රියාකාරකම් නිසා වුවත්, අවාසනාවකට එහි අහිතකර බලපෑම්වලට වැඩියෙන්ම ගොදුරු වන්නේ සංවර්ධනය වෙමින් පවතින අප වැනි ඝර්ම කලාපීය රටවල් ” බවද ජනාධිපතිතුමා පැවසීය. “අද විශාල වන විනාශයන් සිදු වන බව අපගේ විරුද්ධවාදීන් ලෝකයටම ඒත්තු ගන්වන්න උත්සාහ කරනවා. “ගම සමග පිළිසඳර” වැනි ග්‍රාමීය මට්ටමේ වැඩසටහන්වලට නිරතුරුවම යන මට, අහිංසක ගොවි ජනතාව අත්විඳින කම්කටොළු බොහෝ පැහැදිලිව දක්නට ලැබෙනවා. ඔවුන් ජීවත්වීම සඳහා කරන්නේ ලොකු සටනක්. එවැනි පුද්ගලයන්ට වගා කිරීමට ඉඩමක් දීම විකෘති කර, වන විනාශයට තුඩු දෙන අයුරින් අප ක්‍රියාකරනවා යයි කීම විරුද්ධවාදීන් ගෙන යන අසත්‍ය, අමානුෂික ප්‍රචාරයක් බව සඳහන් කළ ජනාධිපතිතුමා අවුරුදු ගණනකට පෙර කපා හෙලන ලද රූස්ස ගස්වල කඳන් පෙන්වමින්, ඒවා සමාජ ජාලා තුලින් ප්‍රචාරය කරමින් අපේ මේ කෘෂිකාර්මික ප්‍රතිපත්ති නිසා වන විනාශයක් සිදු වන බව හුවා දැක්වීම සැබෑ තත්ත්වය විකෘති කරීමකැයි කියා සිටියේය.

අද ඇරඹුනු “සුරකිමු ගංගා” ජාතික පාරිසරික වැඩසටහන අනාගත පරපුර වෙත අප සියලු දෙනා විසින් දෙනු ලබන මහඟු දායාදයක් බව පැවසූ ජනාධිපතිතුමා දිස්ත්‍රික් හා ප්‍රාදේශීය මට්ටමින් මෙම කාර්යය සම්බන්ධීකරණය දිස්ත්‍රික් හා ප්‍රාදේශීය ලේකම්වරුන්ගෙන් තමා බලාපොරොත්තු වන බව සඳහන් කළේය.

පරිසර අමාත්‍ය මහින්ද අමරවීර, රාජ්‍ය අමාත්‍ය ශෂේන්ද්‍ර රාජපක්ෂ, පරිසර අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ, මධ්‍යම පරිසර අධිකාරියේ සභාපති එස්. අමරසිංහ යන මහත්වරු ද සමාරම්භක උත්සවය ඇමතූහ.

මහා සංඝරත්නය, ඌව පළාත් ආණ්ඩුකාර ඒ.ජේ.එම්. මුසම්මිල්, රාජ්‍ය අමාත්‍ය විජිත බේරුගොඩ, මධ්‍යම පරිසර අධිකාරියේ අධ්‍යක්ෂ ජනරාල් පී.බී. හේමන්ත ජයසිංහ යන මහත්වරු මේ අවස්ථාවට එක්ව සිටියහ.

ජනාධිපතිතුමා කිරිවෙහෙර රජමහා විහාරාධිපති, රුහුණු මාගම්පත්තුවේ ප්‍රධාන සංඝනායක පූජ්‍ය කොබවක ධම්මින්ද නායක හිමිපාණන් වහන්සේ බැහැ දැක කෙටි පිළිසඳරක ද නිරත විය.

කතරගම අභිනවාරාමාධිපති රුහුණු මාගම්පත්තුවේ ප්‍රධාන අධිකරණ සංඝනායක පූජ්‍ය කපුගම සරණතිස්ස නායක හිමියන් බැහැදැක උන්වහන්සේගේ ද සුව දුක් විමසීය.

– ජනාධිපති මාධ්ය අංශය

19,033 views

12 Comments to “විලාසිතාවක් ලෙස පරිසරය වෙනුවෙන් පෙනි නොසිටින්න.. පරිසර විනාශ ගැක නිර්මාණ කරන්නේ කොළඹ සිටයි..- ජනපති”

  1. ක්‍රිමිනල් says:

    ඔබතුමාගේ කතාව හරි. පුස්සෝ කියන කතා ගනන් ගන්ඩ එපා

  2. මේ තමයි ලම්බෝගිනි, රත්තරන් අශ්වයෝ සහ ප්ලැටිනම් වලින් හදපු පාරවල් මෙහෙයුමේ දෙවෙනි අධියර . නොරැවටෙන්න, රැවටුනොත් පුන්චිඅම්මා දිනුම්. ඔබ පරම්පරා ගණනාවක් පරාදය.

    • අහිංසක අගුල්මල් says:

      මුසාවාදා වේරමණී සික්ඛාපදං සමාදියාමි කියලා අපට උගන්වන හාමුදුරුවරු ජනාධිපතිතමාගේ ආණ්ඩුව කැළෑ කපනවා කියලා මොනතරම් බොරු බේගල් පතබාලා පව් පුරවා ගන්නවද ?

  3. බුල් ඩෝ ස හෙළයා says:

    බතරමුල්ල , කොම්පාඥාවිදිය, බේරේ වැව වටේ ගස් හිටවපු එකෙන් කොහොමද අපේ රටේ වන ගණත්වය වැඩි උනේ , වන සතුන් ට , අලින්ට ඇති තර්ජන අඩු උනේ, ස්වාභාවික ජල මුලාශ්‍ර ආරක්ෂා උනේ, වැව් තාවුලු, ගං ඉවුරු ආරක්ෂා උනේ කිවා නම්. ඒත් මේ අපේ ටෙලිගොන් කාරයන්ට පේන්නේ ආණ්ඩුවේ ඇදෙ විතරමනේ. හා නැද්ද..

  4. රන්වල says:

    ලොකු සර් අන්න අහරෙ අයියණ්ඩි සින්හරාජෙ විලාසිතා කරන්න ලෑස්තිය එව්ව තමා රෙදි ගැලවෙන විලාසිතා

  5. ආගමික ශබ්ද දූෂණයෙන් තොර රටක් වෙනුවෙන් says:

    පරිසර දූෂණයේ එක් අංගයක් වෙන ” පාරිසරික ශබ්ද දූෂණය ” ගැන මධ්‍යම පරිසර අධිකාරිය නිහඬ ඇයි ? ඔවුන් අවධානය යොමු කරන්නේ කාර්මික ශබ්ද දූෂණය ගැන පමණයි. ඒ උනත් ලවුඩ්ස්පීකර් මඟින් උදේ පාන්දර සහ සවස කරන මහා පාරිසරික ශබ්ද දූෂණය ගැන ඔවුන් අවධානය යොමු නොකරන්නේ ඇයි ?

    • JUDE says:

      ඔබ සදහන් කරන්නේ ඉස්ලාම් අල්ලාහ් නැමදීමට මුස්ලිම් ජනතාවට ලේබ්බෙලා කරන
      අදෝනාවද ? ඇත්තෙන්ම එය ඉක්මනින් නතර කලයුතුයි

  6. එතකොට දැන් මේ පරම්පරා ගණනක් බිත්ති වල, පාරවල්වල පෝස්ටර් ගහපුවා ගෙන් වගේම බිත්ති වල රතු තීන්ත බාල්දි ගණන් හල හලා විනාශ කරපුවා ගෙන් අබමල් රේණුවකවත් පරිසර හානියක් උනේ නෑ ඔං කීවා. එකෙන් කිසිම පරිසර හානියක් නෑ ඔං.

  7. එතකොට දැන් මේ පරම්පරා ගණනක් බිත්ති වල, පාරවල්වල පෝස්ටර් ගහපුවා ගෙන් වගේම බිත්ති වල රතු තීන්ත බාල්දි ගණන් හල හලා විනාශ කරපුවා ගෙන් අබමල් රේණුවකවත් පරිසර හානියක් උනේ නෑ නේද. ඒවා ගැන ජනතාවට හොදට මතකයි. අපේ ගෙවල් වල බිත්ති අපවිත්‍ර කලාට දැන්වත් වන්දි ගෙවපන් JVP පාදඩයිනේ.
    කෙසේ වෙතත් මෙම බොරු වියාපාරය නිසා නැහෙන්නේ JVP එකමය. මුන්ගේ පෝස්ටර් වියාපාරය පරිසර විනාශය යන සටන් පාඨය ගෙනම රජය මගින් තහනම් කිරීම සදහා නීති සම්පාදනය කිරීමට මෙය ඉතා මහගු අවස්ථාවක් ලෙස සලකා කටයුතු කරන්න. JVP පෝස්ටර් වියාපාරය පරිසර විනාශයට මුලය

  8. PULATHISI says:

    සෞභාග්‍යයේ දැක්ම තිරසර ජාතික වැඩපිළිවෙළට අනුව මව්බිම අතිඋදාර වූ පින්බිමක් බවට පත්කිරීම සඳහා දේශභක්තියෙන් අනූනව අතිගරු ජනාධිපතිතුමා විසින් ආරම්භ කරන ලද “සුරකිමු ගංගා” වැඩසටහන සියලු ආකාරයෙන්ම සාර්ථක වේවායි සුභාසිරි පතමු.

  9. කියත් මග says:

    වැසි දවස් වල කොළඹ නගරය ජලාශයක් වි සුන්දරත්වය තව තවත් වැඩි වෙනවා .

  10. saman says:

    raja horu gawa ranchuwak wishwaasa kala nisa thamaa ada ratata kela welaa thiyennee

Main News