ඉන්ධන මිල වැඩි කිරීම ගැන ජනපතිගෙන් නිවේදනයක්… ගම්මන්පිලගේ ප‍්‍රකාශය තහවුරු කරයි….

June 13, 2021 at 5:20 pm | lanka C news
ඉන්ධන මිල වැඩි කිරීම ගැන ජනපතිගෙන් නිවේදනයක්… ගම්මන්පිලගේ ප‍්‍රකාශය තහවුරු කරයි….

ඉන්ධන මිල ඉහළ දැමීමට ප්‍රධාන හේතු ගණනාවක් පිළිබඳ අතිගරු ජනාධිපතිතුමාගේ ප්‍රධානත්වයෙන්, ගරු අග්‍රාමාත්‍යතුමන් හා අදාළ විෂයභාර ඇමතිවරුන්ගේ සහභාගිත්වයෙන් පැවති ජීවන වියදම් කමිටුව විසින් අවධානය යොමු කරන ලදී.

ලෝක වෙළෙඳපොළේ බොර තෙල් මිල පසුගිය මාස කිහිපය තුළ අඛණ්ඩව ඉහළ යාම ඉන් එක් ප්‍රධාන හේතුවකි. මේ වන විට බොර තෙල් බැරලයක මිල ඇ.එ.ජ.ඩො.70 ඉක්මවා ඇති අතර, එය තවදුරටත් ඉහළ යනු ඇති බව වෙළෙඳපොළ ප්‍රවණතා මගින් පැහැදිලි කරයි.

ශ්‍රී ලංකාව ඉන්ධන ආනයන සඳහා අතිවිශාල විදේශ විනිමයක් දරණ රටක් පමණක් නොව, එම ආනයනයන් මත රටේ ප්‍රවාහන සේවා, විදුලි බල නිෂ්පාදනය හා ඇතැම් කර්මාන්තශාලා ද පවත්වා ගෙන යන රටක් බවට පත්වී ඇත. 2019 වර්ෂයේ පමණක් තෙල් ආනයනය සඳහා වැය කර ඇති විදේශ විනිමය ඇ.එ.ජ ඩො.මිලියන 3,677කි. වාහන ආනයනය නතර කිරීම හා ජාත්‍යන්තර තෙල් මිල ගණන් 2019 දී බැරලයකට ඇ.එ.ජ.ඩො. 68.80 සිට 2020 දී ඇ.එ.ජ.ඩො. 45.57 දක්වා අඩුවීම නිසා 2020 දී මෙම වියදම ඇ.එ.ජ.ඩො. මිලියන 2,325ට අඩු කර ගැනීමට හැකි වුවද, මේ වන විට පවත්නා මිල ගණන් ඉහළ යාම නිසා 2021 වර්ෂයේ බැරලයක මිල ඇ.එ.ජ.ඩො. 70 ඉක්මවීම තුළ වාහන ආනයනය තහනම පවත්වා ගෙන ගියද, ඛනිජතෙල් ආනයනය සඳහා විදේශ විනිමය ඇ.එ.ජ.ඩො. මිලියන 4,000ක් පමණ වනු ඇත. මෙම වියදම සමස්ත විදේශ විනිමය උපයන අපනයන ආදායමෙන් 1/3කට ආසන්න වියදමකි.

බීජ, පොහොර, ආහාර, ඖෂධ සහ එන්නත් ආදියද, ආනයනය කරන මෙම ආනයන මත රඳා පවතින පරිභෝජන රටාව, නිෂ්පාදනය මත පරිභෝජනය කරන තත්ත්වයට පරිවර්තනය කළ යුතුය.

විදේශ විනිමය වැය කිරීමට අමතරව ලංකා ඛනිජ තෙල් සංස්ථාව පාඩු ලබන ආයතනයක් වශයෙන් පැවතීම නිසා සෑම වර්ෂයකම ලංකා බැංකුවෙන් හා මහජන බැංකුවෙන් ණය මත යැපෙන ආයතනයක් වී ඇත. මෙම බැංකු දෙක සඳහා මේ වන විට රුපියල් බිලියන 652ක ප්‍රමාණයක ණය ගෙවීමට ද ඇත. ලංකා විදුලිබල මණ්ඩලය ද රුපියල් බිලියන 85කට ආසන්න ණය මුදල් බැංකු දෙකට ගෙවීමට සිදු වන බැවින් මේ සඳහා රාජ්‍ය බැංකු දී ඇති ණයවලට භාණ්ඩාගාරය විසින් ඇපකරයන් ද නිකුත් කර ඇති අතර, ණය සඳහා අධික පොලියක් ද ගෙවීමට සිදුව ඇත.

පෞද්ගලික හා පොදු ප්‍රවාහන සේවා සඳහා සියයට 60ක පමණ වන ඉන්ධන භාවිතය අඩු කළ යුතුය. එබැවින් ප්‍රවාහනය සඳහා ELECTRIC රථ වාහන මෙන්ම දුම්රිය සේවා හැකිතාක් දුරට විදුලි බලයෙන් ක්‍රියාත්මක වන සේවාවන් බවට පත් කළ යුතුය. ඛනිජ තෙල් වලින් ධාවනය වන වාහන ආනයනය මුළුමනින්ම නතර කර ELECTRIC රථ වාහන භාවිතය ප්‍රචලිත කිරීමත්, ත්‍රීරෝද රථ සඳහා ELECTRIC එන්ජින් ලබා දීමත් මගින් ප්‍රවාහන පිරිවැය ද ස්ථාවර කර ගත හැකිය.

ඉන්ධන භාවිතය අධික වීම නිසා නාගරික ප්‍රදේශවල වාතය අපිරිසිදු වීමත්, ජනතාවගේ පෙනහළු ආශ්‍රිත රෝග වැඩිවීමත් තුළ පරිසර හිතකාමී බලශක්ති මූලාශ්‍රවලට කඩිනමින් පිවිසීම අනිවාර්ය වේ. කැලණිතිස්ස තෙල් විදුලි බලාගාරය LNG විදුලි බලාගාරයක් බවට පත් කර ගැනීමෙන්, විදුලිබල මණ්ඩලය විසින් ඉන්ධන සඳහා ගෙවන අධික මිල ද අඩු කර ගත හැකිය.

දේශගුණික තත්ත්වයන්ට ඔරොත්තු දෙන හරිත ආර්ථිකයක් කරා වන ජාතික සංවර්ධන වැඩසටහනට අනුව පොහොර, ඉන්ධන, වන සම්පත්, කැලිකසළ ජන ජීවිතයේ ගුණාත්මකභාවය ඉහළ නංවන අයුරින් කළමනාකරණය කළ යුතුය.

එබැවින් මිල වැඩි කිරීමට අමතරව, ආනයනික ඉන්ධන මත රඳා පවතින පරිභෝජන රටාව වෙනස් කිරීමට රජය විසින් යෝජනා රැසක් ක්‍රියාත්මක කිරීමට ප්‍රවේශ වී ඇත.

ලංකා විදුලිබල මණ්ඩලයේ විදුලි ජනනය සඳහා සාමාන්‍ය වශයෙන් සියයට 30ක පමණ ඉන්ධන භාවිතා කරන බැවින්, එය වලක්වා ගැනීම සඳහා පුනර්ජනනීය බලශක්ති ජනනය කඩිනම් කිරීමට ද රජය කටයුතු කරමින් සිටී. මේ නිසා සෑම නිවසකටම, පාසැල්, රෝහල් හා රජයේ ගොඩනැගිල්ලක් සඳහා සූර්ය තාප විදුලි නිෂ්පාදන කට්ටල ලබා දීම මගින් ජනතාව පිට පැටවෙන අධික මිල ගණන් වල පීඩනය අඩු කිරීම පමණක් නොව, එම විදුලි ඒකක විදුලිබල මණ්ඩලයට ලබාදීම මගින් ආදායම් මාර්ගයක් ද ඇති කළ හැකිය.

එබැවින්, මෙම මිල ගණන් වැඩි කිරීම දේශීය ආර්ථිකය ශක්තිමත් කරන පොදු වැඩපිළිවෙළක එක් ප්‍රධාන සාධකයක් පමණි. එය රටේ බැංකු පද්ධතිය ශක්තිමත් කර අඩු පොලී අනුපාත පවත්වා ගැනීමටත්, විදේශ විනිමය වියදම් අඩු කර විනිමය අනුපාතය ශක්තිමත් කර ගැනීමටත්, ජනතාවගේ සෞඛ්‍යය හා සුභසාධනය සුරක්ෂිත කර ගැනීමටත්, ආනයනය මත රඳා පවතින පරිභෝජන ආර්ථිකය, දේශීය නිෂ්පාදන මත රඳා පවතින ආයෝජන හා පරිභෝජන ආර්ථිකයක් බවට පරිවර්තනය කර ගැනීමට ගත් තීරණයකි.

– ජනාධිපති මාධ්‍ය අංශය

78,490 views

47 Comments to “ඉන්ධන මිල වැඩි කිරීම ගැන ජනපතිගෙන් නිවේදනයක්… ගම්මන්පිලගේ ප‍්‍රකාශය තහවුරු කරයි….”

  1. Jana says:

    Please Mr .President, tell your brother our beloved Priminister to sack all these BR ‘ goons.
    These fu…..it’s think they can bring BR to power.
    I am sorry That we had to tell you this, your brother BR is a traitor, who is dancing to RAW tune. We sincerely hope he will not come back to this country. If we are wrong please tell BR to make a statement regarding his fu….ing cronies acts. Will he do it ?

  2. On The Spot says:

    ජනපතිතුමනි,නොපැකිලව මෙය ප්‍රකාශ කලා සේම ආණ්ඩු පක්‍ෂ දේහය තුලට රිංගාගෙන වැරදි ප්‍රකාශ නිකුත් කර ජනතාව නොමග යවන පොහොට්ටු ලේකම් වැනි අදූරදර්ශි ඔඩොක්කු කුක්කන් හඳුනා ගන්න​.ඔබේ කකුලෙන් අදින්නේ මේ දෙපත් නයි බවද මතක තබා ගන්න​.කිසිදු ජන වරමක් ජන ප්‍රසාදයක් නොලබා පක්‍ෂය ඇතුලේ සුරතල් වන මේ ළදරුවන් පිළිබඳ ඉක්මන් තීරණයක් ගන්න​.මොවුන් නිසා දිනෙන් දින හීන වන්නේ ඔබේ කීර්ති නාමයයි.

    • bitter truth says:

      තිත්තය ඇත්ත කියනා විට කර සද්ද
      විලිනැති වහල් බය්යෙකි මූ පරසිද්ද
      තවමත් අපුල්ලන වසලයේකුගේ රෙද්ද
      අතගා බලාපන් ගෙරියෝ අං එත්ද

  3. අසරණ අපි. says:

    මෙතන කමෙන්ට කරන් අපේ මතය නෙවෙයි පොදු ජනතාවගේ මතය. පක්ෂ විපක්ෂ අපි හැමෝම තේරුම් ගත යුතු දෙයක් තමයි ඡන්ද විමසීමක දී අපේ රටේ මිනිස්සු හුගක් වෙනස්. හැම

  4. අසරණ අපි. says:

    මෙතන කමෙන්ට කරන් අපේ මතය නෙවෙයි පොදු ජනතාවගේ මතය. පක්ෂ විපක්ෂ අපි හැමෝම තේරුම් ගත යුතු දෙයක් තමයි ඡන්ද විමසීමක දී අපේ රටේ මිනිස්සු හුගක් වෙනස්. හැමෝම ලැබෙන ඡන්ද සන්තෝසම් අරගෙන නියම සුදුසා තෝරා යැවීම.

    • MD says:

      ඔබ නිවැරදි යි.3% අය මොනතරම් දේශනා පෙළපාලි උද්ඝෝෂණ තිබ්බත් මිනිස්සු වැඩි ඡන්ද ප්‍රතිශතයක් ඔවුන්ට ලබා නොදෙන්නනාසේ

  5. vuu says:

    weda karana ape viruwa……69 lakshayatama p*ke ariyaaa…….///////

  6. පුත්තලම් පොහොට්ටු බලකාය says:

    අපේ පොහොට්ටු කට්ටිය එන්න එන්න තාලෙට කියමු.. වැඩි කරන අපේ විරුවා.. වැඩ බැරුව ෆේල් සැමදා…

    • මොන්ටි says:

      උඹලා වගේ මොංගල් වෙන මොනවා කරන්නද බං වැඩක් කරන එකා දිහා බලාගෙන ගොං කතා කියන්න විතරනේ බං උඹලා දන්නෙ

  7. Theeraka says:

    Top idiots, did you realize all these only now? What were you doing for 72 years? Electric railways should have been long long time ago! Every other thing is same.

  8. Rතිකේ says:

    රට වහගෙන ඉන්න ඉන්න ආර්ථිකය දුර්වල වෙනවා. ආර්ථිකය දුර්වල වෙනකොට $එක ඉහළ යනවා. එතකොට තෙල් මිළත් පිටරටින් ආනයනය කරන හැම දෙයක්ම මිළ ඉහළ යනවා.
    දැන් මොකෝ කියන්නේ? බූරුවො වගේ වගකීමක් නැතුව වැඩ කරලා සෞඛ්‍ය උපදෙස් පිළිපදින්නෙ නැතුව වැඩ කරන එවුන් නෙවෙයිද මේකට වගකිවයුතු?

  9. මහ මොළකරු says:

    තෙල් මිල රුපියල් දෙකකින් වැඩි කරපු වෙලාවේ කරත්තයෙන් පාර්ලිමෙතුවට ගිය අර නාකි පඩංගු ටික දැන් යන්නේ කොහොමද අපි දන්නේ නැතෝ

  10. මෙහෙමයි ඉතින්. ගහෙන් වැටිච්ච මිනිහටම අනින්න එපා නේද. කොරෝනා නිසා සහන දෙනව වෙනුවට ඇන ඇන හූරලා ගන්නෙ නැතුව ටිකක් ඉවසලා ඉන්න තිබුණනේ. ගම්මන්පිල මහත්තෙයා ඉස්සෙල්ලාම කිවුවෙ ළගදිම දවසක ඉන්ධන මිල වැඩි කරන්න සූදානමක් තිබෙනවා ඒබව දැනුවත් කර සිටීම සඳහා කලින්ම නිවේදනයක් නිකුත් කළා කියල. කොවිඩ් හේතුව නිසා ජනතාව පෝලිම්ව සිටීම වැලැක්වීම සඳහා පියවරක් ලෙස කලින්ම දැනුවත් කළා කියලයි. නමුත් එදාම හවස ඉන්ධන මිල හදිසියේම වැඩිකළ බව නිවේදනය කළා. බල්ලගේ වැඩේ බූරුව නොකර මිල වැඩිකිරීමේ නිවේදන නිකුත් කිරීමේ වගකීම තිබෙන බලධාරියා වන ශ්‍රී ලංකා මහ බැංකුව මිල වැඩිකිරීමේ නිවේදනය නිකුත් කරන කල් තමන්ගේ වැඩේ කරගෙන හිටියනම් මේ විදියට බලු වෙන්නෙත් නෑ. ඕන්න ඕකයි ඇත්ත.