ශ‍්‍රීලනිපය ආණ්ඩුවෙන් ඈත් කිරීමේ වගකිවයුත්තා බැසිල් රාජපක්‍ෂයි.. ඔහු ආවා කියා විශ්මකර්මයක් වෙන්නෙ නෑ..

July 3, 2021 at 12:02 am | lanka C news
ශ‍්‍රීලනිපය ආණ්ඩුවෙන් ඈත් කිරීමේ වගකිවයුත්තා බැසිල් රාජපක්‍ෂයි.. ඔහු ආවා කියා විශ්මකර්මයක් වෙන්නෙ නෑ..

වත්මන් ආණ්ඩුවෙන් ශ්‍රී ලංකා නිදහස් පක්ෂය ඈත්කර වීමේ ප්‍රධාන වගකිවයුත්තා වන්නේ බැසිල් රාජපක්ෂ මහතා බව ශ්‍රී ලංකා නිදහස් පක්ෂයේ උප සභාපති මහාචාර්ය රෝහණ ලක්ෂ්මන් පියදාස මහතා සඳහන් කරයි.

මහනුවර දී මාධ්‍ය සාකච්ඡාවක් පවත්වමින් ඔහු මෙම අදහස් පළ කලේය.

”කවුරුත් විශ්මකර්මයෝ ඇවිල්ලා කරන්න දෙයක් නෑ. බැසිල් රාජපක්ෂ තමයි මේ සන්ධානේ යම් අර්බුදයක් නිර්මාණය කරන්න පදනම් වෙච්ච පුද්ගලයා. ශ්‍රී ලංකා නිදහස් පක්ෂයට ලැබිය යුතු ජාතික ලැයිස්තු, ඒ වගේම නිලතල ඒ කාරණා, ඒ වගේම පක්ෂය කොන් කිරීමේ කටයුතු ආරම්භ වුනේ ඒ අවස්ථාවලදී.

එතුමා මං හිතන්නේ මේ අර්බුද සහ සියල්ල මැද එතුමාට පුළුවන් කළමනාකරණය කරගන්න. ඇමති මණ්ඩලයට ආවත්, නාවත් මේ ක්‍රියාවලිය තුළ බලවත්ම පුද්ගලයා එතුමා. ඉතින් මං හිතන්නේ එතුමා හිටියා කියලා එතුමා අතින් වෙච්ච මහා ආශ්චර්යමත් දේවල් පේන්න නෑ. ඒ වගේම එතුමා ඇවිල්ලා මං හිතන්නේ දැන් කිව්වා වගේ තෙල් මිල අඩු කරයිද ? එතකොට බඩු මිල අඩු කරයිද ? අපි බලන් ඉමු. ආශ්චර්යමත් සිදුවීම් ඒ ආකාරයෙන් සිද්ධ වෙනවා ද කියලා.

ජනතාව විචාරශීලිව බලන් ඉන්නවා මේ දිහා. අපි හිතන් හිටියා මේ ආණ්ඩුවට අපිත් සහයෝගය දීලා මහා විශාල දේවල් කරයි කියලා. අඩු ගානේ පාරදෘශ්‍යභාවයෙන්. මං හිතන්නේ තරුණ පරම්පරාව අතරෙ කලකිරීමක්, ඉච්ඡාභංගත්වයක් වෙහෙසකාරී බවක් ඇති කරලා තියෙනවා.

මහමැතිවරණයට ඉදිරිපත් වන අවස්ථාවේ දී ශ්‍රී ලංකා නිදහස් පක්ෂය, පොදුජන පක්ෂය සමඟ වෙනමමත්, ඒ වගේම ගෝඨාභය රාජපක්ෂ මහතා සමඟත් වෙනම ගිවිසුම් ඇති කර ගත්තා. මේ ගිවිසුම්, එකඟතාවයන් කඩා බිඳ දමමින් තමයි ආණ්ඩුව පිහිටුව්වේ. පිහිටුව මුල් අවස්ථාවේදී ම, විශේෂයෙන්ම ශ්‍රී ලංකා නිදහස් පක්ෂයට එකඟ වෙච්ච ඇමතිකම් ලබා දීම විවිධ ආණ්ඩුකාර ලබා දීම ජාතික ලැයිස්තුව සම්පූර්ණ ලබා නොදීම. මේ වගේ කෙනෙහෙළිකම්වලින් තමයි ආණ්ඩුව ආරම්භ වුනේ. කෙනෙහිළිකම්වලින් ආරම්භ වෙච්ච ආණ්ඩුව අද වන විට බරපතල අර්බුදයක් දක්වා ගමන් කරමින් තිබෙනවා.

මේ වන විට විශේෂයෙන්ම අපේ සහෝදර, සන්ධානයේ ඉන්න සහෝදර සෙසු පක්ෂවල නායකයින්ට විරුද්ධව මත වාදයන් අදහස් ඉදිරිපත් වෙනවා. මේකේ තීරණාත්මක අවස්ථාව තමයි උදය ගම්මන්පිල ඇමතිතුමා වහාම එතනින් ඉවත් කිරීමට තිරණය කර ගනු ලබනවා. මේ සමඟම ඇති වෙලා තියෙනවා ආර්ථික අර්බුදය සමඟ දේශපාලන අර්බුදයක්”

25,280 views

7 Comments to “ශ‍්‍රීලනිපය ආණ්ඩුවෙන් ඈත් කිරීමේ වගකිවයුත්තා බැසිල් රාජපක්‍ෂයි.. ඔහු ආවා කියා විශ්මකර්මයක් වෙන්නෙ නෑ..”

  1. 🤣🤣🤣🤬 says:

    ශ‍්‍රීලනිපය ආණ්ඩුවෙන් ඈත් කිරීමේ වගකිවයුත්තා බැසිල්
    විශ්මකර්මයක් වෙන්නෙ නෑ කියති ලක්‍ෂමන් ගහල විසිල්
    ඉන්ධන මිල අඩු කලවිටම ශ‍්‍රීලනිපය දැකල කෙරුම බැසිල්
    මහාචාර්‍ය පට්ටම ඉතුරු වුනොත් පුදුම කටින් ගැහු විසිල්

  2. පියදාසගෙ මොක් සුව says:

    ජාතික ලැයිස්තුව නොලැබුණු දුකට කියන කවි. ශ්‍රී ලංකා එකේ ඉන්නෙ දිවුරුම් දුන්නයින් පස්සෙ වැස්සකටවත් ශ්‍රේෂ්ඨාධිකරණයට නොගිය නීති සෙට් එකක්.පියදාසට තනතුරක් දුන්නානම් මේ කතා නෑ. ජී.එල් ගෙ ෆෙඩරල් ගෝලය දයාසිරි දිය යටින් ගින්දර ගෙනියනව.

    • harsha says:

      එහෙම නීතීඥ සෙට් එකක් පොහොට්ටුවෙත් ඉන්නවා.

  3. මෙතුමටත් අයිස් කැවිල වගේ says:

    කටමැත නොදොඩා හිටිය නම් ලෙව කම් මහත්තයෝ.බූහ්. භූහ්…

  4. nivataya says:

    yes. you are right and to the point. there is no magic or miracles to dealt with economy. NO Vishwakarmas in human world. everything is based on cause and effect. you can’t fool the general public for ever. the truth will come out. what the government is done is visible but rulers think otherway.the general public frustration is unavoidable. what is important to us as general public, not the person or character who plays role as minister or mp what they can do for us & how& when beaca use they survive on our vote.

  5. පර වුණු පොහොට්ටුවා says:

    බැසිලාගමනයෙන් එක දෙයක් වුණු බව නම් පැහැදිලියි. ඒ සංධානයේ කුඩා පක්ෂ එකට සමගි වෙලා දැන් පොහොට්ටුවෙන් ගේම ඉල්ලනවා.

  6. A Sri Lankan says:

    Sri Lanka desperately needs a caretaker Government representing all major parties for a limited period. The objectives of the caretaker Government should be to reverse the 20 A and go back to 19 A and improve 19A to reinstate Parliamentary form of Governance with a limited role for Presidency. Improve Accountability and rule of law.

Main News