බැදුම්කර ගැසට් පත‍්‍රය නිසා හිටපු ජනපති හොරාට කළින් කෙසෙල් කැන වැට පැන්නා…

February 28, 2017 at 12:00 pm | lanka C news
බැදුම්කර ගැසට් පත‍්‍රය නිසා හිටපු ජනපති හොරාට කළින් කෙසෙල් කැන වැට පැන්නා…

මතභේදයට තුඩු දී ඇති මහ බැංකු බැදුම්කර නිකුතුවට අදාල යැයි සදහන් ගැසට් පත්‍රය සම්බන්ධයෙන් හිටපු ජනාධිපතිවරයා කර ඇති ප්‍රකාශය හොරාට කළින් කෙසෙල් කැන පැනීමක් බව සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න මහතා පවසයි.

පශ්චාත් සීමාවාසික වෛද්‍යවරුන් 308 කට පත්වීම් ලිපි පිරිනැමීම වෙනුවෙන් කොළඹ බණ්ඩාරනායක අනුස්මරණ සම්මන්ත්‍රණ ශාලාවෙි පැවැති උත්සවයකින් පසු මාධ්‍ය අමතමින් සෞඛ්‍ය අමාත්‍යවරයා මෙි බව ප්‍රකාශ කළේය.

අදාල ගැසට් පත්‍රයට හිටපු ජනාධිපතිවරයා අත්සන් කර ඇත්ද? නැත්ද? යන්න සිදු කරන පරීක්ෂණ වලින් පසු ඔප්පුවන බව පැවැසූ සෞඛ්‍ය අමාත්‍යවරයා ඊට බිය වන්නේ මන්දැයි මෙහිදී ප්‍රශ්න කර සිටියේය. හිටපු ජනාධිපතිවරයාගේ පාලන කාලයේ දී රුපියල් කෝටි 33000 ක වංචා සිදුව ඇති බවත්, මෙම බැදුම්කර වංචාව රුපියල් කෝටි 1000 ක් වුව ද, පරීක්ෂණ සිදු කරන බවත්, සෞඛ්‍ය අමාත්‍යවරයා මෙහිදී පෙන්වා දුන්නේය.

සයිටම් හෙවත් මාලඹෙි පෞද්ගලික වෛද්‍ය විද්‍යාලය පිළිබදව ද සෞඛ්‍ය අමාත්‍යවරයා මෙහිදී අදහස් පළ කළේය.

“සයිටම් ආයතනයේ ප්‍රමිතිය පිළිබද ප්‍රශ්ණයට විසදුමක් සෙවිය යුතුයි. විශ්ව විද්‍යාල වෛද්‍ය පීඨ පීඨාධිපතිවරුන් සමග සාකචිඡා කර විසදුම් ලබාදිය යුතුයි. ඉන් පසු සයිටම් ආයතනයේ දරුවන්ටත් වෛද්‍ය අධ්‍යාපනයේ නිදහස ලබාදිය යුතුයි. නමුත් වර්තමානයේ නිදහස් අධ්‍යාපනයේ පියාටත් වඩා නිදහස් අධ්‍යාපනයේ පියවරුන් බිහි වී සිටිනවා. වෛද්‍ය සභාව පෙන්වා දෙන දුර්වලතා විසදීම සදහා සයිටම් ආයතනය පියවර ගනියි කියා මා බලාපොරොත්තු වෙනවා.”

සයිටම් ආයතනය රජයට පවරා ගැනීම පිළිබදව අදහස් පළ කල සෞඛ්‍ය අමාත්‍යවරයා ලංකාෙවි හදන පෞද්ගලික ආයතන රජයට පවරා ගැනීමෙි අවශ්‍යතාවයක් නොමැති බව ද පෙන්වා දුන්නේය

මාධ්‍ය ඒකකකය
සෞඛ්‍ය අමාත්‍යංශය

80 views