ඇමරිකාවට කොළඹ වරාය නගර සමාගමෙන් දැඩි ප‍්‍රතිචාර…

August 5, 2021 at 12:02 am | lanka C news
ඇමරිකාවට කොළඹ වරාය නගර සමාගමෙන් දැඩි ප‍්‍රතිචාර…

කොළඹ සිටින ඇමරිකානු තානාපතිනිය මෑතකදී සිදු කල ප‍්‍රකාශයක් සම්බන්ධයෙන් කොළඹ වරාය නගරය ප‍්‍රතිචාර දක්වයි.

තනාපතිනිය එල්ල කල චෝදනාවට ප‍්‍රතිචාර දක්වමින් වරාය නගර සමාගම විසින් නිකුත් කර ඇති නිවේදනය මෙසේය.

—–

කොළඹ වරාය නගර ඉදිකිරීම් සමාගම පිළිබඳ ඇමෙරිකානු තානාපතිනියගේ ප්රකාශය නොමඟ යවන සුලුයි!

ශ්‍රී ලංකාවේ ඇමරිකා එක්සත් ජනපද තානාපතිනිය වන ඇලයිනා බී. ටෙප්ලිට්ස් මහත්මිය විසින්, 2021 ජූලි 29 වන දින මාධ්‍යවේදීන් පිරිසක් හමුවේ කරන ලද ප්‍රකාශයක් සම්බන්ධයෙන් කොළඹ වරාය නගර ආයෝජන සමාගම වන සී.එච්.ඊ.සී පෝට්සිටි කලම්බු (පුද්.) සමාගම (CHEC Port City Colombo (Pvt) Ltd ) විසින් සිදුකරනු ලබන කරුණු පැහැදිලි කිරීමයි.

තානාපතිනී ටෙප්ලිට්ස් මහත්මිය එහිදී මාධ්‍යවේදීන් හමුවේ පහත ප්‍රකාශය සිදු කර තිබුණි. (උපුටා ගැනීම) “වරාය නගර සංවර්ධනයේ නිරත වී සිටින සමාගමක් ඇමරිකා එක්සත් ජනපදයේ සම්බාධක ලැයිස්තුවට ඇතුළත් වී ඇති බැවින්, එම සමාගම සමග ගනුදෙනු කිරීම යෝග්‍ය නොවීමට ඉඩ තිබේ.” (උපුටා ගැනීම අවසන්).

CHEC Port City Colombo සමාගම හෝ එහි මවු සමාගම් වන China Harbour Engineering Company සහ China Communications Construction Company යන සමාගම් 2020 අගෝස්තු මාසයේදී ප්‍රකාශයට පත්කරන ලද ඇමරිකා එක්සත් ජනපදයේ සම්බාධක සමාගම් ලැයිස්තුවට ඇතුළත් වී නොමැත. අප විසින් මීට ඉහත 2020 වසරේ අගෝස්තු මාසයේදී පැහැදිලිව දක්වන ලද ආකාරයටම, ඇමරිකා එක්සත් ජනපදයේ සම්බාධක ලැයිස්තුවට ඇතුළත් China Communications Construction Company හි අනුබද්ධ සමාගම් සහ CHEC Port City Colombo  අතර කිසිදු සෘජු ව්‍යාපාරික සම්බන්ධයක් නැත. ඇමරිකා එක්සත් ජනපදයේ මෙම අසාධු ලේඛනයට ඇතුළත් කර ඇත්තේ, දකුණු චීන මුහුදේ ගොඩකිරීම් කටයුතු වල නිරත වූ අනුබද්ධ සමාගම් කිහිපයකි. කොළඹ වරාය නගරයට අදාළ මුහුද ගොඩකිරීම් කටයුතු සිදුකරන ලද්දේ ඍජුවම සී.එච්.ඊ.සී පෝට්සිටි කලම්බු (පුද්.) සමාගම (CHEC Port City Colombo (Pvt) Ltd) ඔස්සේ CCCC හි වෙනත් අනුබද්ධ සමාගමක් මගිනි. තවද, කොළඹ වරාය නගර ව්‍යපෘති සමාගමේ මවු සමාගම වන CCCC සමාගමට එරෙහිව කිසිදු අවස්ථාවක ඇමරිකා එක්සත් ජනපදය මගින් සම්බාධක පනවා නොතිබූ බවද සඳහන් කළ යුතු ය. CCCC යනු ගෝලීය ධනවත් සමාගම් ලැයිස්තුව වන Fortune 500 සමාගමක් වන අතර, එය මේ වනවිට එම ලයිස්තුවේ 78 වන ස්ථානයෙහි පසුවේ.

කොළඹ වරාය නගරයේ ගොඩකිරීම් කටයුතු අවසන් වූයේ 2019 වසරේ ජනවාරි මාසයේදී ය. එහි අති-නවීන අභ්‍යන්තර යටිතල ව්‍යුහයන් ඉදිකිරීමේ කටයුතු මේ වනවිට සිදුවෙමින් පවතින අතර, ඉඩම් කොටස් 20 ක ගොඩනැගිලි ඉදිකිරීම් කටයුතු නුදුරේදීම ආරම්භ වනු ඇත.

ශ්‍රී ලංකාවේ ඇමරිකා එක්සත් ජනපද තානාපතිනියගේ ප්‍රකාශය නොමඟ යවනසුලු එකක් බව පෙන්වා දෙන අතරම, කොළඹ වරාය නගරය පිළිබඳ සත්‍ය තත්ත්වය පැහැදිලි කිරීම මෙම නිවේදනයෙහි අරමුණ වේ.

ආයෝජනයට හිතකර ප්‍රතිපත්ති සහ කාර්යක්ෂම පරිපාලන ක්‍රමවේදයන් පැවතීම මෙන්ම, නිශ්චිත මූලධර්මයන් අනුව මැනැවින් සැලසුම් කර තිබීම යනාදී සාධක හේතුවෙන් කොළඹ වරාය නගරය, කිසිදු ජාති භේදයකින් තොරව ලොව සියලුම ආයෝජකයන් හමුවේ ඇති ආකර්ෂණීය ආයෝජන අවස්ථාවක් බවට පත්වී තිබේ.

87,840 views

10 Comments to “ඇමරිකාවට කොළඹ වරාය නගර සමාගමෙන් දැඩි ප‍්‍රතිචාර…”

  1. Gota says:

    Reality is no western country will invest in port city. Only chinese will be there and it will be another white elephant. And chinese do not want other in as well. Long term it will be chinese land.

    • kkuruwita says:

      ටොයිජෙප්පන්ගේ මෝඩ කතා ! MCC කපටි ගිවිසුමට විරුද්ධව කතා නොකල අය දැන් ඇහැරිලා. අමෙරිකාව පස්සේ ගිය රටවල් වලට අද වෙලා තියෙන වින්නැහියන් ලෝකයම දන්නවා. ඒවා නොදන්නවා වාගෙ කතා කරන්න එපා. ජනතාව නොමග යවන්න එපා.

    • sajith says:

      Wow. What a explanation. Then you might be able to explain why western countries did not invest so far. There were he’ll lot of opportunities. Westerns don’t want to see an Asian country is being developed. Mainly if it is not a Christian majority.

      • Gota says:

        To think China is investing in SL is for our own good is stupid. No country will invest without a return. But i tell you this. China is the most cunning of all of them. Already we are becoming a colony of chinese.

      • Appuhamy says:

        The simple answer to you is there are other investment destinations with better governance. And perhaps forward looking and bigger markets. I.e why would a foreign investor come to Sri Lanka by passing India ?

    • චන්ද දායක says:

      හරියටම හරි අවසානයේ මෙය චීන රාජපක්ෂ සමාගමේ බූදලයක්ම වනු ඇත.

  2. sajith dasa prema says:

    well said

  3. MD says:

    ඇත්තටම ඇමරිකාව කවදත් අඟේ ඉඳගෙන කන විදියට තමයි ලංකාව සම්බන්ධව කටයුතු කලේ සහ කරන්නේ.ඉතාමත් පරිස්සමින් තියාගතයුතු අප මව්බිමට නොහිතවත් රටක් බව කනගාටුවෙන් වුවත් කිවයුතුයි.රනිල් මංගල වගේ අයට ඔවුන් කැමති වෙන්නෙත් ඔවුන් මව්බිමට ආදරය නොකරන දේශදෝහි දේශපාලුවන් නිසාවෙනි.

  4. supayya says:

    දකුණු චීන මුහුදෙ? මං හිතුවා දකුණු ඇමෙරිකානු මුහුද ගොඩකිරීම නිසා චීන සමාගමට සම්බාධක දැම්මා කියලා. දැන් ලංකාවෙ මුහුද ගොඩකරත් ඇලෙයිනා අපට සම්බාධක දාවි එහෙනං..

  5. Don says:

    What Americans gave to you ? Sri Lankans are begging for foriegn money. Wake up and work hard. Western countries have no money. Only the suit they have now.

Main News