ඩෙල්ටා ප‍්‍රභේදයට කලින් එකට වඩා ප්‍රබල පැණියක්…- ධම්මික බණ්ඩාර

August 31, 2021 at 10:02 pm | lanka C news
ඩෙල්ටා ප‍්‍රභේදයට කලින් එකට වඩා ප්‍රබල පැණියක්…- ධම්මික බණ්ඩාර

ඔබ ඔය හදල තියෙන්නේ බොරු බෙහෙතක්ය, ඕකෙන් කවුරුවත් සනීප වෙලා නැහැ කියලා බෙහෙත රට පුරා මිනිසුන් අතරට ගියාට පස්සෙ නැගෙන චෝදනා සත්‍යයක්ද?
මම ඒ කිසිම චෝදනාවක් පිළිගන්නෙ නැහැ. මගෙන් පැණිය අරන් මම කියපු විදියට දින තුනක් නිර්මාංශව නියම මාත්‍රා ගණනම පාවිච්චි කළ කිසිවකුට කොරෝනා හැදුණෙ නැහැ. කවුරුවත් මියගියේ නැහැ. සමහරු මේ පැණිය අරන් මස් මාංශ කාලා අරක්කු බීපු අයට නම් කොරෝනා හැදෙන්න ඇති.

එහෙනම් ඒ චෝදනා ගැන මෙතරම් විශාල ප්‍රචාරයක් ගියේ කොහොමද?
මගෙන් පැණිය ගන්න ඇවිත් අනියම් ලෙස ලබාගන්න බැරිව ආපසු ගිය දෙතුන් දෙනෙක් ප්‍රාදේශීය දේශපාලනඥයකු සමග එකතු වෙලා තමයි පළමුවෙන්ම මට පහර ගහන්න පටන් ගත්තෙ.

මේ පැනිය ගැන පර්යේෂණ කරන්න සෞඛ්‍ය ඇමැතිවරිය දේශීය වෛද්‍ය විශේෂඥයන්ගෙ කොමිටියක් පත් කළා නේද. ඒකට මොකද වුණේ?
සෞඛ්‍ය ඇමැතිවරිය පත්කළ කොමිටියේ මමත් හිටියා. මට උදව් රන බටහිර වෛද්‍යවරුන් දෙදෙනකුත් හිටියා. නමුත් ඒ අය පැණිය ගැන පර්යේෂණ කළේ අනුරාධපුරය පැත්තෙ රෝහලක. ඒ කොමිටිය අපිව කැඳෙව්වෙ නැහැ. ඒ නිසා ඒකෙ වාර්තාව ඉල්ලපුවාම ඒක අමාත්‍යාංශයට භාරදුන්නා කිව්වා.

ඔබට මුදල් උදව් කළ දේශීය වෛද්‍ය ඇමැතිගෙ ඉඳන් ආයුර්වේදයේ ලොක්කන් පසුව ඇයි ඊට විරුද්ධ වුණේ?
සායනික පරීක්ෂණ හරියට කළේ නැහැ. ආයුර්වේද වෛද්‍ය සභාව මගෙ බෙහෙත් වට්ටෝරුව ගන්න උත්සාහ කළා. මම දුන්නෙ නැහැ. ඒ නිසා මම බොරු බෙහෙත් හදන කෙනෙක් ගානට වැටුණා. මම මගේ භද්‍රකාලි මෑණියන් පාවා දෙන්න සූදානම් නැහැ.

ඔබ හැදුව ධම්මික පැණිය බොරුවක් බවට පත්වුණේ ඇයි?
මම මේක රජයට, රටට හඳුන්වා දුන් වෙලාවෙ කවුරුත් නොදන්න දෙයක් වුණා. ආයුර්වේදයේ ලොක්කන් දෙදෙනෙක් මාව කොළඹ තරු පහේ හෝටලයකට කැඳවාගෙන ගිහින් තේ පැන් සංග්‍රහයක් කළා. හැබැයි එතැනදිත් මා එළවළු මිශ්‍රණයක් විතරයි අනුභව කළේ. ඉන් පස්සේ ඒ අය මාව ගාලු මුවදොර හෝටලය ළඟ තියෙන තල් ගස් සෙවනට කැඳවාගෙන ගියා. ඒ නිසා මා සමග දිගු වේලාවක් කතා කරමින් සිට ඒ අය මගෙන් මේ පැණියෙ ව්‍යාපාර අයිතිය ඉල්ලුවා. මම බැහැ කිව්වා. ඔන්න ඕක තමයි සටනේ ආරම්භය. මම මේවා ඕනෙම වෙලාවක හෙළිකරන්නත් සූදානම්. ළඟදි මම ඒකට වීඩියෝ එකක් මාර්ගයෙන් රටට හෙළි කරනවා.

ඔබ ඔය පැණිය හදපු ආරම්භය ගැන යමක් කියන්න පුළුවන්ද?
මම මේ පැණිය මුල් අවස්ථාවේදිම මේ රටේ මිනිසුන් ලක්ෂ 40කට විතර නොමිලේ තමයි දුන්නෙ. පසුව මම මේ පැණිය හදන්න අවශ්‍ය මීපැණි, සාදික්කා හිඟයක් ඇතිවුණු වෙලාවෙ ඒවා මම චීනයෙන් රුපියල් ලක්ෂ 59ක් වියදම් කරලා ගෙන්වා ගත්තා. පසුව මම එක්තරා ප්‍රබල දේශපාලනඥයකුට කිව්වා දැන් පැණිය නොමිලේ දුන්නා අති, අවශ්‍ය බෙහෙත් ගෙන්වා ගන්න සහන මිලකට දෙන්න කියලා. ඒ හින්ද තමයි මම කාලෙ බෝතලේ රු. 2,500/-ට විකිණුවේ. ඒ මුදලින් පවා ඇතැම් රෝගීන්ට නොමිලේ ධම්මික පැණිය ලබාදුන්නා. කොවිඩ් 19 මුල් අවස්ථාවේදී මර බියෙන් උන්න මිනිසුන්ගෙ ජීවිත බේරාගන්න හැකි වුණා.

ඔබේ පැණිය ගැන පරීක්ෂණ කරන්න ආව අය ධම්මික පැණිය බිව්වෙ නැද්ද?
බිව්ව විතරක් නෙවෙයි, ඒ අයගෙ ඥාතීන්ට බෙදන්න පැණි බෝතල් 100-200 අරන් ගියා. එක් විද්‍යුත් මාධ්‍යයක මාධ්‍යවේදියෙක් මගෙන් පැණිය බීලා පී.සී.ආර්. කරපු වෙලාව නෙගටිව් වුණා. නමුත් ප්‍රචාරය කළේ කොරෝනා හැදුණා කියලයි.

ඔබගේ පැණියට විරුද්ධව අප්‍රසිද්ධව නැගී සිටි අයත් සිටියද?
ඒ ප්‍රශ්නයට කලින් කිව යුත්තක් තියෙනවා. මගෙ පැණිය නොමිලේ ගන්න, මිලදී ගන්න ආව දස දහස් ගණනක් පොලිසිය යොදවලා පාලනය කරන්න සිදුවුණා. ඒත් අරන් ගිය අය තමන්ට කොරෝනා සුවවුණා කියලා කියන්න තරම් ඉදිරියට ආවෙ නැත්තෙ ඇයිද යන්න ප්‍රශ්නයක්. අපේ මිනිස්සු හුඟ දෙනෙක් සත්‍යය කතා කරන්නෙ නැහැ. ධම්මික පැණිය බොරුවක්, වස විසක් තියෙනවා කියලා බොරු ආරංචි ඇතම් දේශපාලනඥයන් බටහිර වෛද්‍යවරු විසින් ප්‍රචාරයක් ගෙනගියා. නමුත් මගේ පැණිය පිටුපස බටහිර වෛද්‍යවරු කිහිප දෙනකුම උදව්වට හිටියා. අදටත් ඇතැම් වෛද්‍යවරු මගෙන් පැණිය ලබාගන්න රහසේ විමසීම් කරනවා.

එවැනි අයට ඔබ ලබාදෙන ප්‍රතිචාරය මොකක්ද?
අද තියෙන ඩෙල්ටා වෛරසයට නම් කලින් එකට වඩා ප්‍රබල පැණියක් හදන්න ඕනෑ, නමුත් දැන් මම ඒවා කරන්නෙ නැහැ. සමහරු හිතුවා මම පැණිය හරහා දේශපාලනයට එන්න එනවා කියලා. තුන් හිතකවත් මම ඒ වගේ පිස්සුවක් නැහැ. මට දැන් පැණිය නිසා දොස්තරලා බණිනවා. දේශපාලනඥයො බණිනවා. හැම තැනකින්ම බැණුම්. ඒ නිසා මම තීරණය කළා මා සතුව තිබුණු ධම්මික පැණි බෝතල් 8,000ක් විතර ගෙවත්තෙම වළදාන්න. මම ඉඩකඩම් දේපොල තියෙන, කාලි මෑණියන් අදහගෙන ඉන්න අයෙක්.

ඔබ කාලි මෑණියන් අදහනවා නම් මේ ප්‍රශ්නයෙදි ඇය ඔබට පිහිට වුණේ නැහැ කියලා හිතනවද?
නැහැ, එහෙම හිතන්නෙ නැහැ. ඒත් මම එකක් කියන්න ඕනෙ. කාලි මැණීයන් කියන්නෙ එකවර දඬුවම් දෙන මෑණි කෙනෙක් නෙවෙයි. ඉදිරියේදී ඇයගෙ දඬුවමට යටත් වන අය ගැන බලාග්නන පුළුවන්.

ධම්මික පැණිය නිපදවන්න කර්මාන්ත අමාත්‍යාංශයෙන් පවා මැෂිමක් ලැබුණ නේද? ඒ අමාත්‍යාංශයේ අයත් ඔබගේ නිෂ්පාදන බලන්න ආව නේද?
මගේ මේ වැඩේට කර්මාන්ත අමාත්‍යාංශයේ සහාය ලැබුණා. මැෂිමකුත් ලැබුණා. නමුත් දැන් ඒ යන්ත්‍රයත් ආපහු එම අමාත්‍යාංශයට භාරදෙන්නයි තීරණය කරලා තියෙන්නෙ.

මේ රටේ ආයුර්වේදය ගැන ඔබට විශ්වාසයක් නැද්ද?
ආයුර්වේදයත් ඉන්දියාවෙන් ආව වෛද්‍ය ක්‍රමයක්. කොරෝනාවලට බෙහෙත් හදන්න පුළුවන් ඍෂිවරුන්ටයි, පාරම්පරික වෙද මහතුන්ටයි පමණයි.

ඔබගේ ධම්මික පැණි බෝතල් රජයේ ආයතන ගණනාවකට දහස් ගණනින් ලබාදුන් බවට ආරංචි පැතිර ගොස් තිබුණා?
ඔව් ඔව්. රජයේ ආයතන ගණනාවකටම මම නොමිලේ පැණි බෝතල් ලබාදුන්නා. වරාය සේවකයන් පිරිසකට ලබාදුන් ඒවාට නම් මුදල් ලබාගත්තා.

ඔබ කීවා අධික වියදමක් දරා චීනයෙන් මෑපැණි ගෙන්වා ගත්තා කියලා. දැන් ඒ ඉතිරි වෙන ඒවට මොකද කරන්නෙ?
පාරම්පරික වෛද්‍යවරයකුට බෙහෙත් හදන්න ලබාදෙන්න අදහස් කරනවා.

ධම්මික පැණිය නිසා ඔභට සිදුවුණු ඔබට සිදුවුණු අසාධාරණය ගැන ඔබ නිහඬව ඉන්නේ ඇයි?
මට සිදුවුණු හැම අසාධාරණයටම සාක්ෂියක් තියෙනවා. මම ඇත්ත රටටම ළඟදි හෙළි කරනවා.

මේ ප්‍රශ්නයනිසා ඇත්තටම ඔභ ඉන්නේ කලකිරීමෙන්ද?
සත්තකින්ම ඔව්. මම ඉන්නෙ වේදනාවෙන්, කලකිරීමකින්. හිතුණොත් රට අතහැරලා යනවා.

ඔබ කොරෝනා එන්නත විදගත්තාද?
නැහැ, මම විදගත්තෙ නැහැ.

ඔබට ආයුර්වේදයෙන් කිසියම් බලපත්‍රයක් ලබාදී තිබෙනවද?
ඔව්. ආයුර්වේද බෙහෙත් නිෂ්පාදනයට 2020 දෙසැම්බර් සිට 2021 දෙසැම්බර් 21 දක්වා බලපත්‍රයක් ලබාදී තබෙනවා. මට කොරෝනාවලට බෙහෙත් හදන්න බලපත්‍රයක් ලබාදී නැහැ.

ප්‍රේමලාල් විජේරත්න
– mawratanews

122,575 views

67 Comments to “ඩෙල්ටා ප‍්‍රභේදයට කලින් එකට වඩා ප්‍රබල පැණියක්…- ධම්මික බණ්ඩාර”

  1. Felix says:

    Weda Beri Wena Kota, Moowa Aaaye Form Karanawa….. Pissu Maduwak Meeka

  2. සමනා says:

    කලබල වෙන්න ඒපා අනාගතයේ මේවා අවශ්‍ය වෙයි

  3. කුඹුක්කණ් says:

    වැක්සීන් එක කෝටි ගණං සල්ලි නාස්ති කරමින් , දවසින් දවස ආසාධිතයන් මරණ ගණන වැඩි කරමින් fail වෙමින් ආර්තිකය කාබාසිනියා කරමින් රට ට කෙලවමින් සිටින වෙලාවක.

    බටහිර ට දීන වූ උගතුනි එන්න අපි මේ පැණි මුට්ටියට බැනලා දාමු.

    • Podda says:

      වෙලාවට vaccine එක ගැහුවනන්, මෙච්චර ජනතාවක් මැරෙන්නේ නැහැ. රටත් මීට කලින් ඇරලා. ආර්ථිකේ ගොඩ ගන්ඩත් අවස්ථාව හම්බෙලා. පැණි මුට්ටියෙන් හම්බෙච්ච දේකුත් නැහැ, vaccine එක ගෙන්නන එකත් පරක්කු උණා, vaccine කරන්ඩ ඕන ප්‍රතිශතයත් වැඩි උන

      • Nuwan says:

        පෙබරවාරි මාසෙ මම වාහනයක් හොයන්න ගාල්ලෙ ඉදන් මීරිගම කිට්ටුවට ආව.ඒ කාර් එකේ වතුපිටිවල රෝහලේ සේවය කරන එතුමියගෙ බැඡ් එක ගහල තිබුන. එතුමියගෙන් විස්තර ඇහුවම කිවුවෙ දම්මික පැනිය බීපු අය ඉක්මනින්ම හොඳඋනා…අනික් බීපුඅයට හැදුනෙ නෑ, හැබැයි අවසානෙදි මේක හොඳනෑ කියන තැනට ආවෙ මොකද කියල දන්නෙ නෑ කියල .

Main News