ගොවින් පහර දේ යයි බියෙන් කන්න රැස්වීම් නෑ..

October 13, 2021 at 1:20 pm | lanka C news
ගොවින් පහර දේ යයි බියෙන් කන්න රැස්වීම් නෑ..

මහ කන්නය දැනටමත් ආරම්භ වී ඇති නමුත්, ලංකාවේ ගොවිබිම්වලින් භාගයකවත් තවම කන්න රැස්වීම් පවත්වා නැතයි මාතලේ දිස්ත්‍රික් පාර්ලිමෙන්තු මන්ත්‍රීණී රෝහිණී කවිරත්න පවසයි.

මහාපරිමාන වාරි කර්මාන්තවල කන්න රැස්වීම ප්‍රාදේශීය ලේකම්වරුන් ගේ මුලිකත්වයෙන් පැවැත්විය යුතුයි. කුඩා රැස්වීම් පැවැත්වීමේ පිළිගත් ක්‍රමවේදයක්, සාම්ප්‍රදායක් තියෙනවා. මහ කන්නයේ කන්න රැස්වීම්වලින් භාගයක්වත් තවම පවත්තලා නෑ. ආණ්ඩුවේ තීරණ නිසා, රාජ්‍ය නිලධාරීන් ගොවීන් ලඟට යන්න බයයි. නිසා රැස්වීම් තියන්නේ නැතිව මඟහරිනවා යැයි කවිරත්න මහත්මිය පැවසූවේ රත්තොට පැවති ගොවි සංවිධාන රැස්වීමක් අමතමිනි.

බඩ ඉරිඟු වගාවට පොහොර දෙනවා කියලා රාජ්‍ය ඇමතිකෙනෙක් ඊයේ කියලා තිබුණා. ඒ ඇමති දන්නේ නෑ බඩ ඉරිඟු වගාවට පොහොරවලට කලින් වල් නාශක ඕනි කියලා.

කෘෂිකර්මයට සම්බන්ධ ඇමතිවරු 9 දෙනෙක් ඉන්නවා. ඒ කාටවත් ගොවියෝ අතරට ගිහින් රැස්වීමක් තියන්න බෑ. දැන් මේ අය වගා කරන්නේ මහ පොළොවේ නෙවෙයි, අන්තර් ජාලයේ. දේශපාලනයෝ විතරක් නෙවෙයි, රාජ්‍ය නිලධාරීන්ටවත් ගොවියෝ ලඟට යන්න බෑ. හැම කන්න රැස්වීමක්ම අවසන් වුණේ ආරවුලකින්. ආණ්ඩුවේ වැරදිවලට වන්දි ගෙවන්න වෙලා තියෙන්නේ, අසරණවෙලා තියෙන්නේ රාජ්‍ය නිලධාරීන්.

දැනට වගා කරලා තියෙන බිම්වලට අවශ්‍ය කෘෂි රසායන ටික දෙන්නේ නැතිව ගමක ගොවි රැස්වීමක් තියන්න බෑ. යන යන තැන ගොවියෝ උද්ඝෝෂණ කරන නිසා රාජ්‍ය නිලධාරීන් රැස්වීම්වලට යන්නේ නෑ. කෘෂිකර්ම අමාත්‍යාංශයේ නිලධාරීන් නිසි මඟ පෙන්වීමක් නැතිව අන්ත අසරණ වෙලා. අහන කිසිම ප්‍රශ්ණයකට උත්තරයක් නෑ. මාතලේ ගොවියෝ රැසක් වී ගොවිතැනින් ඉවත්වෙලා, බතල හදනවා. ඒ බෙහෙත් පොහොර ඕනි නැති නිසා.

අද ඉදලා කාබනික පොහොර බෙදනවා කියලා අණ බෙර ගහනවා. ලංකාවේ සමස්ථ පොහොර අවශ්‍යතාවයෙන් කාබනික පොහොර නිෂ්පාදනය කරලා තියෙන්නේ 2% යි. ගොවියා රවට්ටන්න ගිහින් දැන් රටම රැවටිලා තියෙන්නේ.

– media unit

19,088 views

5 Comments to “ගොවින් පහර දේ යයි බියෙන් කන්න රැස්වීම් නෑ..”

  1. National Convention says:

    තවදුරටත් තට්ටුමාරුව අර්බුදයට පිලිතුර නොවේ.
    වසර 73ක පරිහානියට හේතු වූ ‘විෂම චක්‍රය’ බිද දැමිය යුතුව ඇත.මේ කිසිදු පක්‍ෂයක් කෙරෙහි තවදුරටත් ජනතාවගේ ප්‍රසාදයක් හෝ විශ්වාසයක් නැත.මේ පක්‍ෂවල ඉතිහාසය ලංකාවේ විපත් පිළිබඳ ඉතිහාසයයි.73න් වසරක පරිහානියෙන් විනාශයෙන් රට මුදවාගත හැක්කේ පවතින යල්පිනූ පක්‍ෂ වලින් තොර ඊට පරිබාහිර නව දේශපාලන ව්‍යාපාරයකට පමණි. සජබ, ජවිපෙ බොර දියේ මාළු බෑමට දරන අවස්ථාවාදී හා නින්දාසහගත උත්සාහය හෙලා දකිමු.
    මේ මොහොතේ 225 සහ පක්ෂ දේශපාලනයෙන් පරිභාහිරව නව පුඵල් ජනතා අරගලයක් බිහි වෙමින් පවතී. පාට හා ලාංඡන වලට පයින් ගසා පක්ෂ වහල්බවින් මිදී එයට සියලු ප්‍රගතිශීලී ජනතාව එකතු විය යුතුය.

    • වීදිය බංඩාර says:

      නැවතත් රාජපක්ෂලට බලය ලබාදීමේ ක්‍රියාවලියේ මුල් පියවරෙහි ආරම්භක කොමෙන්ටු සමාජ මාධ්‍යය වල සැරිසරන්නට පටන්ගෙන තිබේ.

      • විද්‍යාත්මකවremu says:

        හා හා වචන සෙට් එකේ නම් වෙනසක් නැහැ

  2. පැන්ඩෝරා පේපර්ස් says:

    ඇයි දැං ගමසමග පිළිසදරවල් නැද්ද ? කන්න වෙන්නේ ඉස්ම බේරෙන්න , මාධ්‍ය ඉස්සරහට ඇවිල්ලා පම්පෝරී ගහන තොල්කබරයව ඇරහල්ලා ඔය කන්න රැස්වීම් වලට. රෙදි ගලොලා ඔලුවේ ඔතලා එවයි ගොයියො ටික. හොදට තිබ්බ රටක් ඇපි වැටිච්චි තැනක් (වලක්).

  3. Banda says:

    Signs of distress and likely unrest in the farming areas. The Government has to address these issues head on without pretending or ignoring them.

Leave a Comment

Main News