ඩොලර් නෑ.. ඖෂධ රැසක් වරායේ හිරවේ.. තව ගේන්නත් ඩොලර් හිගයි..

December 11, 2021 at 1:20 pm | lanka C news
ඩොලර් නෑ.. ඖෂධ රැසක් වරායේ හිරවේ.. තව ගේන්නත් ඩොලර් හිගයි..

මෙරටට අවශ්‍ය ඖෂධ ආනයනය කිරීමට නොහැකි තත්ත්වයක් උදා වෙමින් ඇති බවට අනතුරු ඇඟවෙමින් තිබේ.

ඖෂධ ආනයනය සඳහා අවශ්‍ය ඇමරිකානු ඩොලර් මුදාහරින්නට රාජ්‍ය මූල්‍ය ආයතන අපොහොසත් වීම නිසා මෙම තත්වය උදා වෙමින් ඇත.

රජයේ රෝහල්වල අත්‍යවශ්‍ය ඖෂධ වර්ග වල හිඟතාවයක් ලබන වසර ආරම්භ වන විට ඇතිවිය හැකිව තිබේ.

රාජ්‍ය ඖෂධ නීතිගත සංස්ථාව ඖෂධ ආනයනය කිරීමට අදාළ කටයුතු අවසන් කර මිල ගණන් ඉදිරිපත් කළ ආයතන පවරා ඇතත් ණයවර ලිපි විවෘත කිරීම සඳහා බැංකු මගින් ඩොලර් නිකුත් නොකිරිම හේතුවෙන් මෙම තත්ත්වය වඩාත් බරපතළ වී ඇත.

අභ්‍යන්තර තොරතුරු අනුව දැනට පවතින ඩොලර් අර්බුදය හේතුවෙන් ඖෂධ වර්ග 75 කට අදාළව ණයවර ලිපි නිකුත් කර ගත නොහැකිව ඖෂධ නීතිගත සංස්ථාව බරපතළ ගැටලුවකට මුහුණපා සිටී.

මේ වන විටත් ඖෂධ සහ ශල්‍ය උපකරණ ආදිය කොළඹ වරාය තුළ විශාල ප්‍රමාණයක් සිර වී ඇත්තේ ඒවා නිදහස් කරගැනීමට අවශ්‍ය ඩොලර් ලබාදීමට ඇති නොහැකියාව හේතුවෙනි.

විෂය භාර රාජ්‍ය අමාත්‍ය ඡන්න ජයසුමන මහතා සඳහන් කරන්නේ ඖෂධ ගෙන්වීමට ඩොලර් ප්‍රශ්නය තදින් බලපා ඇති බව සත්‍යයක් බවයි.

නමුත් ඖෂධ ගෙන්වා ගැනීමට බැංකු වලින් ඩොලර් මුදා හැරීමට දැනටමත් මුදල් අමාත්‍යාංශය උපදෙස් ලබාදී තිබෙන බවද පැවසූ ඔහු ඖෂධ හිඟයක් ඇති නොවීමට අවශ්‍ය පියවර යොදා තිබෙන බවද සඳහන් කළේය.

17,389 views

2 Comments to “ඩොලර් නෑ.. ඖෂධ රැසක් වරායේ හිරවේ.. තව ගේන්නත් ඩොලර් හිගයි..”

  1. ruwan says:

    me kalakanniya apu dawase idan ratata kadath ne….enna ennama rata higamanata watenawa..karanna barinam puluwan ekekuta dila palako nakiyo boge ratata..marilawath yanawanam ratata liku sethak me musalaya…oya musalayage hene thamayi mulu ratatama gahala thiyenne…lak wAsiuani hamoma eka sithin prarthana karamu me pissu mahalla marila yanna kiyala ikmaninma….

  2. Pora says:

    Can’t the president order the Army to take over the manufacturing of medicines too.

Main News