පාම්තෙල් ආයනික බදු අඩුකරගෙන පොල්තෙල් වලට කවලම් කර විකිණිමේ සූදානමක්….

January 23, 2022 at 8:40 am | lanka C news
පාම්තෙල් ආයනික බදු අඩුකරගෙන පොල්තෙල් වලට කවලම් කර විකිණිමේ සූදානමක්….

පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කර ඇති මාධ්‍ය නිවේදනයක් මෙහි දැක්වෙයි.

පාම්තෙල් සදහා ආයනික බදු අඩුකරගෙන පොල්තෙල් වලට පාම්තෙල් කවලම් කර විකිණිමේ සූදානමක්.

රජය විසින් පාම්තෙල් සදහා වන ආනයනික බදු අඩු කල සෑම අවස්ථාවකදීම මෙරට කූට ව්‍යාපාරිකයින් විසින් සිදු කරන ලද්දේ පොල්තෙල් සදහා පාම්තෙල් කවලම් කර අලෙවි කරන ජාවාරමකි. එම ජාවාරම නැවැත්වීම සදහා රජය විසින් විසින් විවිධ ක්‍රියාමාර්ග ගන්නා ලදී. එහිදී ගත් එක් ක්‍රියාමාර්ගයක් වූයේ පාම්තෙල් සදහා ආනයනික බදු බැඩි කිරීම වන අතර ඒ අනුව තම නිෂ්පාදන සදහා පාම් තෙල් අවශ්‍ය නිෂ්චිත කර්මාන්ත පමණක් මෙරටට පාම් තෙල් ආනයනය කරන ලදී.

ආනයනික පාම්තෙල් සදහා ආනයන බදු අඩු කර ගැනීම සදහා කූට ව්‍යාපාරිකයින් පිරිසක් මේවන විට උත්සහ කරමින් සිටින බවට තොරතුරු අපවෙත ලැබී ඇත. එම පිරිස උත්සහ කරමින් සිටින්නේ පොල් තෙල් මිල ඉහළ යන මේ අවස්ථාවේ පොල් තෙල් සදහා පාම්තෙල් කවලම් කර අලෙවි කිරීමේ ජාවාරම නැවැත ක්‍රියාත්මක කර අධික ලාභ ලබා ගැනීමට වන අතර එම ජාවාරම නැවත ක්‍රියාත්මක වුවහොත් මෙරට පාරිභෝගිකයින්ගේ ජීවිත අනතුරට පත්වන බැවින් පාම්තෙල් සදහා ආනයනික බදු අඩු නොකරන ලෙස අප රජයෙන් ඉල්ලා සිටිමු.

පොල්තෙල් සදහා පාම් තෙල් කවලම් කර අලෙවි කිරීම මෙරට විශාල ජාවාරමක් වූ අතර එම ජාවාරම නතර කිරීම සදහා රජයට දැඩි උත්සහයක් ගැනීමට සිදුවිය. එසේ තිබියදී නැවතත් එම ජාවාරම ක්‍රියාත්මකවීමෙන් මෙරට පාරිභෝගිකයින් පමණක් නොව රජයද අපහසුතාවයට පත්වීම වැලැක්විය නොහැක. එම නිසා රජය ව්‍යාපාරිකයින් කිහිපදෙනෙකු පිළිබදව සිතා නොව මෙරට සමස්ත පාරිභෝගිකයින් පිළිබදව සිතා තීරණගත යුතු බව අප අවධාරණය කරමු.

රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

8,591 views

3 Comments to “පාම්තෙල් ආයනික බදු අඩුකරගෙන පොල්තෙල් වලට කවලම් කර විකිණිමේ සූදානමක්….”

  1. Amda says:

    පාම් oil තහනම ඉවත් කරන්න කියලා කොලඹ විශ්වවිද්‍යාලයේ ආර්ථිකවිද්‍යා ආචාර්යතුමෙක් කියලා තියෙනවා දැක්කා..එහි සෞඛ්‍යමය ගැටලු ගැන නොදැනද එහෙම කියන්නේ නැත්නම් දැනුවත්වද කියන එක ප්‍රශ්නයක්. හැම එකම ආර්ථිකයෙන් මනින්න ගියොත් මොකද වෙන්නේ..ඊට වඩා ලොකු ආර්ථික ගැටලු මතුවෙයි සෞඛ්‍ය ගැටලු මතුවෙනකොට. ඒ තරමට වත් හිතන්න බැරිද කියන එකයි අවුල.

    • Love nature says:

      පිළිකා වලට ප්‍රතිකාර කිරීමට රෝහල් පද්ධතියක් හදලා පාම්තෙල් ගෙන්වන්න

  2. Gamarala says:

    මුන්ගේ පරම්පරා 7 කට හෙන ගහන්න ඕනේ.

Main News