ලක්ෂ 90ක පඩියට ගත් ශ්‍රී ලංකන් සුදු ප්‍රධානියා වැඩ අල්ලයි, මිලියන 600ක වංචාවක් යට ගහයි..

February 22, 2022 at 12:02 am | lanka C news
ලක්ෂ 90ක පඩියට ගත් ශ්‍රී ලංකන් සුදු ප්‍රධානියා වැඩ අල්ලයි, මිලියන 600ක වංචාවක් යට ගහයි..

ශ්‍රී ලංකන් ගුවන්සේවයේ අලෙවි අංශ ප්‍රධානීයා, ශ්‍රී ලංකාව හා මාලදිවයිනේ ජ්‍යෙෂ්ඨ කලාප කළමණාකරු හා සෞදිඅරාබියේ ගුවන්සේවා කළමණාකරු යන නිලධාරීන් තිදෙනා විසින් ගුවන්සේවයේ නිරෝධායන පැකේජ මෙහෙයවීම මගින් රුපියල් මිලියන 600කට වඩා වැඩිමුදලක් වංචා කර ඇති බව ගුවන්සේවයේ අභ්‍යන්තර විගණන අංශ වාර්තා මගින් තහවුරු කර තිබෙනවා.

ගුවන්සේවයේ රහස්‍ය විගණන වාර්තා වලින් හෙළිකොට ඇති තොරතුරු වලට අනුව මෙම නිලධාරීන් විසින් සෞදි අරාබිය කරා රැකියා සඳහා යන මගීන් විසින් අනිවාර්යෙන් ලබාගත යුතු සෞදි නිරෝධායන පැකේජයි පහත පරිදි වංචා කර ඇත්තේ.

1.2021 මැයි මස සෞදි රජය විසින් පැනවූ නීතියට අනුව සෞදි අරාබිය වෙත යන සියලු මගීන් සඳහා නිරෝධායන පැකේජ ලබාදීමේ වගකීම ශ්‍රීලංකන් ගුවන්සේවය සතුවිය. අදාළ පැකේජ ගුවන්සේවය විසින් සකස්කර මගීන්ට මිලදී ගැනීම සඳහා ඉදිරිපත් කර යුතුව තිබුණි.

2. ගුවන්සේවය මගින් මෙම පැකේජ සකස්කර මගීන්ට ඉදිරිපත්කිරීම මැයි මස වන විට සිදුකළ අතර ශ්‍රී ලාංකික, ඉන්දීය හා බංගලාදේශ ඇතුලු සෞදියේ සේවය කරන විශාල මගීන් පිරිසක් මේවා මිලදීගෙන ශ්‍රීලංකන් ගුවන්සේවය සමගින් සෞදියට පැමිණ නිරෝධායනයව තිබුණි. මින් ශ්‍රී ලංකන් ගුවන්සේවය සැලකිය යුතු ආදායමක් මෙන්ම ගුවන් මගීන්ටද ප්‍රමිතියකින් යුත් නිරෝධායන පහසුකමත් තහවුරු කර තිබුණි.

නමුත් සාර්ථකව ක්‍රියාත්මක වෙමින් තිබුණු ක්‍රියාවලිය හදිසියේම 2021 ජුනි සිට සෞදි නිරෝධායන රෙගුලාසි වලටද පටහැනිව හදිසියේම ශ්‍රී ලංකාවේ හෝටල් ක්ෂේත්‍ර යේ නමගිය ආයතනය වෙත ලබාදීමට අලෙවි අංශ ප්‍රධානියා විසින් තීරණය කර තිබුණි. මෙම තීරණය ගෙන ඇත්තේ ඉහත ආයතනයට සෞදි ආරබියේ මෙවැනි මෙහෙයුමක් පිළිබඳ අල්ප මාතුයක හෝ දැනුමක් නොතියබියදීය.

ශ්‍රී ලංකාවේ අලෙවි ප්‍රධානියා හා ශ්‍රී ලංකාවේ කලමණාකරු විසින් ප්‍රසම්පාදන නීති කඩකරමින් සෞදි නීති වලටද පටහැනිව ආයතනය පත්කොට ඇති අතර ඔවුන් විසින්ම සෞදි ශ්‍රීලාංකික නිරෝධායන නියෝජිත ආයතනය ජෙට්වින්ග් සමග සම්බන්ධීකරණය කොට ඇත. ඊට අමතරව මෙම පැකේජයන්ගේ මුළු මෙහෙයවීමම ශ්‍රීලංකන් ගුවන්සේවයේ අලෙවි නිලධාරින් ලවා සිදුකර ගැනීමටත්, සියලුම ශ්‍රී ලංකිකයින්ට ශ්‍රීලංකන් ආයතනයේ, පැකේජ වෙනුවට ජෙට්වින්ග් පැකේජ ප්‍රවර්ධනය කිරීමටත් මෙම නිලධාරීන් කටයුතු කර ඇත. දැනට රහස්‍යව පවතින විගණන වාර්තාවේ මෙකී සියලු කරුණු කාරණා පැහැදිලිවම දක්වා ඇත.

මෙමගින් මෙම නිලධාරීන් 2021 ජුනි මාසයේ සිට 2021 දෙසැම්බර් දක්වා පමණක් මිලියන 600ක ආදායමක් ජාතික ගුවන්සේවයට අහිමි කර ඇත.

අදාළ සියලු කටයුතු වලට මූලිකත්වය ලබාදුන් සෞදි අරාබියේ ශ්‍රී ලංකන් ගුවන්සේවා කළමණාකරු මීට සමගාමීව සෞදි සමාගමක් සමග කූට නිරෝධායන සමාගමක් පවා ආරම්භ කර ඇති අතර එමගින් බංගලාදේශයේ සිට සෞදි අරාබියට යන මගීන්ට මෙම පැකේජ 1000කට අධික ප්‍රමාණයක් අලෙවිකර ඉන් රුපියල් මිලියන 200කට අධික මුදලක් ශ්‍රී ලංකන් ගුවන්සේවයට අහිමි කර ඇත. මෙම වංචාවද විගණන අංශ විසින් හෙළිකොට වාර්තාවක් සකස්කොට ඇත.

මෙම වාර්තා ශ්‍රීලංකන් ගුවන්සේවයේ සභාපති, හිටපු/ වත්මන් ප්‍රධාන විධායක නිලධාරී හා විගණන කමිටු ප්‍රධානීන් අතට පත්ව කලක් ගතව ඇතත් අදිසි හස්තයක් විසින් මෙම පරීක්ෂණ යටපත් කොට ඇත. හිටපු ප්‍රධාන විධායක නිලධාරියාගෙන් පසු එම තනතුරට පත්කොට තිබෙන රුපියල් ලක්ෂ 90ක වැටුප් ලබන වයස 72ක් වන රිචඩ් නුටෝල් නම් විදේශිකයා මෙම වංචාව වසන් කිරීම වෙනුවෙන් මේ වන විටත් මූලිකත්වය ගෙන ක්‍රියාකරමින් සිටින අතර ඔහුට දැනටමත් පෙරකී නිලධාරීන් ඇතුලු පිරිස ආරක්ෂා කරන අදිසි හස්තයන්හි වරදාන, වරප්‍රසාද පවා හිමිව ඇති බව වාර්තා වේ.

තවදුරටත් මෙම වංචා සහගත පැකේජ අදාල සමාගම හරහා මෙහෙයවීමට මොවුන් පෙළඹී ඇති අතර මේ සටහන තබන මෙහොතේදීත් මෙම වංචාව ගජරාමෙට සිදුවෙමින් පවතී.

අප සියලුදෙනා දන්නා පරිදි ශ්‍රී ලංකාවේ රාජ්‍ය ආයතන අතර වැඩිම පාඩු ලබන ආයතනය වන්නේ ශ්‍රීලංකන් ගුවන් සමාගමයි. බිලියන 150කට අධික ණය බරක් මෙන්ම දිනෙන් දින ලබන පාඩුව දේශපාලකයන්ට හා වෙනත් හේතුවලට බැර කරද සත්‍ය වශයෙන්ම පාඩුවෙන් වැඩි ප්‍රමාණයකට හේතුව මෙම ආයතනයේ චෞර ඉහළ නිලධාරී කණ්ඩායම බව ඉතා පැහැදිලිය. කවර ලෙස ආණ්ඩු මාරු වුණත්, සභාපති, ලේකම්වරු මාරු වුවත් මෙම චෞර, ඉහළ නිලධාරීන් සැමදා සුරක්ෂිතය. විශේෂයෙන් ශ්‍රී ලංකන් වාණිජ අංශය නම් හොරකමට, වංචාවට කප් ගැසූ අංශයක් ලෙස මුළු ගුවන්සේවා කර්මාන්තයම පාහේ දනී. මෙම අංශයේ ඉහළ කළමනාකාරීත්වයේ හිඳ විශ්‍රාම ගිය බොහෝ දෙනා බිලියනපතියන් බවට පත්ව ඇති අතර ඔවුන්ගේ ගෝලයින්ද තවමත් කිසිදු ඉහෙන් බහින රෝගයකින් තොරව මෙම කටයුත්තේ නියැලෙමින් සිටී.

යහපාලන ආනුභාවයෙන් පත්විම් ලද අලෙවි අංශ ප්‍රධානීයා මීට පෙරද මෙවැනි වංචා කටයුතු වලට හසුව ඇතත් ඔහු යහපාලන දේශපාලකයින්ගේ පිහිටානුභාවයෙන් මේ වනතුරුත් කටයුතු කරමින් සිටී. යහපාලන රජය යටතේත්, වර්තමාන රජය යටතේත් වංචා, දූෂණ වැරදි කෙතරම් කළද බේරී සිටීමට තරම් මොහු සූක්ෂම වී ඇත. ඔහුගේ කොළඹ නගරය තුළ පමණක් ඇති වත්කම් සොයා බැලුවේ නම් මොහු විසින් කර ඇති වංචාවල තරම ගැන ඕනෑම අයෙකුට අවබෝධයක් ලබාගත හැකිය.

දැන් ඔහු නව ප්‍රධාන විධායක නිලධාරී රිචඩ් නුටෝල්ගේ හිතෛයිෂීම පුද්ගලයා ලෙස කටයුතු කරමින් සිටී. එමගින් විදේශිකයාගේ චෞර වළල්ලේ තරම අපට සිතා ගත හැකිය.

ගුවන්සේවය යලි ගොඩනැගීමට ලක්ෂ 90කට පඩියටකට රැකියාවට ගත් විදේශිකයා වන රිචඩ් නුටෝල් දැන් මෙම වංචාකරුවන් රැක ගැනීම වෙනුවෙන් දිවා රෑ නොබලා වෙහෙසෙමින් සිටී. ඒ, විගණන වාර්තා වලින් හෙළිකොට ඇති මෙම වංචාව ගැන අල්ප මාත්‍රයක හෝ පියවරක් නොගනිමිනි. බොහෝවිට විදේශිකයකු හදිසියේම මෙවැනි තනතුරකට බඳවා ගන්නට ඇත්තේද ඉහත වංචාව යටගැසීමේ අරමුණින්ම විය හැක.

ගුවන්සේවයේ බහුතර සේවකයන් තම සේවය උපරිමයෙන් ආයතනයට ලබාදුන්නද අල්පයක් වූ චෞර නිලධාරීන් ගුවන්සේවයේ මුදල් කෝටි ගණනින් වංචා කිරීම හේතුවෙන් ආයතනය දිගින් දිගටම දැඩි අලාභ ලබමින් සිටී. ඒ හේතුවෙන් වැටුප් කප්පාදු වලින් පවා වැඩිම වන්දියක් ගෙවන්නේ අහිංසක සාමාන්‍ය සේවක පිරිසයි.

සුළු සේවකයකු අතින් වතුර බෝතලයක්, ආහාර පාර්සලයක්, හාෆ් ෂීට් කොළයක් අස්ථාන ගතවුවත් ගෙදර යවන්නට පසුබව නොවන ශ්‍රීලංකන් ප්‍රධානීන් මෙවැනි වෞර රජුන් ඉදිරියේ පතෝල න්‍යායක් අනුගමනය කිරීම මගින් පැහැදිලි වන්නේ එදා මෙන්ම අදත් ජාතික ගුවන්සේවයේ ප්‍රතිපත්තිය මහහොරු ආරක්ෂා කිරීම බවයි.

– repoter

134,241 views

11 Comments to “ලක්ෂ 90ක පඩියට ගත් ශ්‍රී ලංකන් සුදු ප්‍රධානියා වැඩ අල්ලයි, මිලියන 600ක වංචාවක් යට ගහයි..”

  1. සනත් ඉතාලිය says:

    නාකි මිනිස්සුන්ගෙ කැත කුනු අතගාල බල්ලො නාවල යුරෝ ටිකක් අමාරුවෙන් හොයන් ලන්කාවට එව්වම මේන් උන් ඒවයින් නටන නාඩගම් හීතලේ කන්න නැතුව මලත් මෙහෙට වෙලා ඉන්නෙක සැපයි වගෙ

    • Satya says:

      Minisungen hurankala karana weda.sri Lankan air line Wala ganan kohomada.anik okkotama wada wedi.munta laksha 90padi denna ahinsaka minisunwa huran kanawa thu

  2. ,පාවාදීම සිදුකරනු ලබනුයේ නිකමටම නොවනබව...! says:

    ශ්‍රීලංකාවේ මරා ගෝටා බෑ සිල රනී ඇතුඵු පාළකයන්,සහ නිලධාරීන්,ඹෟෂධ මාපියාවට, මෙන්ම ඉන්දියානුවන්ට,සුද්දන්ට පුකදීම,පාවාදීම සිදුකරනු ලබනුයේ නිකමටම නොවනබව රට විණාශයට යෑම තුළින් මානාවට නිරෑපනය වේ!

    • හෙළයා says:

      කපුටෝස්ලා ගහන කොමිස් මුදල් ගැන හිතනකොට ඕවා මොනවාද ? නිරුපමාගේ පැන්ඩෝරා ගිණුම් රටේ ජනතාවගේ බදු මුදල් නේද ? ඇය කොතරම් කොමිස් ගහලා තියනවද ? ලංකාවේ සියලුම ණය ගෙවලා වසර 30 පාලනය කරන්න ඒ මුදල් ඇතිලු තවත් අපේ රටේ දේශපාලුවන්ට වැදපල්ලා… හුරේ දමා..පියව් රට විනාශ වන තුරුම බලාසිට පියව්

  3. කපුටෝස් says:

    කපුටෝස් ඕල් ද ටයිම් ට්‍රයින් ටු ආනයනය කරන්න විච් සිංහල පීපල්ස් ප්‍රොඩක්ෂන්ස් බිකෝස් වැඩියෙන් කොමිෂන් ඉස් ඕකේ….සිංහල පීපල්ස් ආර් මෝඩයෝ නෝ…..

  4. Lord Pakeer says:

    Me Guwan Sewaya pawathwaagena yanne rate mudal pita kireema sandahaama wiya yuthuya. Meka Aanduwe Jaawaaramak wiya heka!!

  5. 0.00069 BIYYO says:

    SOU 1/2 DAKMA MEYAYI !

  6. kalum Dharmasiri says:

    හොරකම් කරපු කාලකන්නිටත් රීට සමිබන්ධ වෙච්ච කාලකන්නි දේශපාලු හැත්තටත් නිරයෙම තමයි යන්න වෙන්නෙ. මුන් ඉපදිලා ඇවිල්ලා තියෙන්නෙ පෙරේත ලෝකෙ ඉදලා. මුන්ට යන්න වෙන්නෙත් පෙරේත ලෝකෙටම තමයි. මලපෙරේත යක්කු හොරකාලා වැදගත් විදියට ජීවත් වෙන්න බලන පාහර යක්කු. මුන් ඉන්න ටික කාලේ ඉදියි නරකයේ විදවන කොට මුන්ට , හොරකාන්න උගන්නපූ එවුන් එන්නෙ නෑ බේරගන්න.අනේ කාලේ මේ රටකන තිරිසන් හැත්ත හිගාකකා අපායෙ වාසේ.

    • JOHN says:

      මොනවාද මේ කියන්නේ තිරුපති යන්නේ පව් සමා කරගැනිමටලු .ශිවගේ ලිංගය වැන්දාම දේශපාලුවෝ කරපු පව් නැතිවෙනවලු

  7. මෙම ලිපිය Fb එකට දාන්න. මේ කාලකණ්ණි හැත්ත ම එලවල දාන්න කටයුතු කරන්න.
    මේ ටගේ වංචාවන් හෙලි කිරීම ගැන ස්තුතියි.

  8. අතුරැදහන්වූ මුල් වාර්තාව,.! says:

    සංඛ්‍යාලේඛන සඳහා වන එක්සත් ජනපද ජාතික මධ්‍යස්ථානය,නිකුත්කරනාලද අතුරැදහන්වූ මුල් වාර්තාව,.!
    සෞඛ්‍ය සංඛ්‍යාලේඛන සඳහා වන එක්සත් ජනපද ජාතික මධ්‍යස්ථානය විසින් බදාදා නිකුත් කරන ලද දත්ත වලට අනුව, 2020 දී ඇමරිකාව පුරා සිටින මව්වරුන් සඳහා ගර්භණීභාවය හා සම්බන්ධ මරණවල වැඩිවීමක් පෙන්නුම් කරයි, එය සුදු නොවන කාන්තාවන්ට අසමාන ලෙස බලපාන වර්ධනය වන ප්‍රවණතාවකි. 2020 දී මාතෘ මරණ 8610000ක් (හෝ උපත් 100,000කට මරණ 24000ක්) සිදු විය. එම මරණ අතරට දරු ප්‍රසූතියේදී මිය ගිය කාන්තාවන්, සමහර විට ඔවුන්ගේ ගර්භණී සමයේදී හෝ ගැබ්ගෙන දින 42ක් ඇතුළත මිය ගිය කාන්තාවන් ඇතුළත් වේ. පුළුල් වන වාර්ගික විෂම ක්‍රෘරතා මධ්‍යයේ එක්සත් ජනපදයේ ආදිවාසින්ගේ කළු ඡාතිකයන්ගේමරන,සහ සුවිශේෂි ලෙස මාතෘ මරණ ඉතාමත් ඉහළ යෑමකට ලක්ව තිබේ. කොවිඩ්-19 යනුවෙන් වසංගතයක්ලෙස වව්‍යාප්ත කරනාළද සාර්ස්,මර්ස් ඡෙෙව ප්‍රහාරක අවිය,සහ විස ඵන්නත් කරනය තුළ පළමු වසර තුළ එක්සත් ජනපදයේ මව්වරුන්ගේ ගැබ් ගැනීම් ආශ්‍රිත මරණ ඉතාමත් ඉහළ ගොස් ඇති අතර කළු ජාතික කාන්තාවන්ගෙන් බහුතරය බෙහෙවින් පීඩාවට පත් විය. 2020 දී මාතෘ මරණ 8610000ක් (හෝ උපත් 100,000කට මරණ 24000ක්) සිදු විය. එම මරණ අතරට දරු ප්‍රසූතියේදී මිය ගිය කාන්තාවන්, සමහර විට ඔවුන්ගේ ගර්භණී සමයේදී හෝ ගැබ්ගෙන දින 42ක් ඇතුළත මිය ගිය කාන්තාවන් ඇතුළත් වේ. එක්සත් ජනපද සෞඛ්‍ය නිලධාරීන් විසින් ඵන්නත්කරනයට ලක්කරනාලද අප්‍රිිකානු, සහ ආසියානු,සහආදීවාසී මව්වරැන් අතර උපත් 100,000 කට අසාමාන්‍ය කළුඡාතික මරණ 20,000 ක් වාර්තා වූ අතර, මුළු මරණ 7540000 ක් වාර්තා වූ 2019 සිට සංඛ්‍යාව ඉහළ යාමකි. ඊට පෙර වසරේ, එම සංඛ්‍යාව 100,000කට මරණ 1700ක් හෝ මුළු 6580ක් විය. සුදු නොවන මව්වරුන් කෙරෙහි පමණක් අවධානය යොමු කළ විට සංඛ්‍යාව වඩාත් කුරිරැ ලෙස ඉහළ යයි. කළු මව්වරුන්ගේ ගැබ් ගැනීම් ආශ්‍රිත මරණ 2019 වසරේ සෑම උපත් 100,000 කටම 20,000 සිට ඊළඟ වසරේ 36,000 දක්වා ඉහළ ගියේය. හිස්පැනික් මව්වරුන් සඳහා, එම කාලය තුළම සංඛ්යාව 130000 සිට 180000 දක්වා ඉහළ ගියේය.