ඩයලොග් සමාගම නෝර්වේ අතට ගන්න යයි.. ලක්වැසියන්ගේ සුවිශාලම දත්ත ගබඩාව නෝර්වේ ඔත්තු සේවය අතට යාමේ අනතුරක්..- විමල් හෙලි කරයි…

June 5, 2019 at 11:20 am | lanka C news
ඩයලොග් සමාගම නෝර්වේ අතට ගන්න යයි.. ලක්වැසියන්ගේ සුවිශාලම දත්ත ගබඩාව නෝර්වේ ඔත්තු සේවය අතට යාමේ අනතුරක්..- විමල් හෙලි කරයි…

ජාතික නිදහස් පෙරමුණේ නායක පාර්ලිමේන්තු මන්ත‍්‍රී විමල් වීරවංශ මහතා විසින් ජනාධිපති මෛත‍්‍රීපාල සිරිසේන මහතා වෙත යොමු කරන ලද ලිපියක් මෙහි දැක්වෙයි.

අතිගරු ජනාධිපති මෛත‍්‍රීපාල සිරිසේන මැතිතුමා,
ජනාධිපති ලේකම් කාර්යාලය,
කොළඹ 01.

අතිගරු ජනාධිපතිතුමනි,

නෝර්වේජියානුවන් විසින් ශ‍්‍රී ලංකාවේ විදුලි සංදේශ ක්‍ෂේත‍්‍රයේ බරපතළ අත්පත්කර ගැනීමක් සඳහා දියත්කොට ඇති සූක්‍ෂ්ම මෙහෙයුම සාර්ථක වුවහොත් ඒ මගින් ශ‍්‍රී ලංකාවේ ජාතික ආරක්‍ෂාව සහ මහජන ආරක්‍ෂාව අනතුරේ වැටීම පිළිබඳව

මැලේසියාවේ ඒසියාටා (Axiata) සමාගමට 88%ක කොටස් හිමි, ශ‍්‍රී ලංකාවේ ඩයලොග් (Dialog) සමාගම ශ‍්‍රී ලංකාවේ විදුලි සංදේශ ක්ෂේත‍්‍රයේ බරපතළ බලපෑම් සහගත තත්වයකට පත්ව ඇත. එම සමාගමට 2G කුළුණු 3200ක් සහ 3G කුඵණු 3200ක් මගින් රටේ භූමියෙන් 89%ක් සහ රටේ ජනගහනයෙන් 98% දක්වා ආවරණය කළ හැකි විදුලි සංදේශ ජාලයක් අයත් වේ. මේ වන විට එම ආයතනය සතු ගනුදෙනුකරුවන්ගේ පදනම මිලියන 13ක් ඉක්මවා යන අතර රජයට බදු ගෙවීමෙන් පසුව 2018 දී මිලියන 10,000ක ලාභයක් උපයා ඇත.

ශ‍්‍රී ලංකාවේ ඩයලොග් සමාගමේ මව් සමාගම මැලේසියානු සමාගමක් වුව ද ඔවුන් විසින් ඩයලොග් සන්නාමය ප‍්‍රශස්ත ලෙස දේශීයකරණය කිරීමට සමත් වී ඇත. අනෙක් පැත්තෙන් ගත්විට එම සමාගම ශ‍්‍රී ලංකාවේ ජාතික ආරක්‍ෂාවට හෝ මහජන ආරක්‍ෂාවට අදාළව රජයේ පාලනයට යටත්ව කටයුතු කොට ඇත. එම නිසා ඉතා වැදගත් දත්ත පද්ධතියක් සහ එය භාවිතා කළ හැකි තාක්‍ෂණික හැකියාව එම සමාගම සතු වුව ද ඒවා යොදාගනිමින් අයුතු ක‍්‍රියා සිදු කළ බවට ඔවුන්ට චෝදනා එල්ල වී නැත.

නෝර්වේජියානුවන් විසින් ශ්‍රී ලංකාවේ ක‍්‍රියාත්මක වන මෙම වටිනා ආයතනය අත්පත් කර ගැනීමට කුරුමානම් අල්ලන්නේ එම සමාගම සතු වාණිජ වටිනාකමට වඩා දේශපාලන සහ යුදමය උපායමාර්ගික වැදගත්කම සැලකිල්ලටට ගනිමින් බව පැහැදිලිව තේරුම් ගත හැක.

නෝර්වේජියානුවන්ගේ සැලසුම් අනුව නෝර්වේජියානු රජයට 54%ක කොටස් හිමි ටෙල්නෝ (Telno) සමාගම විසින් මැලේසියාවේ ඒසියාටා (Axiata) සමාගමේ කොටස්වලින් 57%ක් අත්පත් කර ගනු ඇත. එවිට ශ්‍රී ලංකාවේ ඩයලොග් සමාගම සම්පූර්ණයෙන්ම කළමනාකරණය කිරීමේ බලය නොර්වේජියානුවන් අතට පත් වේ. නොර්වේජියානුවන් විසින් ඒසියාටා සමාගමේ පාලන කොටස් ප‍්‍රමාණයක් අත්පත් කරගන්නේ මැලේසියාවේ ව්‍යාපාරික උවමනාවකට වඩා ශ්‍රී ලංකාවට පය තබා ගැනීමේ උවමනාව නිසා බව ක්‍ෂේත‍්‍රයේ විද්වතුන්ගේ මතය වී ඇත.

නොර්වේජියානු ඔත්තු සේවා යුද්ධය පැවති කාලයේ දී ශ්‍රී ලංකාවේදී ඉටු කළ භූමිකාව කුමක්දැයි ශ්‍රී ලංකාවේ වත්මන් ආණ්ඩුවට අමතක වී තිබිය හැකි වුවත් රටේ ජනතාවට නම් අමතක වී ඇතැයි සිතිය නොහැක. නෝර්වේජියානු ඔත්තු සේවාව වන එන්.අයි.එස්.(NIS) සහ ඒ තුළ ක‍්‍රියාත්මක වන A14 නම් වූ විශේෂ එ්කකය විවිධ ක‍්‍රමවේද හරහා ඔවුන් විසින් තෝරාගත් රටවල තොරතුරු රැුස් කරන බව ලෝකයාට රහසක් නොවේ. එ් සඳහා එම ඔත්තු සේවා විසින් නෝර්වේජියානු රාජ්‍ය සමාගම් යොදා ගන්නා බව ද රහසක් නොවේ. එ් අනුව නොර්වේජියානුවන් විසින් ශ්‍රී ලංකාවේ ඩයලොග් සමාගම අත්පත් කර ගැනීම සඳහා මැලේසියානු සමාගම යොදාගනිමින් සූක්ෂ්ම සැලසුමක් දියත් කරන්නේ වාණිජ උවමනාවන්ට වඩා දේශපාලන සහ යුදමය උවමනාවන් සඳහා බවට ඉතා ප‍්‍රබල තර්ක ඉදිරිපත් කළ හැක.

ශ‍්‍රී ලංකාවේ ඩයලොග් සමාගමට ජංගම දුරකථන සේවා සැපයීම සහ ඒ ආශ‍්‍රිත බාහිර සන්නිවේදන දොරටු පාලනය කිරීමේ ප‍්‍රධාන ව්‍යාපාරයට අමතරව තවත් ප‍්‍රධාන ඒකාබද්ධ වූ ව්‍යාපාර 8ක් අයත් වේ. ඒවා ද උපායමාර්ගික වශයෙන් ඉතා වැදගත් සේවාවන්් බව පැහැදිලි වේ. ඒවා මගින් ස්ථිර දුරකථන සහ අන්තර්ජාල සේවා, ඩිජිටල් රූපවාහිනී සේවා, මාධ්‍ය ආශ‍්‍රිත සේවා, ඊ – අධ්‍යාපන සේවා, ඊ – ව්‍යාපාරික සේවා, ඊ – සෞඛ්‍යමය සේවා, ව්‍යාපාරික ක‍්‍රියාදාමයන් බටහිර කරණය කිරීමට අදාළ සේවා ආදී සේවා රැුසකට අදාළව දත්ත පද්ධතිවල හා දේපළවල අයිතිය නෝර්වේජියානුවන් සතු වේ.

දැනටමත් රටේ එක් මාධ්‍ය ආයතනයක් දෙමළ ඩයස්පෝරාව විසින් මෙහෙයවන ලයිකා මොබයිල් ආයතනය විසින් අත්පත් කොට ඇත. ඊට අමතරව ගිවිසුම් ත‍්‍රිත්වයක් මගින් සිදු කරන ඇමරිකානු මැදිහත්වීම සහ නෝර්වේජියානු මැදිහත්වීම සන්දර්භයක තබා විමසිය යුතුය. ඇමෙරිකාව විසින් යුදමය මෙහෙයුම් හෙවත් බලය පෙන්වීමේ දී තම සහායකයින් ලෙස බි‍්‍රතාන්‍යය සහ ප‍්‍රංශය, ජපානය වැනි රටවල් යොදාගන්නා බවට සහ මෘදු බලය යොදාගැනීමේදී ඒ සඳහා නෝර්වේ රාජ්‍යය යොදා ගන්නා බවට ශ‍්‍රී ලංකාවට පැහැදිලි අත්දැකීම් ඇත.

මෙම දත්ත පද්ධති නෝර්වේජියානුවන් විසින් අත්පත් කර ගැනීමෙන් පසුව වට්ස්ඇප් , වයිබර් වැනි සේවා හරහා හුවමාරු වන තොරතුරු ද ඔවුන් අතට පත් වේ. ඊට අමතරව ඕනෑම පුද්ගලයකු නිශ්චිත මොහොතක කුමන ස්ථානයක සිටින්නේදැයි සොයා බැලීමේ හැකියාව ද ලැබේ. මාධ්‍ය හැකියාව සහ මිලියන 13ක මිනිසුන්ට ළගාවීමේ හැකියාව අනුව සමස්ත සමාජය මත ප‍්‍රබල බලපෑමක් ඇති කිරීමේ හැකියාව නෝර්වේජියානුවන් අතට පත් වේ. ඉතා සරලව ගතහොත් රටේ සෑම පුරවැසියකුම මහා නෝර්වේජියානු කැමරාවක් සහ මයික‍්‍රෆෝනයක් යට ජීවත් වන තත්ත්වයක් ඇති වේ.

එහිදී මැලේසියානු සමාගම යටතේ එවැන්නක් සිදු නොවන්නේ ද යන ප‍්‍රශ්නය පැන නගී. නමුත් ඉහත සඳහන් කළ ආකාරයට නෝර්වේජියානුවන්ගේ උවමනාවන් සහ මැලේසියානු සමාගමේ උවමනාවන් අතර බරපතළ වෙනසක් පවතී. මේ වෙනස මගින් ශ‍්‍රී ලංකාවේ ජාතික ආරක්ෂාවට සහ මහජන ආරක්ෂාවට බරපතළ අනතුරක් එල්ල වන බවට විවාදයක් නැත. විශේෂයෙන්ම අදාළ අත්පත් කර ගැනීමෙන් පසුව ස්වේච්ඡුාවෙන් විශ‍්‍රාමගැන්වීම් හෝ වන්දි ගෙවා බලපෑම් කොට විශ‍්‍රාම ගැන්වීම් ආදී ක‍්‍රමවේද හරහා දැනට සේවය කරන ශ‍්‍රී ලාංකික ඉහළ නිලධාරීන් වෙනස් කළ විට එම තත්වය ඇති වේ. එම පුරප්පාඩු ශ‍්‍රී ලංකාවට හතුරුකම් කරන නෝර්වේ රාජ්‍යයේ සිටින දෙමළ ඩයස්පෝරාව ඇතුළු සෝල්හයිම් වැනි නෝර්වේජියානුවන්ගෙන් පිරවීමෙන් පසු ඇති විය හැකි තත්වය වටහා ගැනීමට මහා විශාල මොළයක් අවශ්‍ය නොවේ.

විදේශ රටක සිදු කෙරෙන ව්‍යාපාරයක් අත්පත් කර ගැනීම පාලනය කිරීමට ශ‍්‍රී ලංකාවේ රජයට නීතිමය බලයක් නොමැති බව සැබෑවකි. එහෙත් විදුලි සංදේශ නියාමන නීති භාවිතා කරමින් එම අත්පත් කර ගැනීම පිළිබඳ පූර්ව විරෝධයක් පළ කිරීමේ හැකියාව ඇත. විශේෂයෙන්ම ආයතනයක අයිතිය වෙනස් වීම මගින් ජාතික ආරක්ෂාවට හා මහජන ආරක්ෂාවට බලපෑමක් සිදුවේ නම් බලපත‍්‍ර ලබාදීමේ බලය යොදා ගනිමින් ඊට විරෝධය පළ කිරීමේ හැකියාව ඇත. එවිට ශ‍්‍රී ලංකා රජයේ විරෝධය මැලේසියානු සමාගමට ද දැනෙනු ඇත. ඒ අනුව ඔවුන්ගේ් ව්‍යාපාරික තීන්දුවලට ඒ මගින් බලපෑමක් සිදු වේ. ඒ නිසා මෙම කරුණු සැලකිල්ලට ගෙන නෝර්වේජියානු සැලසුම ව්‍යර්ථ කිරීමට කටයුතු කරන ලෙස ඔබතුමාගෙන් ඉතා ඕනෑකමින් ඉල්ලා සිටිමි. පමාවන සෑම දිනයක් පාසාම අදාළ ක‍්‍රියාවලිය ආපසු හැරවීමේ හැකියාව දුර්වල වේ. කෙසේ වෙතත් ඒ සඳහා වන දෙවන විකල්පය ජනතාව විසින් තමාගේම ආරක්ෂාව සඳහා නෝර්වේජියානු සන්නාමය ප‍්‍රතික්ෂේප කිරීම ය.

විමල් වීරවංශ (පා.ම)
නායක,
ජාතික නිදහස් පෙරමුණ

87,852 Viewers

20 Comments to “ඩයලොග් සමාගම නෝර්වේ අතට ගන්න යයි.. ලක්වැසියන්ගේ සුවිශාලම දත්ත ගබඩාව නෝර්වේ ඔත්තු සේවය අතට යාමේ අනතුරක්..- විමල් හෙලි කරයි…”

  1. herath says:

    වැඩක් නෑ….කෝ…..රටේ ඉන්නවයි කියන මහ ලොකු සල්ලි කාරයන්..නෝර්වේ වල තියෙන්නේ අරාබි සල්ලි

    • KP says:

      මේක ඔය යවලා තියෙන එකාට යවලා වැඩක් නෑ… මෙච්චර දිග ඒවා ඌ කියවන්නෙ නෑ

  2. Jay says:

    Api Mobitel yamu….

    • Kapila says:

      මොබිටෙල් විතරක් ගිහිං වැඩක් නැහැ, ෆෝන් එකත් මාරුකරන්න වෙනවා, නැත්තම් emi නම්බර් එකෙන් දත්ත පිට වෙනවා.

      • දේවක says:

        උබල ගෙ දත්ත අරන් නොර්වේ ඇටබෝල ගහන්නද? වැදගත් මිනිස්සුනම් කිව්වත් කමක් නෑ.

        • sampath says:

          funny, stupid media

        • KP says:

          දේවකයෝ කොයි යුගයෙද ඉන්නේ? 21 වැනි සියවස data is money – data is power යුගය…. වැඩිපුර දත්ත තියෙන්නේ කා ගාවද ඌ ගාවයි සල්ලි ඌ ගාවයි බලය….

          • පරමා says:

            හරියට හරි KP…. සමහර ටොයියන්ට මේවා තාමත් තේරෙන්නේ නෑ…. 2015 ජනවාරි පාඩම ඉගෙනගත්ත නැති ටොයියො තාම ඉන්නවා…
            ඒක නෙවෙයි KPයො මේ දවස්වල කොහෙද ඉන්නේ? අර 2015 ජන වලට කලිං උඹට අච්චු කරනවා කියලා කයිය ගහපු උන් කෝ දැං?
            උඹ ඒ KP නෙවෙයිද?

  3. Dalit says:

    It is India behind Norway.

  4. 77 UNP says:

    මේ රටේ දේශපාලන නායකයන් එක එක රටවල වහළුන් වුනාට සිංහල ජනතාව එහෙම පාලනය කරන්න බැහැ. මුස්ලිම් ඇමතිවරු බොරුවට හරි අමතිකම්වලින් අස්වෙන්නේ දේශප්‍රේමීන් උන්ගේ ව්‍යාපාර වර්ජනය කරණනිසා. රනිල් ලංකාවේ තිබුන වැඩිම අදායම් ලබන පෙට්‍රල් ෂෙඩ් ඉන්දියාවට දුන්න. නමුත් ඔවුන් අඩු ගානට තෙල් දුන්නත් දේශප්‍රේමීන් උන්ගේ තෙල් ගහන්නේ නැහැ. නොර්වේ වලට ඇති පිළිකුල වඩා බරපතලයි. නිසැකවම උන්ගේ ග්‍රාහකයෝ සංඛ්‍යාව අපි මිලියන් 13 ඉඳල මිලියන් 3 ට බස්සනවා. ඉන්න උනුත් “only for Incoming”

    • කොල්ලා says:

      Ow. Den eka ekage maththe nahenne nethuwa api wenuwen apitama negitinna wenne.

  5. kim says:

    මේවා බය්යන් ගෙ ගොන් කතා. ඩයලොග් කියන්නෙ පුද්ගලික සමාගමක්. ඒකෙ කොටස් ඕනෑම කෙනෙකුට ගන්න පුලුවන් රජයේ විරුද්දතාවක් නැත්නම්. අනිත් එක නොර්වීජියන් සමාගමක ට යනවා මිසක් නොර්වීජියන් රජයෙන් ගන්නවා නෙවෙයිනෙ. දත්ත එලියට යනවානම් ඒක මොන සමාගමකට තිබුනත් එලියට යනවා. අනිත් එක රජයක් තියෙන්නෙ නියාමනය කරන්න. එහෙම දත්ත එලියට යනවානම් ඒක රජයේ නියාමනයේ වැරැද්දක්.

  6. siriwardana says:

    Another Love letter from Mr Vimal Alias Videsha Beethika to the president sirisena. Who can treat him for this ailment.

  7. Open mind says:

    පහුගිය කාලයේ උපයාගත් ධනය වැය කරල…දෙතුන් දෙනෙක් එකතු වෙලා බැරි ද ඔය කොටස් ටික මිලට ගන්න. නෝර්වේ සල්ලි ලොකු ලොකු බෞද්ධ සිද්ධස්ථානවල කටයුතු වලට ත් දීලා තියෙනවා.

  8. Love nature says:

    නෝර්වේ කියන මේ රට වොෂිංටනයේ අවශ්‍යතාවයන් මත ලෝකයේ තෝරාගත් කලාපවල රටවල් අස්ථාවර කිරීමේ බලගතු ව්‍යාපෘතිවල කොන්ත්‍රාත්කරුවන්. මේ චරිත ආපහු වතාවක් පණ ගහල එන්නේ මොකට ද, ගොනා හැරෙන්නේ කොයි පැත්තට ද කියල අපි අවදියෙන් සිටිය යුතුයි.

  9. Asoka Liyanage says:

    මුළු ලංකාවේම නය ගෙවන්න ඉදිරිපත් වුනු පල්ලෙවත්ත හෝ ට්‍රිලියනයක් වත්කම් ඇති කැසිනෝ ධම්මික පෙරේරාගේ නෙත් යුගල වලට මේ පුවත ලැබුනානම් ඩයලොග් සදහටම ශ්‍රී ලාංකිකයි.

  10. සමන් says:

    විමල් මහතාණනි ඔබට ස්තුතියි. හැමදාම ජාතික ගැටළු මතු වෙන්නත් පෙරම ඔබ අපිට කියනවා. දේශීය ව්යාපාරිකයිනි ඔබේ අවස්ථාව මේ. මොහොතක් හිතන්න.

  11. kasun says:

    me mokekda me. norway nathnam one ratak axiata eka ganne Malaysia walin. Unta unge compnay eka wikunana awulak nathnam apita moko. anika axiata eke dialog kiyanna small company ekak. Malaysia wala tamai wadima customers la enne. etin me modayata oka terenne nadda. anika metana comment dana unge education level ekath balanan one. wena rataka unta aiti company ekak un wikunana apen ahanna one na.ekawath terum ganin. ehenam norway walin esselama balanne Malaysia wala tatwe. lankawe newi

Main News