Exclusive : ගෝටාබය-හිස්බුල්ලා දුරකතන සංවාදයක් අන්තර්ජාලයට.. මිලියන ගාණක් සමග පවුල පිටින් මැලේෂියාවට..

November 6, 2019 at 9:20 am | lanka C news
Exclusive : ගෝටාබය-හිස්බුල්ලා දුරකතන සංවාදයක් අන්තර්ජාලයට.. මිලියන ගාණක් සමග පවුල පිටින් මැලේෂියාවට..

නැගෙනහිර පළාත් හිටපු ආණ්ඩුකාර ඒ.එල්.එම් හිස්බුල්ලා මහතා සහ ශ්‍රී පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා අතර රහසිගත දුරකතන සංවාදයක් සිදු වූ බවට දැක්වෙන රූප රාමු ද සහිත ව්‍යාජ වීඩියෝපටයක් හිස්බුල්ලා මහතාගේ හැඩරුවට ඉතා සමීප බණ්ඩාරගම, අටුලුගම ප්‍රදේශයේ වෙසෙන මුස්ලිම් ජාතිකයකු යොදාගෙන නිර්මාණය කිරීමට එජාප ජනාධිපති අපේක්ෂක මෙහෙයුම් කාර්යාලයේ සිටින මඩ මාධ්‍යකරුවන් සූදානම් වන බව ජානිපෙ ජාතික සංවිධායක, පාර්ලිමේන්තු මන්ත්‍රී ජයන්ත සමරවීර මහතා අනාවරණය කළේය.

පිටකෝට්ටේ පිහිටි ජානිපෙ ප්‍රධාන කාර්යාලයේදී පැවැති මාධ්‍ය හමුවකදී ඒ මහතා මෙම විශේෂ හෙළිදරව්ව සිදුකර සිටියේය.

මෙම මඩ වීඩියෝව නිර්මාණය කිරීම සඳහා කොළඹ 01, වෝක්ෂෝල් වීදියේ පිහිටි එජාප ජනාධිපති අපේක්ෂක මෙහෙයුම් කාර්යාලයේ සිටින මඩ මාධ්‍යකරුවන් භාරදී ඇත්තේ SHIFT හා GROUP M නැමැති ප්‍රචාරක ආයතන දෙකට බව ද ජයන්ත සමරවීර මහතා මෙහිදී හෙළි කළේය. අදාළ මුස්ලිම් ජාතිකයාට මේ වන විට ලක්ෂ 50ක මුදලක් ගෙවීමට මෙම මඩ මෙහෙයුම් ප්‍රධානීන් එකගවී ඇති බවත්, මෙම රූගත කිරීම්වලින් පසුව එම තැනැත්තා ඔහුගේ පවුල සමග මැලේසියාව වෙත රැගෙන යාමට ද සජිත් ප්‍රේමදාස මඩ බලකායේ ප්‍රධානීන් සැලසුම් කර ඇති බවත් ජානිපෙ ජාතික සංවිධායකවරයා සඳහන් කළේය.

සහරාන්ලාගේ මරාගෙන මැරෙන බෝම්බ ප්‍රහාරයත් සමඟ මේ රටේ බහුතර සිංහල, දෙමළ, මුස්ලිම් ජනතාව ඉස්ලාම් මූලධර්මවාදී අන්තවාදයේ විසකුරු බවත් එකී අන්තවාදය පැරදවීමට හැකි එකම නායකයා ගෝඨාභය රාජපක්ෂ බවත් ඉතා හොඳින් තේරුම්ගෙන ඇති බවත් ජයන්ත සමරවීර මහතා මෙහිදී පැවසීය.

ඒ නිසා ‘හිස්බුල්ලා හා ගෝඨාභය’ අතර සම්බන්ධයක් ඇති බව පෙන්වා, ගෝඨාභය රාජපක්ෂයන් වටා රැඳී සිටින ලක්ෂ සංඛ්‍යාත ජනතාව තුළ සැක සංකා ඇති කිරීම මෙම මඩ ප්‍රචාරකයන්ගේ උවමනාව වී ඇති බවත් එවැනි නින්දිත උත්සාහයන් කල්තියා සොයාගෙන පැරදවීම දේශමාමක සියලු ජනකොටස්වල වගකීම බවත් ඒ මහතා වැඩිදුරටත් සඳහන් කළේය.

නොවැම්බර් 12 වැනිදා රාත්‍රියේ මෙම වීඩියෝපටය, අන්තර්ජාලය ඔස්සේ ෆේස්බුක්, වට්ස්ඇප්, වයිබර්, යූටියුබ් සමාජ ජාල මාධ්‍ය යොදා ගනිමින් පතුරුවා හැරීමට මෙම මඩකරියන් සූදානම්ව සිටින බවත් ඊට පිළිතුරු දීමට රාජපක්ෂ කඳවුරට ඉතිරිව ඇත්තේ මැතිවරණ ප්‍රචාරක කටයුතු අවසන් කරන නොවැම්බර් දහතුන්වැනිදා පමණක් බවත් ජයන්ත සමරවීර මහතා වැඩිදුරටත් පෙන්වා දුන්නේය. හිස්බුල්ලා මහතා සිය සමීපතම අනුගාමිකයන් සමඟ කෙරෙන රහසිගත සාකච්ඡාවක දී ‘ආරක්ෂක ලේකම්තුමා, සර්’ යන ආමන්ත්‍රණය සහිතව ගෝඨාභය රාජපක්ෂ මහතා අමතන ආකාරයත්, ඔහුගෙන් උපදෙස් ගන්නා ආකාරයත් රූගත කර වීඩියෝව නිපදවා ඇති බවත් කී ජානිපෙ ජාතික සංවිධායකවරයා, මේවාට රැවටෙන ජනතාවක් අද නොමැති බවත් මෙවැනි මඩ ප්‍රචාර ජනතා සහායෙන් අනාවරණය කර ගැනීමට මහින්ද කඳවුරට හැකි බව එජාප මඩ බලකායට පෙන්වා දීමට කැමැති බවත් අවධාරණය කළේය.

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

96 views

22 Comments to “Exclusive : ගෝටාබය-හිස්බුල්ලා දුරකතන සංවාදයක් අන්තර්ජාලයට.. මිලියන ගාණක් සමග පවුල පිටින් මැලේෂියාවට..”

  1. Hirugal Bandara says:

    Gota is completely paranoid now. He knows he committed so many crimes. He is suffering from the mental condition of paranoia!! If I’m correct he left the army due mental health issues.

  2. guru says:

    බොරුකීම pathological lying නමින් හඳුන්වන රෝගයකි.බොරු කියන්නන්ගේ මොළයේ තිබෙන amygdala යන කොටසේ සංවේදීතාවය අඩුය.බොරු කීමේදී ඇතිවන භය,ලැජ්ජාව,පසුතැවීම වැනි ලක්ෂණ උත්පාදනය වන්නේ මෙම කොටසේය.මෙම රෝගී ස්වරූපය පාරම්පරික ලක්ෂණයකි.
    රාජිත මෙම රෝගයෙන් පෙළෙන්නෙකි.ඔහුගේ පුත් චතුර එහි උග්‍ර ආකාරයවන compulsive lying නමැති රෝගී තත්වය පෙන්වයි.පොදුවේ ගත් කළ unp පාක්ෂිකයින් තුල මෙම රෝගයේ ලක්ෂණ දක්නට ලැබේ.රනිල්,සජිත්,රවී ,වැන්නවුන් උදාහරණය.මෑත කාලයේ එක්වූ jvp සාමාජිකයින්ද මෙම රෝගී තත්වය පෙන්නුම් කරයි .

  3. sathya says:

    ඒ.එල්.එම් හිස්බුල්ලා මහතා සහ ශ්‍රී පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා අතර රහසිගත දුරකතන සංවාදයක් සිදු වූ බවට දැක්වෙන රූප රාමු ද සහිත ව්‍යාජ වීඩියෝපටයක් හිස්බුල්ලා මහතාගේ හැඩරුවට ඉතා සමීප බණ්ඩාරගම, අටුලුගම ප්‍රදේශයේ වෙසෙන මුස්ලිම් ජාතිකයකු යොදාගෙන නිර්මාණය කිරීමට එජාප ජනාධිපති අපේක්ෂක මෙහෙයුම් කාර්යාලයේ සිටින මඩ මාධ්‍යකරුවන් සූදානම් – Boru nam ey Baya? Ey mechchara diga NEWS daanne?

    • Boo says:

      බොරු නෙමෙයි නම් ඇයි news එකට බය? ඇයි පොලිසිය ලවුවා නඩු නොදමන්නේ, මඩ වීඩියෝ වෙනුවට?

      • toka says:

        මොනවටද බං නඩු දාන්නේ ? රහසිගතව සාකච්ඡා කලාටද? මෙන්න බලපන් නියම බයියෙක්

Main News