EXCLUSIVE : පාච රණවකගේ මහා පච වැල හෙලිවේ.. සිල් රෙදි හැලේ..

June 22, 2017 at 10:40 pm | lanka C news
EXCLUSIVE : පාච රණවකගේ මහා පච වැල හෙලිවේ.. සිල් රෙදි හැලේ..

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල එම පක්‍ෂ මූලස්ථානයේ පැවති මාධ්‍ය හමුවකදී මෙසේ අදහස් පල කලේය.

පා ච රණවක ඇමතිතුමන්ගේ පච වැලට පිලිතුරු

පසුගිය ජූනි 19 දින මාධ්‍ය හමුවක් පැවැත්වූ ගරු පා ච රණවක ඇමතිතුමා තමන් බොදු බල සේනා සංවිධානය සමග කිසිම සම්බන්ධයක් නැතැයි පැවසීමට ගොස් පච වැලක් ප්‍රකාශ කර තිබෙනවා. එතුමාගේ ප්‍රකාශයේ තැන් දෙකක මගේ නමත් සඳහන් වන නිසා එතුමාගේ පච වැල පෙන්වා දීම මගේ යුතුකමක්. මම එතුමාට කලින්ම අනතුරු ඇඟෙව්වා බොදු බල සේනා සමග ගැටුමක් ඇති බව පෙන්වන්න මාව ගාවා ගත්තොත් මට තිත්ත ඇත්ත හෙලි කරන්න වෙනවා කියා. දැන් ඉතින් මට එතුමාව නිරුවත් කරන්න සිදු වෙනවා. නමුත් දේශපාලන සදාචාරය රැකිය යුතු බැවින් ජාතික හෙළ උරුමයේ අභ්‍යන්තර කරුණු කිසිවක් මම හෙලි කරන්නේ නෑ. තෙවන පාර්ශවත් දන්නා කරුණු පමණයි මම හෙලි කරන්නේ.

මගේ ජ්‍යෙෂ්ඨ නීතිඥයා ඥාණසාර හිමියන්ගේ ද නීතිඥයා බව එතුමා පවසනවා. නමුත් එතුමාට අමතක වුණු කාරණය තමයි ඒ නීතිඥයා ඥාණසාර හිමියන්ගේ නීතිඥයා පමණක් නොවේ පා ච රණවක ඇමතිතුමන්ගේත් නීතිඥයා. අයිටීඑන් නාලිකාවේ විකාශනය වුණු අඳුරෙන් එළියට නම් වැඩසටහන හදිසියේ නැවැත්වීමෙන් තමන්ගේ මූලික අයිතිවාසිකම් උල්ලංඝණය වුණු බවට රණවක ඇමතිතුමා ගොනු කළ නඩුවේ දී එතුමා වෙනුවෙන් නොමිලේම පෙනී සිටියේ මගේ ජ්‍යෙෂ්ඨ නීතිඥයා තමයි. ඒ තමයි ජනාධිපති නීතිඥ මනෝහරද සිල්වා මැතිතුමා. ඒ විතරක් නොවේ ජනාධිපතිවරණය 2005 දී පැවැත්විය යුතු බවටත් සුනාමි සහන මණ්ඩලයට එරෙහිවත් ජාතික හෙළ උරුමය ගොනු කළ නඩු වල දීත් නොමිලේම පෙනී සිටියේ ඔය කියන මගේ ජ්‍යෙෂ්ඨ නීතිඳයා තමයි. එහෙව් නීතිඥයාට මාධ්‍ය ඉදිරියේ පහර දීලා රණවක ඇමතිතුමා තමන්ගේ කළ ගුණ සැලකීම මනාවට සිදු කළා.

ඒ වගේම එතුමාගේ තර්කය වුණේ මහින්ද රාජපක්ෂ මැතිතුමාගේත් ඥාණසාර හිමියන්ගේත් නීතිඥයා එකම පුද්ගලයා නිසා දෙන්නාම ඉන්නේ එකට. ඒ තර්කය දිගේ ඉදිරියට ගියොත් ගෝඨාභය මහතාගේත් මගේත් නඩු වලට පෙනී සිටින ජනාධිපති නීතිඥ රොමේෂ් සිල්වා මහතා තමයි ශිරාණි බණ්ඩාරනායක මැතිනියටත් පෙනී සිටියේ. ඒ තර්කය අනුව ගියොත් ගෝඨාභය මහතායි ශිරාණි මැතිණියයි මමයි ඉන්නෙත් එකට. තවත්දුරට ඉස්සරහට ගිහාම රණවක ඇමතිතුමාටයි ඥානසාර හිමියන්ටයි දෙදෙනාටම පෙනී සිටින්නේත් එකම නීතිඥයා නිසා රණවක ඇමතිතුමන්ගේම තර්කයට අනුව ඥානසාර හිමියන් සහ රණවක ඇමතිතුමායි ඉන්නේත් එකටමයි. එතුමාගේ තර්කය දැන් එතුමන්ටම භූමරංගයක් වෙලා තියෙන්නේ.

දැන් අපි බලමු එතුමාගේ පච වැලේ තිබෙන පච එකින් එක ගෙන.

පච අංක 1 – මගේ ජ්‍යෙෂ්ඨ නීතිඥයා මටත් ගෝඨාභය රාජපක්ෂ මැතිතුමාටත් ඇප ලබා ගන්න පෙනී සිටියාලු. පට්ටපල් බොරුවක්. මනෝහර ද සිල්වා මහතා සිවිල් නීතිඥයෙක් මිස ඇප නඩු වලට පෙනී සිටින නීතිඥයෙකු නොවේ. ඒ වගේම මා සහ ගෝඨාභය මැතිතුමා වෙනුවෙන් පෙනී සිටියේ නීතිඥ කණ්ඩායම් දෙකක්.

පච අංක 2 – මගේ ජ්‍යෙෂ්ඨ නීතිඥයා මහින්ද රාජපක්ෂ මැතිතුමා වෙනුවෙන් පෙනී සිටියාලු. එතුමා කිසිම දිනක මහින්ද රාජපක්ෂ මැතිතුමා වෙනුවෙන් පෙනී සිටියේ නෑ.

පච අංක 3 – මගේ ජ්‍යෙෂ්ඨ නීතිඥයා වියත් මගේ ප්‍රධාන කථිකයෙක්ලු. එතුමා වියත් මගේ නෑ. එකම එක් වරක් ආරාධිත දේශකයෙකු ලෙස වියත් මගේ සංවත්සරයට සහභාගි වුණා.

පච අංක 4 – තිස්ස විතාරණ සමසමාජ පක්ෂ නායකතුමන් සහ ඥාණසාර හාමුදුරුවන් පසුගිය ජනාධිපතිවරණයේ දී එකම වේදිකාවේ සිටියාලු. බොරු. කිසිම දවසක දෙදෙනා එකම වේදිකාවේ සිටියේ නෑ.

පච අංක 5 – ගෝඨාභය රාජපක්ෂ මැතිතුමා 2020 දී ජනාධිපති කරන්න සිහින මවන අය රණවක ඇමතිතුමාට බයෙන් වේවලනවා ලු. මුලින්ම කියන්න ඕනෑ ජනපතිවරණය පැවැත්වෙන්නේ 2019 මිස 2020 නොවේ. ඒකට ගෝඨාභය මැතිතුමා ඉදිරිපත් කරන්න අපි සිහින මවනවා කියමුකො. නමුත් අපි මොකට ද රණවක ඇමතිතුමාට බය වෙන්නේ? එතුමාගේ පසුගිය පාර්ලිමේන්තු මැතිවරණයේ දී එජාපයේ 26 වෙනියා. ලංකාවෙන්ම 47 වෙනියා. ඉතින් අපි ඇයි ඒ වගේ පරාජිතයෙකුට බය වෙන්නේ? ඔන්න අකිල විරාජ් ඇමතිතුමාට බය වුණා නම් සාධාරණයි. එජාපයේ දෙවැනියා. ලංකාවේ පස්වෙනියා.

පච අංක 6 – මේක තමයි ලොකුම පචය හෙවත් චොම් පචය. 2004න් පසු ජාතික හෙළ උරුමය සහ ඥාණසාර හිමියන් අතර කිසිම සම්බන්ධයක් නෑලු. අතේ පත්තු වන බොරුවක්.

  • 2013 ජූලි 2 දින ජාතික හෙළ උරුමයත් බොදු බල සේනාත් ඒකාබද්ධව මහරගම නගරයේ පලාත් සභා අහෝසි කරනු කියා ජන රැළියක් පැවැත්වූවා. එහි ප්‍රධාන කථිකයින් වුණේ පා ච රණවක ඇමතිතුමා සහ ඥාණසාර හාමුදුරුවෝ. බොදු බල සේනා ඒකාබද්ධ රැස්වීමක් පැවැත්වූ එකම දේශපාලන පක්ෂය ජාතික හෙළ උරුමයයි.
  • 2014 සැප්තැම්බර් 28 දින කොළඹ පැවැති දැවැන්ත සංඝ සමුළුවට පා ච රණවක ඇමතිතුමා සහභාගි වෙන්න සිටියත් එතුමා අවසන් මොහොතේ සහභාගි වුණේ නෑ. නමුත් පසුව ඥාණසාර හිමියන් සමග ගොස් බුරුමයෙන් පැමිණි අශින් විරතු හිමියන් හමු වුණා.
  • 2014 ඔක්තෝම්බර් 19 දින සිය නිල නිවසට බොදු බල සේනා ඇතුළු බෞද්ධ සංවිධාන රැසකට ආරාධනා කරලා රණවක ඇමතිතුමා ජනපතිවරණයට බෞද්ධ අපේක්ෂකයෙකු ඉදිරිපත් කිරීමට සාකච්ඡා කළා. ඊට ඥාණසාර හිමියන් ද සහභාගි වුණා.
  • රණවක ඇමතිතුමන් ආණ්ඩුවෙන් ඉවත්වෙන්නේ 2014 නොවැම්බර් 18 වෙනිද. 2014 නොවැම්බර් 20 දින රණවක ඇමතිතුමා බොදු බල සේනා කාර්යාලයට ගොස් ජනාධිපතිවරණයේ දී පොදු ස්ථාවරයක් ගැනීම පිලිබඳ සාකච්ඡා කළා.
  • බොදු බල සේනා බිහි වීමෙන් පසු හැඩිගල්ලේ විමලසාර හාමුදුරුවන් ජාතික හෙළ උරුමයෙන් ඉවත් වී බොදු බල සේනාවේ පූර්ණකාලිනව කටයුතු කරන්න යනවා. ඉන් පසු උන් වහන්සේ නැවත පක්ෂයට එකතු වෙන්නේ පක්ෂයේ සම සභාපති විධියටයි. ඥාණසාර හිමියන් බොදු සමුළු මෙන්ම මාධ්‍ය හමු අමතන විට උන් වහන්සේ පැවසිය යුතු දේ කනට කෙඳිරීම භාරව සිටියේ විමලසාර හාමුදුරුවන්. උන් වහන්සේගේ කනට කෙඳිරීම භාරව සිටියේ පා ච රණවක ඇමතිතුමන්. මේ ඡායාරූපය පෙන්වන්නේ දෙදෙනා සමීපව වාඩි වී මාධ්‍ය හමුවක් පැවැත්වූ අවස්ථාවක්. ඒ වගේම අළුත්ගම බොදු සමුළුව සංවිධානය කලෙත් ඥාණසාර හිමියන්ට ආරාධනය කලේත් විමලසාර හිමියන්.

මේ මම පැවසුවේ රහස් සාගරයෙන් දිය දෝතක් පමණයි. නමුත් පා ච ඇමතිතුමා පවසන්නේ පච බව පෙන්වීමට මේ හොඳටෝම ඇති. එතුමා උපන් දවසේ එතුමාගේ දෙමව්පියන් පාච රණවක කියා නම දමන්න ඇත්තේ අනාගතයේ එක් දවසක පච කෙලින්න ගිහින් ජාතිය ඉදිරියේ පච වෙන බව දැක්ක නිසා වෙන්න ඕනෑ.

– අරවින්ද අතුකෝරල

89 views

11 Comments to “EXCLUSIVE : පාච රණවකගේ මහා පච වැල හෙලිවේ.. සිල් රෙදි හැලේ..”

  1. asaranaya says:

    පච රණවකයගෙ දෙමව්පියන්ට මල් තියා වඳින්න ඔනේ, අනාගතයේ මේකා පච වෙනබව දැනගෙන නම් තැබීම නිසාවෙන්. මෙයා පච රණවක නොවෙයි පච වකයෙක් ,” රණ”වචනයටත් අපහාසයක්

  2. ssss says:

    මට මතක හැටියට ලෝකයා රවට්ටන්න තට්ටේ ගාලා සිල් රැක්කා, මදැයි ප.ච ට වෙච්ච දෙයක්

  3. Chapa says:

    Hon. Gammampila
    Don’t blame each other and you both work together to protect the country, there is an ideal opportunity to make Rev. Granasara president in 2020. We are fed up with current politicians -MR, MS, Ranil or JVP.

  4. kolitha says:

    ගම්මන්පිල මහත්තයෝ කෙටියෙන්ම කියන්න තියෙන්න * කන ඌරට *ඩ ගද, ගදක්ද කියන එක තමා .

  5. B Amarasinghe says:

    ane manda . mun pirimida kiyala kalayak ekata kala beela indala tharaha vunama okkoma vamaranava. oya deval hela urumayata witharak dala gammanpilata atha hoda ganna puluwanda? e kale eya eva anumatha kala. dennama ekayi

    • Saturn Rings says:

      අනේ ඔහේ වගේ බුද්ධිමතෙක් ! මේ පිලිතුරු දීල තියෙන්නෙ පාච රණවක එල්ල කරපු පොයින්ට් වලට ඒව බොරු බව ඔප්පු කරන්න​. කට වහගෙන හිටියනම් මොකද වෙන්නෙ ? ඔහේල වගේ පතෝල සේනලම කියයි අන්න හොරු !

  6. Moratu Kollo says:

    Ela Gammanpila Manthrithuma . Kanahilaage Redi galevvata.

  7. ජයන්ත says:

    බලන්න බලය වෙනුවෙන් කරන පාවාදීමි මෙනතරමි නින්දිතද?

  8. හෙළ උරැමයා says:

    පචයා පච කෙලලා නොමග යවන්න හදපු ජනතාවට ඇත්ත කීවාට මගේ හරසර

Main News