Exclusive : මන්ත‍්‍රී වෙන්දේසිය යලි ඇරඹේ.. ඇදහිය නොහැකි මිල ගණන් නියම වේ..

December 31, 2018 at 12:02 am | lanka C news
Exclusive : මන්ත‍්‍රී වෙන්දේසිය යලි ඇරඹේ.. ඇදහිය නොහැකි මිල ගණන් නියම වේ..

නව ව්‍යවස්ථාවක් පෙබරවාරි 4ට පෙර සම්මත ගැනීමට එජාප- ජවිපෙ-දෙමළ සන්ධාන හවුල දියත් කර ඇති වැඩපිළිවෙලට අනුව පාර්ලිමේන්තුවේ 2/3 ක බලය ලබා ගැනීම සඳහා එක්සත් ජනතා නිදහස් සන්ධානයේ මන්ත්‍රීවරුන් මිලදී ගැනීමේ ක්‍රියාදාමයට යටත් නොවන ලෙස ඉල්ලමින් ජාතික විශ්ව විද්‍යාල ආචාර්ය සංගමය එ.ජ.නි.ස. නියෝජනය කරන සියලු මන්ත්‍රීවරුන්ට ලිපියක් යොමු කර ඇත. එම ලිපිය පහත දැක් වේ.

එක්සත් ජනතා නිදහස් සන්ධානයේ සියලූ පාර්ලිමේන්තු මන්ත්‍රීවරු වෙත,

ගරු මන්ත්‍රීතුමනි,

“ව්‍යවස්ථා” ද්‍රෝහීකමට සම්බන්ධ වන්න එපා !! ඒ සඳහා ඔබට අයිතියක් නැත !!

එක්සත් ජාතික පක්ෂය, ජනතා විමුක්ති පෙරමුණ සහ දෙමළ ජාතික සන්ධානය එක්ව නව ව්‍යවස්ථාවක්/සංශෝධනයක් ගෙන ඒමට ලහි ලහියේ කටයුතු යොදන බව අපි දැනුම්වත් වී සිටිමු.

එකී නව ව්‍යවස්ථාව/සංශෝධනය මගින් විධායක ජනාධිපතිධුරය මුළු මුණින් අකර්මන්‍ය වූ නාමික තනතුරක් බවට පත් කිරීමටත්, උතුරු සහ නැගෙනහිර පළාත් එක් කර එම පළාත් දෙමළ ජනතාවගේ නිජබිම ලෙස පිළිගැනීමටත්, පළාත් එකකට හෝ ඊට වැඩි ගණනකට එක්ව හෝ වෙන් වෙන්ව ජනමත විචාරණ පවත්වා තීන්දු තීරණ ලබා ගැනීමේ අවස්ථාව ලබා දීමටත් යෝජනා වී ඇති බව ද අපි දැනුම්වත් වී සිටිමු.

තව ද මෙකී ව්‍යවස්ථාව කිසි දිනක වෙනස් කළ නොහැකි පරිදි, සංශෝධනය කිරීමට අවශ්‍යනම් ”සියලූ පළාත් සභාවල අනුමැතිය අවශ්‍ය වේ” යනුවෙන් වගන්තියක් යෙදීමට කටයුතු කර ඇති බව ද අපි දැනුම්වත් වී සිටිමු.

මෙකී නව ව්‍යවස්ථාව/සංශෝධනය ගෙන ඒම සඳහා දැනට පවතින පාර්ලිමේන්තුවේ 150 දෙනකුගේ ජන්දය අවශ්‍යය. නමුත් එක්සත් ජාතික පක්ෂය, ජනතා විමුක්ති පෙරමුණ සහ දෙමළ ජාතික සන්ධානය එක්ව ගත් විට එම ප‍්‍රමාණය නොසැපිරෙන නිසා, මදිපාඩුව එක්සත් ජනතා නිදහස් සන්ධානයේ (එ.ජ.නි.ස.) පාර්ලිමේන්තු මන්ත්‍රීවරු වන ඔබතුමන්ලාගෙන් සපුරා ගැනීමට දැවැන්ත ව්‍යාපෘතියක් දියත් වී ඇති බව ද අපි දැනුම්වත් වී සිටිමු.

එසේ ඇතැම් මන්ත්‍රීවරුන් මේ ව්‍යාපෘතිය සඳහා එක්වීමට උත්සාහ දරද්දී අප සංගමයේ ඇතැම් සාමාජික ආචාර්යවරුන්ගේ ද මැදිහත් වීමෙන් ඒ කටයුත්ත ව්‍යවර්ථ කිරීමට මහත් උත්සාහයක් පසුගිය සතියේ දී ගැනුණු බව ද සිහිපත් කරමු. එ.ජ.නි.ස. එක් මන්ත්‍රීවරයකු මිලදී ගැනීම සඳහා මේ රටේ සාමාන්‍ය මිනිසකුට ඇදහීමට පවා නොහැකි ඉහළ මිලක් නියම වී ඇති බව ද අපි දැනුම්වත් වී සිටිමු.

එ.ජ.නි.ස. පිහිට වූයේ බෙදුම්වාදයට, ත්‍රස්තවාදයට එරෙහිව ජාතික ව්‍යාපාරයක් ලෙසයි. ඒකීය රට රැක ගැනීම, කොටි ත්‍රස්තවාදය පරාජය කිරීම, ජාතිවාදී පදනමින් පළාත් බෙදීමට හෝ පළාත් එක් කිරීමට එරෙහි වීම එම දේශපාලන ව්‍යාපාරය ඇරඹීමට මූලික වූ කාරණාය. 2001-04 සමයේ ජාතිවාදී සහ විජාතික බලමුළු ශක්තිමත්ව තිබූ අවදියක ඒවා පරාජය කරමින් රට ජයගග්‍රාහී මගකට යොමු කළේ එ.ජ.නි.ස. මුල් වූ බලවේගයයි. කොටි ත්‍රස්තවාදය දේශපාලනිකව සහ යුදමය වශයෙන් පරාජය කෙරුනේ එ.ජ.නි.ස. ආණ්ඩු බලය දැරූ කාලයකදී ය. 2015 අගෝස්තු මහ මැතිවරණයේදී ද කිසිදු අඩුවකින් තොරව ජාතිවාදී අභිලාෂයන්ට එරෙහිව ඒකීය රටක් වෙනුවෙන් එ.ජ.නි.ස. පෙනී සිටියේය. එ.ජ.නි.ස. නියෝජනය කළ ඔබ වෙනුවෙන් ජනතාව ජන්දය ලබා දී පාර්ලිමේන්තු යැවූයේ ඒ මතය නියෝජනය කිරීමටයි. එහෙත් දැන් ගෙන ඒමට උත්සාහ දරන නව ව්‍යවස්ථාව/සංශෝධනය මුළුමුනින්ම විජාතික ව්‍යාපෘතියකි; නූපන් පරපුරත් අභාග්‍ය සම්පන්න ඉරණමකට ඇද දමන කොඩිවිනයකි.

2004 දී සහ 2009 දී යුදමය අතින් පරාජය වූ බලවේග අද වෙනත් මුහුණුවරකින් නව ව්‍යවස්ථාවක්/සංශෝධනක් රැගෙන අප හමුවට පැමිණ ඇත. නව ව්‍යවස්ථාව/සංශෝධනය සඳහා කැමැත්ත පළ කිරීම ඔබට ජන්දය ලබා දුන් ජනතාවගේ අභිලාෂයට පිටු පෑමකි; මහා ද්‍රෝහීකමකි; අහස පොළව නුහුලන අපරාධයකි. එවැන්නක් සඳහා ඔබට කිසිඳු අයිතියක් නැති බව අප සිහිපත් කරන අතර මේ මහා පාවා දීමට දායක නොවන ලෙස අපි මහත් ඕනෑකමින් ඔබතුමාගෙන්/තුමියගෙන් ඉල්ලා සිටිමු.

තෙරුවන් සරණයි!

ජාතික විශ්ව විද්‍යාල ආචාර්ය සංගමය වෙනුවෙන්,

මහාචාර්ය චන්න ජයසුමන
මහ ලේකම්

173 views

22 Comments to “Exclusive : මන්ත‍්‍රී වෙන්දේසිය යලි ඇරඹේ.. ඇදහිය නොහැකි මිල ගණන් නියම වේ..”

  1. Appu says:

    Are these crossovers not a violation of voters’ fundamental rights?? it is pathetic no right group goes to court against this.

  2. klm says:

    Dear Channa…why you cannot go to court against these crossovers.This is a clear violation of voters’ rights. It clearly appears that no party is worried about this.

  3. Nuwan says:

    Rata winaasa karanawa salli walata.. Unta lamayi nedda? anaagathayak epaada?

    • The Patriots says:

      If there are any opposition M.P.s , who are on the double minds , whether to safeguard the future of the Unitary nature of our Motherland or to accept the Tamil Diaspora’s dollars to betray your Motherland , which had been protected by our valiant forefathers , sacrificing their lives upto more than 2560 years, they should consider that the Blessings of the Nation is very much invaluable and healthier than those dollars , without which also ,you can afford to have , Considerable Comfortable lives. Otherwise the badly affected future generation would curse you all and they would also curse your future generations.They would also spit on your graves , too.

    • Will the present rulers are so democratic to allow the Nation to have a reasonable dialogue among the people and it being a very crucial matter, which decides the future Unitary state of the Country ,the people , whose hands , the Sovereignty of Sri Lanka lies , according the Constitution ,seek a Referandem, without the rulers taking an upper hand. The people are still amazed and see in disgust , the way they had cunningly , crept in the article that the President cannot dissolve the Parliament within less than 41/2 years , when bringing the 19 th Amendment , without holding a Referandem. They see that ,as a very serious matter and the present rulers have robbed their Sovereignty , guaranteed in the Constitution .As such , the people have no confidence of the the present ruler’s ( as shown impressively in the recent Local elections)
      “KOOTA WEDA , which are seem to be to accomplish the promises they have made to the T.N.A . ,TamilDiaspora , NGOs and foreign countries who have their agendas , to come to power in Jan. 2015.

  4. ප්‍රජාතන්ට්‍රවාදය ගොරවනවා...අධිකරණය බුදි...රටට ඕනේ කොන්ද පන ඇති නායකයෙක්. says:

    ප්‍රජාතන්ට්‍රවාදය ගොරවනවා…අධිකරණය බුදි…රටට ඕනේ කොන්ද පන ඇති නායකයෙක්. ප්‍රභාකරන් යලි ඒවිද?

Main News