IMF බෙහෙත් දෙන්නෙත් නෑ.. නොදෙන්නෙත් නෑ.. බෙහෙත් දෙනවා වගේ පෙන්වනවා විතරයි..

September 22, 2022 at 3:00 pm | lanka C news
IMF බෙහෙත් දෙන්නෙත් නෑ.. නොදෙන්නෙත් නෑ.. බෙහෙත් දෙනවා වගේ පෙන්වනවා විතරයි..

ජාත්‍යන්තර මූල්‍ය අරමුදල සමග අත්සන් කර ඇති ගිවිසුමේ කොන්දේසි මොනවාදැයි ආණ්ඩුව වහා රටට අනාවරණය කළ යුතු බවත් පවතින ආර්ථික අර්බුදය දඩමීමා කර ගනිමින් ශ්‍රී ලංකා රාජ්‍යයේ ‘බෙල්ල මිරිකීමට’ කිසිවකුටත් ඉඩ දීමට උත්තර ලංකා සභාගය සූදානම් නැති බවත් ආණ්ඩුව එම ගිවිසුම පිළිබඳව රටට අනාවරණය නොකර ඉදිරියට යනවා නම් ඊට එරෙහිව නැගී සිටීම පොදු ජනතාවගේ අනිවාර්ය වගකීමක් බවත් උත්තර ලංකා සභාගයේ සභාපති, ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා අවධාරණය කරයි.

බොරැල්ලේ පිහිටි ශ්‍රී ලංකාවේ කොමියුනිස්ට් පක්ෂයේ ප්‍රධාන කාර්යාලයේදී පැවැති උත්තර ලංකා සභාගයේ පක්ෂ නායක මාධ්‍ය හමුවට එක්වෙමින් ඒ මහතා මෙසේ අවධාරණය කළේය.

එහිදී වැඩිදුරටත් අදහස් දැක්වූ වීරවංශ මහතා මෙසේද සඳහන් කළේය.

‘ඇතැමුන් සිතුවා රනිල් වික්‍රමසිංහ රටේ මුල් පුටුවට ගියාම ජාත්‍යන්තර සහයෝගය එකපිට එක ලැබී, මෙම ආර්ථික අර්බුදය සම්බන්ධයෙන් තියුණු තීරණ අරගෙන, එය උත්සන්නවීම වළක්වලා සමථයකට පත් කිරීම සඳහා කඩිනම් පියවර ගනීවි, කියලා. ඇතැමුන් තුළ ඇති වූ එම විශ්වාසයට අපි ගරහන්න ගියේ නැහැ, එය බොළඳ විශ්වාසයක් බවට පුරෝකථන දෙන්න ගියේ නැහැ. ගෝඨාභය රාජපක්ෂ ජනාධිපතිවරයා එළවලා, රනිල් වික්‍රමසිංහ ජනාධිපති පුටුවට ගෙන ඒමට දායක වූ අරගලකරුවන් ඇතුළු සියලුදෙනා අද වික්ෂිප්ත වෙලා ඉන්නවා. රනිල් වික්‍රමසිංහ ආවයි කියලා මේ අර්බුදය සම්බන්ධයෙන් ගත්තු විශේෂ පියවර මොනවාද? ජාත්‍යන්තර මූල්‍ය අරමුදලේ පිහිට පැතීම හැරුණාම ආර්ථිකයේ කඩාවැටීමට අදාළ හේතු විමර්ශනය කරලා එය වැළැක්වීම සඳහා අඩුම තරමින් පනතක් හෝ සම්මත කර ගත්තාද?

‘විදේශ විනිමය පනතේ හිල්‘

දැන් පම්පෝරි කියනවා, ‘අපනයන ආදායම ඉහළ ගිහිල්ලා‘ කියලා. සංඛ්‍යාලේඛන අනුව එය ඇත්තක්. නමුත් අපනයන ආදායමෙන් රට තුළට එන්නේ 20%යි. අපනයන ආදායම වැඩි වුණාට වැඩක් නැහැ, එම විදේශ විනිමය රට තුළට එන්නේ නැත්නම්. එම ආදායම රට තුළට එන්නේ නැත්තේ විදේශ විනිමය පනතේ තිබෙන හිල් නිසයි. ඒ හිල් වහන එක අත්‍යවශ්‍යයි. ඒක තමයි පළමුව කළ යුතු දේ. අඩුම තරමින් ඒකවත් කරලා නැහැ. රනිල් වික්‍රමසිංහ මහතා මුදල් ඇමතිවරයා ලෙස ගෙන ආ අතුරු අය – වැයේ සඳහන් වෙනවා, විදේශ විනිමය පනත ඇතුළු තවත් පනත් කිහිපයක් සංශෝධනය කිරීමට බලාපොරොත්තු වෙනවා කියලා. මේ වෙලාවේ රටට අවශ්‍ය බලාපොරොත්තු නොවෙයි. කඩිනම් පියවර. අතුරු අය – වැයක් රැගෙන ඒම හැර මේ ආර්ථික අර්බුදයට සරිලන කිසිදු කඩිනම් පියවරක් ගැනීමට මේ පාලනය සමත්ව නැහැ. රාජ්‍ය ඇමතිවරුන් තොගයක් පත් කරලා, හෙට අනිද්දාට තව කැබිනට් අමාත්‍යවරුන් කිහිපදෙනෙකු පත්කරලා මේ අර්බුදයට විසඳුම් සෙවීමට බැහැ.

වැඩි පොලියට ගත්තු ණය

රටේ ජනතාවගේ වේදනාවන් දවසින් දවස දෝරේ ගලනවා. නාගරික කුලී නිවැසියන්ට අද කූලී ගෙවා ගන්න බැහැ. කුලිය ගෙව්වොත් බඩගින්නේ ඉන්න වෙන්නේ. ඒ වගේම ගම්බද පෙදෙස්වල තමයි අද මන්දපෝෂණය උග්‍රම වෙලා තිබෙන්නේ. මේ ආකාරයට නාගරික හා ගම්බද ජනතාව දිළිඳු බවේ පතුලටම ඇදගෙන යන එක වැළැක්වීමට ගත්තු පියවර කෝ? මෙයාලා කියනවා, ‘අපි මූල්‍ය අරමුදලේ ප්ලෑන් එකත් සමග යනවා’ කියලා. මූල්‍ය අරමුදල කියනවා, ‘හදිසි ණයදීම් ශ්‍රී ලංකාවට අත්‍යවශ්‍ය නැහැ’ කියලා. දැන් බලනකොට චීන ණය අභිබවා ගොස් තිබෙනවා ඉන්දියාවෙන් රැගෙන ඇති ණය ප්‍රමාණය. ඒ වගේම අපේ රට අරන් තිබෙන සමස්ත ණය ප්‍රමාණයෙන් 47%ක් පමණ, වැඩි පොලියට මූල්‍ය වෙළඳපොළෙන් ගත්තු ණයයි. ඒ වගේම වැඩි පොලියට ගත්තු ණය ප්‍රමාණයෙන් 80%ක්ම අරගෙන තිබෙන්නේ, ‘මෛත්‍රීපාල සිරිසේන – රනිල් වික්‍රමසිංහ’ යහපාලන යුගයේදීයි. මෙම ණය වැඩි ප්‍රමාණයක් අරගෙන තිබෙන්නේ ඇමෙරිකා සහ යුරෝපා සමාගම්වලින්. ණය ප්‍රතිව්‍යුහගත කිරීමට සාකච්ඡා කිරීමට සිදුවන්නේ එම ණය හිමියන් සමගයි. ජාත්‍යන්තර මූල්‍ය අරමුදල මැදිහත්වූවාට එම සමාගම් කැමතිනම් විතරයි ණය ප්‍රතිව්‍යුහගත කිරීමක් සිදු වන්නේ. අකමැති වුවහොත් මේ අර්බුදය තවදුරටත් උත්සන්න වෙනවා.

‘ජනගත නොකළ ගිවිසුම‘

දැන් මේ ණය ප්‍රතිව්‍යුහගතකරණය කරන අතරේ දී ජාත්‍යන්තර මූල්‍ය අරමුදල ශ්‍රී ලංකාව අතට දෙනවා ‘කළ යුතු’ වැඩසටහනක්. ජාත්‍යන්තර මූල්‍ය අරමුදල සමග අත්සන් කරලා තිබෙන ගිවිසුම ජනගත කරලා නැහැ. පාර්ලිමේන්තුවට ඉදිරිපත් කරලා නැහැ. ශ්‍රී ලංකාවේ ණය ප්‍රතිව්‍යුහගතකරණයට පහසුකම් සැලසීම වෙනුවෙන් ජාත්‍යන්තර මූල්‍ය අරමුදල සමග කවර කොන්දේසිවලට ද එකඟ වුණේ? අපි දන්න විදියට එක කොන්දේසියක් තමයි, ‘ජාත්‍යන්තර ණය පමණක් නොව දේශීය ණය ද ප්‍රතිව්‍යුහගතකරණය කිරීම’ යන්න. දේශීය ණය ප්‍රතිව්‍යුහගතකරණය කරන්න කියලා කියන්නේ මොකටද? එහෙම වුණාම රාජ්‍ය බැංකු දෙකතුනක් කඩා වැටෙනවා. ඒ වගේම රාජ්‍ය අරමුදල් කිහිපයකුත් කඩා වැටෙනවා. රාජ්‍ය බැංකු ටිකත් වැට්ටුවාම, ඒවත් පෞද්ගලීකරණය කළාම රජය අන්ත අසරණ ආයතනයක් බවට පත් වෙනවා. රජයට කරන්න පුළුවන් කෙංගෙඩියක් නැති වෙනවා. ‘නව ලිබරල්වාදය’ කියන්නේ රාජ්‍යය බෙලහීන කිරීමම තමයි.

ලෙඩා මළත් බඩ සුද්දයි

මූල්‍ය අරමුදල නැමති දොස්තර ළගට යන්න කියා හර්ෂ ද සිල්වා මහතා ඇතුළු බොහෝ අය කීවානේ. ඒ විශේෂඥ වෛද්‍යවරයා ළඟ තමයි බොහෙත් තියෙන්නේ කියමින් ඔන්න දැන් ජාත්‍යන්තර මූල්‍ය අරමුදලට ගිහින් තිබෙනවා. මෙයා දැන් බෙහෙත් දෙන්නෙත් නැහැ, නොදෙන්නෙත් නැහැ. බෙහෙත් දෙනවා වගේ පෙන්වනවා. ‘ලෙඩා මළත් බඩ සුද්දයි’ වගේ ප්‍රතිකර්මත් කරනවා. බඩ සුද්ද වෙයි. හැබැයි ලෙඩා මැරෙයි. මේ යන්නේ එතැනටයි. කියන්නන් වාලේ ‘ජාත්‍යන්තර මූල්‍ය අරමුදලේ පිහිට පතමු!’ කියපු අයට දැන් වගකීමක් තිබෙනවා, මූල්‍ය අරමුදල ශ්‍රී ලංකාවේ බෙල්ලෙන් අල්ල ගෙන කරන්න යන්නේ මොකක්ද, කියලා කියන්න.

ජනතාව අන්ධයන් බවට පත් කරලා

ආණ්ඩුවට මූල්‍ය අරමුදලෙන් පිට කිසිදු සැලැස්මක්, උපායමාර්ගයක් නැහැ. ඒ නිසා ජනතාවට මූල්‍ය අරමුදල සිදු කරන ක්‍රියාදාමය ඉදිරියේ අන්ධයන් සේ සිටීමට සිදුවෙලා. මේ පාලකයන් රොත්ත තමන්ට ලැබෙන රාජ්‍ය ඇමතිකම, කැබිනට් ඇමතිකම දිහා බලාගෙන වෙන කිසිම අරමුණක් නැතිව දේශපාලනය කරනවා නම් ඔවුන් දන්නේ නැහැ මේ වගේ අර්බුදයකදී තමන්ට ලැබීමට නියමිත ඉරණම කොතරම් භයානකද, කියා.

රාජ්‍යයේ ‘බෙල්ල මිරිකීම’

අපි කියන්නේ එක දෙයයි. මූල්‍ය අරමුදල සමග අත්සන් කරලා තිබෙන ගිවිසුම හෙළිදරව් කරන්න. ඒ ගිවිසුමේ තිබෙන කොන්දේසි මොනවාද කියලා හෙළිදරව් කරන්න. මේ අර්බුදය දඩමීමා කරගෙන ශ්‍රී ලංකා රාජ්‍යයේ ‘බෙල්ල මිරිකන්න’ ඉඩ තියන්න අපි ලෑස්ති නැහැ. මේක ශ්‍රී ලංකා රාජ්‍යයේ බෙල්ල මිරිකන ගිවිසුමක්ද, නැද්ද? කියා අපට අනාවරණය කරන්න. එසේ නොකර යනවා නම් ඊට එරෙහිව නැගීසිටීම පොදු ජනතාවගේ අනිවාර්ය වගකීමක් කියා අපි විශ්වාස කරනවා’

මෙම මාධ්‍ය හමුවට උත්තර ලංකා සභාගයේ ජාතික සංවිධායක වාසුදේව නානායක්කාර, නියෝජ්‍ය සභාපති, මහාචාර්ය තිස්ස විතාරණ යන පාර්ලිමේන්තු මන්ත්‍රීවරු ද එක්ව සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්,
ජාතික නිදහස් පෙරමුණ

14,286 views

6 Comments to “IMF බෙහෙත් දෙන්නෙත් නෑ.. නොදෙන්නෙත් නෑ.. බෙහෙත් දෙනවා වගේ පෙන්වනවා විතරයි..”

  1. suren says:

    It is very important Wimal’s independent group & Dallas group join together soon to make a coalition for which other patriotic groups can join.This group will definitely win the election then next time.

  2. ආර්ථික ඝාතකයෝ says:

    ජා.මූ.අ. න් මේ ආර්ථික ඝාතකයන්ට බඩ යන්න බෙහෙත් ඉල්ලලා දුන්නා නම් ලෙඩ හොද කරගන්න පුළුවන් වේවී..

  3. N.Wimaladasa says:

    We are in period of growing of Nationl wealth by ourselves. This is not the time sold out wealth of nations to foreing countries,it is not nationl interest. Yes we wanted capital investment form foreing Capital ,that methlodogy is differnt mode of Investament of which is come from newly emerging nation of BRICS and SOA nations.

  4. N.Wimaladasa says:

    We are in period of growing of Nationl wealth by ourselves. This is not the time sold out wealth of nations to foreing countries,it is not nationl interest. Yes we wanted capital investment form foreing Capital ,that methlodogy is differnt mode of Investament of which is come from newly emerging nation of BRICS and SOA nations. Having TWO largest comsumer market in world that is India and China are our best choice rather than USA, UK and EU market. We have to be growing Economics and rapid development of GDP of these two nation. Why should we depend of that IMF small package given to recovred our GDP by IMF advicies. Debt repayment is quite important but IMF advices are not the essintilay taken into considseratin is that mean of committed suscided of our Economy by ourselves.
    We have taken advices of Wealth of Nation by Adma Smith not by IMF.

  5. Moka says:

    අනේ පල පල

  6. ඵක්වියයුතුයි,.! says:

    වීරවංශ සමන්ත තිළකරත්න සමඟ ඵක්වියයුතුයි,.!

Leave a Comment

Main News