Kwid පෝලිමේ ගොස් ගන්නට පෙර සිතා බලනු.. මෙන්න ඇසින් දුටු කතාව..

October 1, 2016 at 1:02 am | lanka C news
Kwid පෝලිමේ ගොස් ගන්නට පෙර සිතා බලනු.. මෙන්න ඇසින් දුටු කතාව..

මේ දිනවල මෙරට වේගයෙන් අලෙවි වන ඉන්දීය Renault Kwid රථය සම්බන්ධයෙන් ෆේස්බුක් ඔස්සේ පල වූ අදහසක් පහත පල වෙයි.

උපුටා ගත්තේ කෝසල චතුරංගගේ ෆේස්බුක් ගිනුමෙනි.

Renault Kwid සහ ලංකාවේ අපි…

අත්තිකාරම් මුදල්ද රැගෙන Renault Kwid රථයක් මිලදී ගැනීමට ගියෙමි. සුන්දර ගංගාරාමය අසල කාර්යබහුල ප්‍රදර්ශනාගාරය දේශීය මධ්‍යම පාන්තිකයන්ගෙන් පිරි ගොස් තිබු අතර බහුතරයක් නව රථය පිලිබඳ අමුතු උනන්දුවකින් කටයුතු කරන අතර සිනහවෙන් මුව සරසාගත් අලවි සහායකයන් රථය පිලිබඳ මහා විග්‍රහයක් කරනු දිටිමි. හුරුබුහුටි නිමාවකින් යුතු Renault Kwid දෙස මහත් ආශාවකින් බලා සිටින බහුතරයක් අතර මාද පුරුදු නිරික්ෂනයන්හි යෙදුනෙමි.

මේ මා විසින් දකින අසන ලද නිරීක්ෂණයන් වන අතර මෙහි සඳහන් සියල්ල මාගේ නිරීක්ෂණයන් මත පදනම් වන බව දක්වමි. Renault Kwid විවිධ මාදිලියෙන් නිපදවන අතර මෙහිදී සඳහන් කරනුයේ ලංකාවට හඳුවදෙන රථය පිලිබඳවය.

SUV ආකාරයේ හුරුබුහුටි නිමාවක් සහිත Renault Kwid රථය දකින සියල්ලන්ගේ සිත් වසග කරගන්නකි. ඉදිරිපස පෙනුම රථයට ආකර්ශනයක් ඇතිකරන සුළුය. සිත්ගත් වර්ණ කිහිපයකින් යුතු රථය එම මිලට ඇති සියලු ඉන්දීය රථයන්හි පෙනුම අභිබවායන පරිදි නිමවා ඇත. බාහිර පෙනුම ඔප්නංවන තවත් අමතර උපාංගයන්ද සහිතය.

රථයෙහි ඇතුලත නිමාව එතරම් මටසිලුටු නොවුනද වැඩිඉඩක් දුටිමි. ඉදිරිපස මෙන්ම පසුපසද මගින් සඳහා ප්‍රමාණවත් ඉඩ පහසුකම් ඇතිබව අගයකළ යුතුය.

මෙතරම් අනගි (මුදලට සරිලන පරිදි) නිමාවකින් යුතු රථය තාක්ෂණික සහ පහසුකම් අතින් ඉතා පහල මට්ටමක ඇති බව මා මොහොතකටවත් නොසිතුවෙමි. පළමුව මෙහි ඇන තුනකින් සවිකළ wheels සිතට දුකක් ඇතිකළද එම ආකාරයේ එකම රථය මෙය නොවන බව සිතා Alloy wheels සවිකිරීම සිහිනයක් වුවද හිත හදාගත්හෙමි.

කිසිදු මටසිලුටු බවකින් තොරව රථය ඇතුලට ගොස් දොර වසාගතිමි. Power shutters ඇතිහෙයින් එය සොයාගිය මාහට අලවි සහායකයකු පැවසුවේ එය රථය මැදින් Dash Board එකට පහළින් ඇති බවය. Power Mirrors තබා අතින් සකසියහැකි ලිවරයක්වත් නැත. Mirror adjustment කිරීම Shutters පහත් කර දුක සේ කළයුතුය. සතුට ටිකින් ටිකින් අඩුවන අන්දම මා අත්වින්දෙමි. ආසනයන්හි කිසිදු සුවපහසු බවක් දක්නටවත් නැත. නමුදු Music Player යන්ත්‍රය රථය ඉදිරියේ අභිමානවත් ලෙස සිටිනු දුටිමි. පසුපස ඉඩ පහසුකම් තිබුනද ආසන වල සුවපහසුවක් නොදුටිමි.

පුරුද්දකට මෙන් එන්ජිම නිරීක්ෂණය කළෙමි. සිත දුකින් පිරීයයි. 800cc එන්ජිම ඉන්දියානු ගති ලක්ෂණවලින් පිරි ඇත. ගමේ බාස් මාමා මීට දහස් ගුණයක් මටසිලුටු ලෙස පෑස්සුම් කරනු මා දැක ඇත. දුක පිරි නෙතින් යුතුව බොනට්ටුව වැසුවෙමි.

ලැජ්ජාව පසක තබා බිම වැතිරගන රථය යට නිරීක්ෂණය කළෙමි. අහෝ ඛේදයකි. රථය පහළින්ම plastic oil sump එක දුටිමි. Renault Kwid අලවියට වැඩියෙන් oil sump අලවියෙන් Renault ආයතනයට මුදල් සෙවිය හැකිවනු ඇත. එතරම් පහසුවෙන් හානිවිය හැකි ආකාරකින් එය නිපදවා ඇත. එය විවේචනය කිරීමට ගොස් අලවි නිලධාරියෙකුන් පහර නොකෑවේ පුරුවේ පිනකටය.

කෝකටත් කියා ඉදිරිපස මෙන්ම පසුපසද suspension නිරීක්ෂණය කළෙමි. පිටුපස coil spring එක ඉතා දුර්වල ලෙස සවිකර ඇතිබව දුටිමි. එක පාරිභෝගික මහතකු පැවසුවේ දැනටමත් coil spring ගැලවී ඇති රථ පිලිබන්දව ඔහු අසා ඇති බවය.

අලවි නිලධාරී මහතකු සමග කථාකර Test Driving අවස්ථාවක් ලබාගතිමි. අහෝ ඛේදයකි කණට අපහසු ගෝෂාකාරී හඬක් නංවමින් රථය පණගැන්වුණි. කිසිදිනක අත්නොවිඳි අමුතුම ආකාරයකට reverse ගියරය දැමිය යුතු බව අලවි සහයක මහතා කියාදුනි. 800cc එන්ජිම සාමාන්‍ය නොදියුණු ධාවනයක අත්දැකීම් එක කළ අතර සමාගම පවසන තරම් ඉන්ධන කාර්යක්ෂමතාවයක් නැතිබවද අන්තර්ජාලයෙන් දැක හිත හදාගත් මා පිටවීමට සැරසුණි. මා පැවසු කරුණු අනුව රථය මිලදී ගැනීමට පැමිණි තවත් පාරිභෝගිකයන් මා සමග සුන්වූ බලාපොරොත්තු සමග ප්‍රදර්ශනාගාරයෙන් ඉවතට පැමිණුනි.

Full Option නමින් හඳුන්වන රථය driver air bag සහිතවුවද NCAP test නිරීක්ෂණය කළවිට ආරක්ෂාව අතින් ඉතා දුර්වල බව පසුව අන්තර්ජාලයෙන් දුටිමි.

මෙය ලිවිය යුතුමයි සිතුවද නොලියා සිටියෙමි. නමුදු Renault Kwid රථ 1500 පමණ සමග නැවක් පැමිණි පුවතත් සමග ලිවීමට සිතුවෙමි. අතේ ඇති මුදලට මිලදී ගත හැකි රථයක් උවද එම මුදලින් පැරණි ජපන් කාරයක් මිලදී ගැනීම වඩා බුද්ධිමත් තේරීමක් බව නැවත නැවතත් සඳහන් කළයුතුය.

මෙහි සඳහන් සියලු කරුණු මාගේ නිරීක්ෂණ සහ අලවි නිලධාරීන් ලබාදුන් තොරතුරු මත පදනම් වේ.

– කෝසල චතුරංග FB

94,140 Viewers

18 Comments to “Kwid පෝලිමේ ගොස් ගන්නට පෙර සිතා බලනු.. මෙන්න ඇසින් දුටු කතාව..”

  1. chaminda sada- dhaka says:

    Malli. Thank you. very good explanation. This is the reality of the Indian vehicles . They just give rubbish to us and manufacturing better ones for them self.

    • සුනිමල් says:

      කෝසල ඔබේ නිරීක්ෂණ හා අත්දැකීම් හරියටම හරි මමත් මේ රථය මිලදී ගැනීමට සමාගමට ගොස් වාහනය ගැන සොයා බැලුවා ඔබ කියා ඇති සෑම දේම නිවැරදියි .පිටින් තිබෙන පෙනුම ඇස් බැන්දුමක් පමණයි වාහනයේ ඇතුලත කතාව වෙනස් කතාවක්. මේ වාහනය ගැන නියම කතාවන් එලියට එන්නේ අසරණ මිනිසුන් දහස් ගණනක් පෙනුමට රැවටී අමාරුවේ වැටුනාට පසුයි .
      ඉන්දියන් වාහනයක් හෝ ඉන්දියාවේ සාදන ලද වාහනයක් මිලට ගන්න අදහස් කරන කවුරු කවුරුත් පළමුව මේ වාහන වල ආරක්ෂා විදිවිදාන මොනවා දැයි සොයා බලන්න .මරුටි වාහන අන්තර්ජාතික ආරක්ෂා ප්‍රමිති ආයතනයෙ තම වාහන ඉදිරිපත්කර ආරක්ෂාව ගැන ඔවුන්ගේ සහතිකය ලබාගන්නේ නෑ .අද ප්‍රංශයෙ වැඩි පිළිගැනීමක් නැති ඉන්දියාවේ නිෂ්පාදිත මෙම වාහනයෙ ආරක්ෂා ප්‍රමිති ඇගයීම ඉතාම අඩුයි .එසේම කෝසල කීවාක් මෙන් සම්ප් පමණක් නොවේ ගියර් ලිවර් කොටස් එන්ජින් කොටස් පවා මෙවැනි ඇස් බැඳුම් වල ප්ලාස්ටික් වලින් නිමවා තිබෙනවා .
      මෙවැනි වාහනයක් ගන්නවා වෙනුවට ජපානයේ නිෂ්පාදිත පැරණි වාහනයක් ගන්න එක වඩා නුවනක්කාරයි .

      • කලන says:

        janaka ඔයා එක්ක මම එකඟයි ලංකාවේ එකලස් කරන Micro Panda රථ මිට වඩා ගොඩක් හොඳයි .ඉන්දියාවේ වගේ නෙවෙයි චීනයේ නිපදවන වාහන වලට අනිවාර්යෙන්ම අන්තර්ජාතික වාහන ආරක්ෂා පිලිබඳ ආයතනයේ ආරක්ෂා හා තත්ත්ව සහතිකය ඕනා .ඉන්දියාවේ එහෙම ආයතනයක් ගැන අහලවත් නෑ .ඒවගේම Panda වාහනය හදන ගිලී සමාගම තමයි වොල්වෝ රථ වාහන සමාගමේ අයිතිකරුවන් .ඔවුන් තාක්ෂනය අතින් ඉහල වාහන නිපදවන්නේ .පැන්ඩා රථය චීනයේ නිපදවූ ආරක්ෂාව පිලිබඳ තත්ත්ව සහතිකය ලබපු පළමුවෙනි වාහනය .එහි චෑසියේ ශක්තිය වැඩි නිසා බර ටිකක් වැඩි අන්න එනිසයි ඉන්දන දහනය ටිකක් වැඩි .නමුත් පැන්ඩා අලුත් වාහන වල ඉන්දන බාවිතය අඩුයි මගේ PANDA CROSS රථය 1300 එන්ජිම සහිතයි එකේ ලීටරයකට කිලෝමීටර් 14 නගරයේ යන්න පුළුවන් .
        අපේ රටේ එකලස් කරන නිසා මේ වාහන මිලට ගැනීමෙන් අපි අපේ රටේ මිනිසුන්ට සේවයක් කරනවා අපේම සමාගමකට වැඩෙන්න ඉඩ දෙනවා .ඉන්දියානු ආක්‍රමණිකයා පොහොසත් කරන්නේ මොකටද ?උන්ගේ බරකරත්ත ගන්නේ මොකටද ?
        පැන්ඩා වාහනය පැදවීමේදී නියම මෝටර් රථයක් බව තේරෙනවා .නමුත් ඉන්දියන් බරකරත්ත පදවා තියනවාද ?ඒවා පැදවීමේදී දැනෙන්නේ කාර් එකක් කියල නෙවෙයි නිකන් කරත්තයක් වගේ .

      • කර්තේලිස් ආතා says:

        ☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺ළමයිනේ අර රන්න පොනිල් තුමා කියාපු “පොක්ශ් වැගොං” කාර් ඕනෑ තරම් රුපියල් ලක්‍ෂෙට දෙකට තියෙද්දි මේ මළඉලව්වක් මොකටදෑ මං අහන්නෙ.

        ☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺

  2. බන්ඩා says:

    ඔිකට කියන්නෙ “යහපාලන ඉල්ලන් කෑම” කියලය්.

  3. Ajantha says:

    I also inspected this vehicle at AMW show room. at Gangaramaya. I agree with Kosala 100%.

  4. Dhathusena says:

    මෙන්න මේකට තමයි යහපාලන නංගි කිව්වෙ නොතෙමි යන්න කාර් එකක් ගන්නව කියල……ඉති ඔය කියන විදිහට මේක හොඳ නොතෙමි යන්නම විතරයි

  5. Janaka says:

    ලංකාවේ හදන මයික්රෝ කාර් මීට වඩා සියයට 500ක් හොදයි

  6. mel says:

    ඔිකට කියන්නෙ “යහපාලන ඉල්ලන් කෑම” කියලය්.. සිරි….ගේ සංහිදියාව

  7. sam says:

    Janaka

    Lankawe Micro car hadanne na. Borunam Hoyala balanna. Siyaluma kali genth fit karana withari. Me car harinam adu milata denna ona. mokada micro karayata Tax free gennada dena nisa. mamath KIWD ekak dakka matanam nikam dunnath epa.?????
    Laksha 21 kata hoda thathwaye Japan car ekek gatha haki… ( swift, AE110, CARINA, 121, vitz, march….etc

  8. sisira says:

    mehemai , indiyawe oya car eka wikunanne lankawe mudalin ru.laksha 6.00 pamana,a gaanata nishpadakayinta divya rathyak denna be.lankawe badu nisa kar hadana kompaniyatat wada laba tiyenne rajayata.ayala lankawe eka kar ekakin ganna badda witarak ganna adu taramin car 20 k wat nishpadanaya kala utuyi. menisa api wage ratakata diunu ratawalin second hand wahana gennana eka tamayi kala utte,ewita wasara pahakin witara maga kada wetena wahana ona wenne ne.(balanna indian bike ha honda re condition wala wenasa)

  9. FUK says:

    ඕක මොකක්ද බන් ..පෙනුමට රැවටිලා ඕකක් ගත්ත කියල ඕන නම් ටික කාලෙකට රැවටෙයි .ඒ වගේද අපේ උන් දැන් දැන් මේකප් දාපු කෙල්ලන්ට රැවටිලා කසාද බැඳලා මුළු ජිවිත කාලෙම රැවටෙන්නේ ..

  10. Vijay says:

    They might have imported here due to a auge commission to a Minister or someone.
    Yahapalanaya also having the same corruption and money laundering systematically.
    All ministers and MPs are trying to collect lot of money before the next election.
    Dear Hon MS, can you please give these cars to MPs and Ministers and withdraw all the cars and jeeps they are having now?. You can even give them 3 cars per Minister from the new lot.

  11. Raviya says:

    ආ‌රංචියෙ හැටියට මේ හැම කාර් එකකින්ම ආ‌න්ඩුවෙ ලො‌කුම ඇ‌මතියෙකුට ලක්ෂ පහ බැගින් තියෙනවා. එයා තමයි හයිබිඩ් වල ටැක්ස් වැඩිකරලා ඒ‌එම්ඩබ්ලිව් එකට බිස්නස් හදපු කෙනා. දැන් ඒ‌එම්ඩබ්ලිව් එකේ නිල නො‌වන ලාභ ලබන්නෙක් ඔහු. මේ එයාගෙ දෙවෙනි වාහන ඩීල් එක.1500 වරක් ලක්ෂ පහ සමානයි බිලියන හතයි දශම පහයි. කො‌හො‌මහරි ක්විඩ් එකක් අරගෙන ඒ‌ කරැණා වන්ත නායකයට කීයක්හරි හො‌යල දෙන්න අපිත් දායක වෙමු.

  12. RICHMOND PEIRIS says:

    මහින්ද ජනපති තුමා මේවට තමයි කිව්වේ ‘උඩින් සීනි තවරලා දෙන වස කුප්පි’ කියල! බලන්න කාරෙක කොච්චර ලස්සනද කියල. හරියට පාට කරපු කුණු බිත්තරයක් වගේ! ඇතුලේ තියෙන්නේ කුණු ගඳ ගහන ජරා ගොඩක්! මේවට මිනිස්සු රවටන ආණ්ඩුවේ ජරා කාක්කන් ගැන හොයන්න FCID එකට සම්බන්ධ තවත් section එකක් ඊළඟ ආණ්ඩුව යටතේ හදිය යුතුයි! Thank you for the post!

  13. Mahesh says:

    මීට අමතර කතාවක් අසන්නට ලැබුනා, AMW හා ඉන්දීය බලපැමට යටවී මේ ආන්ඩුව ලoකාවේ වාහන එකලස් කිරිමේ ව්‍යාපෘතියට තිත තියන්න හදනවා. දැනට ලoකාවේ වාහන එකලස් කරන්නේ අඩු බදු අයකිරීම හා 30% දේශීය ආම්පන්න එකතු කිරිමේ කොන්දේසි වලට යටත්ව. මේමගින් දේශිය නිශ්පාදකයන්ට හොද මිලක් හා සුර්ක්ෂිතභාවයක් ලැබේනවා. එවගේම රැකියා විශාල ප්‍රමානයක් හා සේවකයන්ට ලොකේ ඔනැම තැනක වැඩකිරිමට හැකි අත්දැකීමක් ලැබෙනවා. තවද ලoකාවේ එකලස් කරන සියලු වාහන හොද ආරක්ෂිත වාහන. අවාසනාවට මේ රජය එය විනාශ කිරිමට හදනවා.

Main News