LTTEය මුලින් පටන්ගත්තු විදහට යලි එන්න හදනවා.. පොලිස් නිලධාරියෙකු මැරුවා කැපුවා කියා අපි පලිගන්න යන්නෙ නෑ..- පොලිස්පති

August 2, 2017 at 11:20 am | lanka C news
LTTEය මුලින් පටන්ගත්තු විදහට යලි එන්න හදනවා.. පොලිස් නිලධාරියෙකු මැරුවා කැපුවා කියා අපි පලිගන්න යන්නෙ නෑ..- පොලිස්පති

ත්‍රස්තවාදය සහමුලින්ම අවසන් වී නොමැති බවටත් එල්.ටී.ටී.ඊ. සංවිධානය මුලින්ම පටන්ගත්ත විදිහට නැවත එන්න හදන උත්සහය නැවත්විය යුතු බවට පොලිස්පති පූජිත ජයසුන්දර මහතා කියා සිටියේය.

පොලිස්පති වරයා මේ බව කියා සිටියේ ඊයේ (01) සවස යාපනය පොලීසියේ ශ්‍රවනාගාරයේදී සිවිල් සංවිධාන හා ආගමික නායකයින් සමග පැවති සාකච්ඡාවක් අමතිමිනි.

එහිදී පොලිස් පති වරයා වැඩි දුරටත් මෙසේ කියා සිටියේය.

‘ඕනෑම රටක් ගත්තොත් එය අපේ රටට සමානයි ත්‍රස්තවාදයක් අවුරුදු 30 ක් වැනි කාලයක් පැවති රටක අපි ත්‍රස්තවාදය අවසන් කරයි කිව්වට එහි යම් යම් බීජයන් ඒ ආකාරයෙන්ම අවසන් වුනයි කියල කාටවත් කියන්න බැහැ මේ කරුනු මම කියන්න කැමතියි එකක් ත්‍රස්තවාදීන් විසින් පාවිච්චි කරපු අවි ආයුධ ලක්ෂ ගනනින් බාරදුන්නා සියලු වි ආයුද ඉවරයි කියන්න බැහැ අනිත් එක ඒ අයගෙ තිබුනු පුහුණුව ජීවන රටාවත් එක්ක ගියපු ආකල්ප වෙනස් වෙලා නැහැ එකක් වුනා දෙකක් වුනා අපේ නිලධාරීන්ගෙත් වැරදි තිබුණා මේක මේ විදිහට යන්න දෙන්න බැහැ මේක නවත්තන්න වෙනවා පොලීසිය හා පොලිස් විශේෂ කාර්ය බලකාය දැන් ආරක්ෂාව තහවුරු කරල තියනවා නමුත් අපිට මහජනතාවගේ සහයත් අවවශ්‍යයි එයයි මෙහි ප්‍රධානතම දේ.

ප්‍රතිඵල දායක විදිහට ප්‍රජා පොලිස් කමිටු උපදේශක කමිටු ,රාජ්‍ය නිලධාරීන් හා ප්‍රදේශයේ මහජනතාවගේ තියන සබඳතාවය විශ්වාශය නැත්තම් මේ ගමන යන්න පහසු නැහැ විවිධ අන්තවාදීන් හා සංවිධාන වල පුද්ගලයින් විසින් විවිධාකාරයෙන් ජනමාධ්‍යත් යොදාගෙන මේ සාමය හා ජනජීවිතය අවුල්සහගත වන අයුරින් වැරදි අර්තකතනයන් දේශීය හා විදේශීව දෙන්න උත්සහ කරනවා හුදෙක් ඒ අයගේ පෞද්ගලික අවශ්‍යතා හා පැවත්ම මෙන්ම මුදල් හම්බකිරීම උදෙසා එල්.ටී.ටී.ඊ සංවිධානයත් මුලින් ආව විදිහට තමයි මේ අය එන්න හදන්නේ මේකට අපි ඉඩ දිය යුතු නැහැ ඔබ එය නිවරදිව වටහාගන්න.

මේකට දෙන්න පුලුවන් හොඳම උත්තරය තමයි නීතිය ක්‍රියාත්මක කිරීම හා සාමය සුරකීම ඉතාමත් ක්‍රමානුකූල විදිහට පෞද්ගලික න්‍යාය පත්‍රෙයන් තොරව එකිනෙකාගේ අවශ්‍යතා ඉෂ්ඨ කරන්න නොව සමස්ථ ජනතාව වෙනුවෙන් තමුන්නාන්සේලා සියලු දෙනා වෙනුවෙන් තමයි මේ ශ්‍රිලංකා පොලීසිය තියෙන්නේ එයට සහයට ජාතික ආරක්ෂාව සහතික කිරීමට හමුදාමය තත්වයක් තියනවා ඒ හැමදෙනෙක්ම එකතුවෙලා ඉන්නේ.

ඔබ දන්නවා පොලීසිය ඉස්සරට වඩා වෙනස් පොලීසිය තුල විශාල වෙනසක් තියනවා ඒ වගේම ජාතික පොලිස් කොමිෂම මේ ඔක්කමත් එක්ක උතුරේ ජනතාවගේ ආරක්ෂව වෙනුවෙන් දෙන්න පුලුවන් උපරිම අපි කරනවා

මේක පෞද්ගලික අවශ්‍යතාවක් ඉෂ්ට කරනවාට වඩා පොදුවේ ඔබගේ ආරක්ෂාව තහවුරු කිරීම නිදහසේ ඔබට යන්න එන්න පුලුවන් වාතාවරනයක් ගොඩ නැගීම පොලීසියට භාර කටයුත්තක් අන්න ඒ කාර්ය සිදුවීමකින් දෙකකින් තුනකින් ගිලිහෙන කොට මිනිස්සු අතරෙ තියන විශ්වාශයත් පලුදු වෙනවා ඒ නිසා නිශ්චිත විදිහට ඒ වෙච්ච සිද්දිය අරගෙන නීතිවිරෝධීව අනෙකුත් අය කරන විදිහට පොලීසිය කරන්න බැහැ පෞදගලිකව පලිගන්න ගහන්න විනාශ කරන්න බැහැ එක් එක් වාහන වලින් සුදු වෑන් වලින් වගේ අරන් යන්න ඒවා කරන්න බැහැ රටේ නීතියට අනුකූලව ප්‍රදේශයේ පරිපාලනයට අනුකූලව අවශ්‍ය සාක්ෂි සහිතව නීතිමය අයුරින් අත්අඩංගුවට ගෙන අධිකරණයට ඉදිරිපත් කිරීමයි.

අපේ නිලධාරියෙකු කැපුවා අපේ නිලධාරියෙකු මැරුවයි කියලා අපි පලිගන්න යන්නෙ නැහැ අපි එස්.ටී.එෆ් එකෙත් උදව් අරගෙන හමුදාවෙත් උදව් අරගෙන මිනිස්සුන්ට හිංසා වෙන කොයිම විදිහේ වැඩපිළිවලක්වත් දියත් කරන්නෙ නැහැ අපි බොහොම ඉවසීමෙන් සංයමයෙන් එ සිද්ධි දිහා බලලා අදාල පුද්ගලයින් ගැන බුද්ධි අංශ වලිනුත් තොරතුරු අරන් අපි සාකච්ඡා කරල තමයි අපි අත්අඩංගුවට ගන්නෙ අපි දැනටමත් පුද්ගලයින් දෙදෙනෙකු අත්අඩංගුව ගෙන තිබෙනවා ඒ අය පුනරුත්තාපනය නොවුනු හිටපු එල්.ටී.ටී.ඊ .සංවිධානයට අයත් අය පොලීසියට පහර දීමට 15විතර යතුරු පැදි වලින් පැමිණ තිබෙනවා අපි ඒ අය එකින් එකා අත්අඩංගුවට ගන්නවා නීතයට අනුව මේ පෞද්ගලිකත්වකින් තොරව මේ කාර්ය සාර්ථක කරගන්න නම් අපට මහජනතාවගේ සහයත් අවශ්‍ය වෙනාව ඔබ මේ ගැන ඔබේ ප්‍රදේශයට ගොස් අනෙකුත් අය සමග සාකච්ඡා කොට ඔවුන්ට පැහැදිලි කරයි කියා මා හිතනවා’

– වන්නි රොමේෂ් මධුෂංඛ

116 views
Main News