SJB-JVP අමු සොහොනක රජවෙන්න බලා ඉන්නවා.. 21 සංශෝධනයට සහාය දෙනවා..

June 3, 2022 at 6:20 am | lanka C news
SJB-JVP අමු සොහොනක රජවෙන්න බලා ඉන්නවා.. 21 සංශෝධනයට සහාය දෙනවා..

21 වෙනි සංශෝධනයට තමන් පූර්ණ සහයෝගය දක්වන බව 43 සේනාංකය පවසයි.

‘විසි එක්වෙනි සංශෝධනය ද? මහ මැතිවරණය ද? ආර්ථික ප්‍රතිසංස්කරණ ද? මැයෙන් 43 සේනාංකය විසින්  (2) පවත්වන ලද මාධ්‍ය හමුවක දී වැඩිදුරත් අදහස් දැක්වූ එහි සභාපති, හිටපු අමාත්‍ය කරු පරණවිතාන මහතා පෙන්වා දෙන්නේ රට බරපතල ප්‍රතිසංස්කරණ කිරීමේ හැකියාවක් වත්මන් ජනාධිපතිවරයා සතුව නොමැති බවය. අද ඇතිවී තිබෙන අර්බුදයන්ට මූලික වශයෙන් වගකිව යුත්තේ වත්මන් ජනාධිපතිවරයාය.

අධ්‍යාපන ප්‍රතිසංස්කරණ මුවාවෙන් කොතලාවල ආරක්ෂක වෛද්‍ය පීඨය හමුදාකරණය කිරීම මගින් පෞද්ගලිකකරණය කිරීමට උත්සාහ දැරුවේ වත්මන් ජනාධිපතිවරයා යටතේය. එමෙන්ම ඔහු බලය අවභාවිතා කරමින් බරපතල අපරාධකාරයන්ට ජනාධිපති සමාව ලබා දුන්නේය. අධිකරණය අද මේ තීරණ අනෙක් පැත්ත හරවා තිබේ.

‘දෙවියන්ගෙ නාමයට අධ්‍යාපන ප්‍රතිසංස්කරණ වලට අත තියන්න එපා. ඒවා කරන්න ඊළඟ ආණ්ඩුවක් ආවට පස්සෙ ජනතාවගෙ කැමැත්තෙන්, අනුමැතියකින්. කරපු මෝඩ වැඩවලින් සමාජයට විශාල හානියක් වෙලා තියෙනවා. ඒවා පිළිසකර කරන්න ජනතාවට උදව් කරන්න. අධ්‍යාපනය නම් කාබනිකකරණය කරන්න ලෑස්ති වෙන්න එපා.’

විජේදාස රාජපක්ෂ අමාත්‍යවරයා විසින් ගෙන එන ලද 21 වෙනි සංශෝධනය සම්බන්ධයෙන් අදහස් දැක්වූ පරණවිතාන මහතා සඳහන් කළේ, එම කෙටුම්පත තවත් දියුණු විය යුතු බවය.

‘මේක දියාරු නොකර වඩා ශක්තිමත් කර පාර්ලිමේන්තුවට ඉදිරිපත් කරන්න ඕනෙ. මේක සම්මත කරගන්න මැදිහත් වෙන එක පාර්ලිමේන්තු මන්ත්‍රීවරුන්ගෙ යුතුකම.

පොහොට්ටු පක්ෂයේ පිරිසක් මෙය පරාජය කරන්න කුමන්ත්‍රණ කරමින් ඉන්නවා. ඒවාට නායකත්වය දෙන්නෙ ද්විත්ව පුරවැසි භාව්‍ය සහිත බැසිල් රාජපක්ෂ මැතිතුමා. නමුත් පොහොට්ටු පක්ෂයේ විශාල පිරිසක් ඉන්නවා 21 වෙනි ව්‍යවස්ථා සංශෝධනයට සහයෝගය දෙන්න. මහින්ද රාජපක්ෂ මැතිතුමා දෙවතාවක් බලයට පත්වුණේ අලුත් ආණ්ඩුක්‍රම ව්‍යවස්ථාවක් ගේනවා කියලා. ගෙනාවෙ 18 වෙනි සංශෝධනය. ජනාධිපති ධුරයට තුන්පාරක් එන්න සංශෝධනය කරගත්තා. අයියා කරපු බොරුව තමයි මල්ලිත් කළේ. හොඳ ව්‍යවස්ථාවක් ගේනවා කියලා 20 ගෙනාවා.’

දැන් පාර්ලිමේන්තුවට කළ හැක්කේ ප්‍රජාතන්ත්‍රවාදී සංශෝධනයක් ගෙනැවිත් නැවත 19 තියෙන තැනින් පටන්ගෙන එහි අඩුපාඩුත් හදාගෙන ගැඹුරු ව්‍යවස්ථා සංශෝධනයක් කිරීම බව පරණවිතාන මහතා පෙන්වා දුන්නේය.

‘ද්විත්ව පුරවැසි බැසිල් රාජපකෑ මහතාගේ මුදල්වලට හෝ දේශපාලන බලයට හෝ පාදඩ මැර බලයට හෝ මේ සංශෝධනය වට්ටවන්න ඉඩදෙන්න එපා කියන එක අපි ඒ පොහොට්ටු මන්ත්‍රීවරුන්ගෙන් ඉල්ලා සිටිනවා’

රනිල් වික්‍රමසිංහ මහතාගේ ප්‍රධානත්වයෙන් සාදාගෙන තිබෙන වත්මන් ආණ්ඩුව වෙනස් කොට කෙටිකාලීනව සර්ව පාක්ෂික ආණ්ඩුවක් සෑදිය යුතු බව 43 සේනාංකය මෙහිදී අවධාරණය කළේය.

‘එම ආණ්ඩුවේ රාජපක්ෂලා නොවන ඕනෑම කෙනෙකු අගමැති වුනාට කමක් නැහැ. දැන් තියෙන ආණ්ඩුවම වුණත් සර්ව පාක්ෂික ආණ්ඩුවක් බවට පරිවර්තනය කරලා කාරක සභා ක්‍රමය ගෙනැල්ලා 21 න් ඇතිවෙන්නාවූ ප්‍රජාතන්ත්‍රවාදී සන්දර්භය යටතේ කෙටිකාලීන ආණ්ඩුවක් පවත්වාගෙන යන්න. එතකොට තමයි  වර්තමාන ආර්ත්ජික අර්බුදය හමුවේ ජාත්‍යන්තර සහයෝගය, දේශීය වශයෙන් ජනතා සහයෝගය ලබාගත හැක්කේ. අවම දේශපාලන ස්ථාවරත්වයක් ඇතිවෙන්න නම් මේ ප්‍රතිසංස්කරණය වෙන්න ඕනෙ.

අවාසනාවට සමගි ජන බලවේගය සහ ජනතා විමුක්ති පෙරමුණ මැතිවරණ තර්කයේ තවමත් එල්ලිලා ඉන්නවා. අමු සොහොනක කිරුළු දරා පලක් වෙද? මේ වෙලාවෙ කරන්න තියෙන හොඳම දේ තමයි 21 වෙනි සංශෝධනය සම්මත කරලා සර්ව පාක්ෂික ආණ්ඩුවක් හදලා ඒ ආණ්ඩුවෙ වගකීම පාර්ලිමේන්තුවෙ සියළු දෙනාම දරමින් පක්ෂ විපක්ෂ බේදයක් නැතිව තාවකාලික ආණ්ඩුවකට එකතු වෙලා පුළුවන් ලැබෙන පළමු අවස්ථාවේ දීම ජනතාවට තමන් කැමති කෙනෙක් බලයට පත් කරගන්න අවස්ථාවක් දෙන එක.’

මේ අවස්ථාවට එක් වූ 43 සේනාංකය වෘත්තීය සමිති හා බහුජන සංවිධාන ලේකම් බන්දුල චන්ද්‍රසේකර මහතා සඳහන් කළේ 21 වෙනි සංශෝධනය ශක්තිමත්ව ඉදිරියට ගෙනයාමට වෘත්තීය සමිති ව්‍යාපාර සහ බහුජන සංවිධානවලින් ඉල්ලා සිටින බවය.

’21 වෙනි සංශෝධනය සාර්ථකව අපි ජයග්‍රහණය කළහොත් අර ද්විත්ව පුරවැසියාගේ බාධාවලට ඉඩනොදී ශක්තිමත්ව ගෙනාවොත් තමයි අපිට ඊළඟට නියම සර්ව පාක්ෂික ආණ්ඩුවක් මේ පාර්ලිමේන්තුව තුළ ගොඩනගා ගන්න පුළුවන්. 21 වෙනි සංශෝධනයෙන් පිහිටුවන ජාතික සභාව ශක්තිමත් කරලා තිබ්බොත් පාර්ලිමේන්තුවෙ ඉන්න මන්ත්‍රීවරු දේශපාලනඥයන් පමණක් නෙවෙයි වෘත්තීය සමිති නායකයන්ට විද්වතුන්ට මේ සඳහා මැදිහත් වෙලා රටට හිතකර ප්‍රතිසංස්කරණ සිදුකර ගත හැකිවෙනවා’

– Media unit

80,205 views

22 Comments to “SJB-JVP අමු සොහොනක රජවෙන්න බලා ඉන්නවා.. 21 සංශෝධනයට සහාය දෙනවා..”

  1. Gamini Senanayake says:

    ඔබ නේද 19 වෙලාවෙත්, විධයක බලතල ඉවත් කරනවට විරුද්ධ වුනේ.
    තවියෙන් බුදු වෙන් නේදහදන්නෙ. කරල බලන්න.

  2. බුලත්සිංහල ජයතිස්ස. says:

    පා.ච. රණවකට කවදාවත්ම එක පක්ෂයක, එක ප්‍රතිපත්තියක ඉන්න බෑ. මෑන්ගෙ දේශපාලන පරිනාමය සිදුවෙලාම තියෙන්නෙ එහෙමයි. විශ්ව විද්‍යාලයෙදි JVP කරලා, දෙවනුව උග්‍ර ජාතිවාදී මතයක ඉඳලා, පසුව අත්දැකීමිවලින් හෝ නව ප්‍රවනතාවයන් හඳුනාගැනීම හොඳයි. ඒවගේම මම තමයි උගතා, මම තමයි දන්නෙ, අනිත් අය මොනවද? දන්නෙ, මම තමයි කතිකයා කියන මමත්වයෙන් මිදුනොත් හොඳයි. 43 වෙනි බලකායට ඇති ජන පදනමක් නෑ. දැන් තියෙන්නෙ Digital යුගය. යහපාලන කාලෙත් අමාත්‍යාංශයේ අතිවිශාල මුදලක් වැයකරමින් සිය ප්‍රතිරෑපය පුම්බගන්න රටවටේ ගියා. කෙරැණු වැඩක් නෑ. රනිල් – ගෝඨාභය සමග එකතුඋනත් මේ යකාට එතනත් වැඩිකල් ඉන්න බෑ. මොකද? පණ්ඩිතයට ඒදණ්ඩෙ යන්න බෑ කියල කතාවක් තියෙනවනෙ. රනිල්ට උගන්නන්න ගිහින් ගියපාරත් කෙළවගත්තා, මේපාරත් ඒ සන්නැහිම තමයි. ඉක්මනින්ම රනිල් – ගෝඨා හවුලට සෙට්වෙන එක හොඳයි. හරීන් , මනූෂ වගේ මෙයාටම ගැලපෙන මරැ බඩු සෙට්එකක් එතන ඉන්නවා. එතකොට සජිත්ට තියෙන ලොකු හිසරදයකුත් අහවරයි.

  3. Name says:

    ගොඩක් දේශපාලඥයො වැරදි කියනව විතරයි. පාර්ලිමේන්තුවෙ ඉන්න වැරදි කීමෙන් එහාට ගිහිං technical solutions ඉදිරිපත් කරන දේශපාලඥයො අතලොස්සෙන් කෙනෙක් මේ මනුස්සය. ලංකාවෙ උන්ට පේන්න බෑ. ලංකාවෙ උන්ට ‌කොහොමත් ඔ්නෙ රාජපක්ශල වගේ මෝඩයො. මේ වගේ මිනිස්සුන්ව පේන්න බෑ.

    • මැදමුලනෙ මුත්තා says:

      හරි ෂෝක් අනේ මෙයාගෙ Technical Solutions. තමුන් එළවගෙන ගිය වාහනයෙ හප්පලා තරැණ කොල්ලෙක් අබ්බගාතයෙක් කළා. ඒ මදිවට හොරට තමුන්ගෙ රියැදුරා ඉදිරිපත්කරල ඌවත් අමාරැවෙ දාලා, පොලිස් නිළධාරියෙකුත් අමාරැවෙ දැම්මා. තමුන්ගෙ බිරිඳටත් දසවද දුන්නා. අම්මෝ ගල්අඟුරැ නැව් කතාකළොත් ඔක්කොම විස්තර කියයි.

  4. Chandra says:

    මෙයා තනියම රජවෙන්න හදන්නේ. එස් බී වගේ බලය සදහා ඕනෑම ජරා දේදේශපාලකයෙක් එක්ක් එකතු වෙන්න සූදානම් පුද්ගලයෙක්. මේවර ඔහු දේශපාලන අනාතයෙක් වෙන එක සිකුරුයි.

  5. DH says:

    අධ්යාපනය පුද්ගලීකරණය කිරීම අනිවාර්ය ප්‍රතිසන්ස්කරනයක් හරකෝ. රටෙන් වාර්ශිකව ඩොලර් බිලියනයක් එලියට යනවා සිසුන් පිටරට පුද්ගලික විශ්වවිද්යාල වලට යෑම හේතුවෙන්. ඊට අමතරව ඒ සිසුන්ගේ දෙමව්පියෝ හිගමනේට වැටෙනවා මොකද දේපලක් හරි විකුනලනේ ලමයි පිටරට යවන්නේ.

    පුද්ගලික විශ්වවිද්යාල තිබුනනම් අපිට අමතරව ඩොලර් බිලියනයක් විතර ආදායමක් ලබන්න තිබුනා දකුනු ආසියානු සිසුන් ඉලක්කකරගෙන. මේ හරක්ට කොහෙද ඕවා තේරෙන්නේ.

  6. rata perata says:

    Hey mister your ambition is clear. You don’t have a rigid policy or political party . What you are good at is critising some leader or party and crossover from one party to another until your dream comes true. But think man your dream never becomes a reality. You egostic selfish person. This is a new era . Your chintana is more needed There are young talented honest people will immerge soon . You go to hell dear pacha rana.

  7. Samantha says:

    This is a stupid idiot, nobody understands what he is talking about, as a member of general public, I can say that he will not be able to be a member of parliament, if he will contest from his 43, fortunately Sajith helped him giving nomination from SJB in the last election, therefore he became the last person of the list, otherwise he had to stay home, he needs to hang a photograph of Sajith, on a wall of his room, and light oil lamp and worship at least twice a day, for the great favour he has done for this man.

  8. Buddhist says:

    Mu swadina wenne mona bambuwakatada? Mu Racist kenek. Muth balanne Janadhipathi wenna. Paksha kiyakata mu panala thiyanawada?

  9. ද්විත්ව පුරවැසිභාවය අහෝසිකරනා ,21 කඩාකප්පල් කිරීමේ දැවැන්ත කුමන්ත්‍රණයක්,...! says:

    ද්විත්ව පුරවැසිභාවය අහෝසිකරනා ,21 කඩාකප්පල් කිරීමේ දැවැන්ත කුමන්ත්‍රණයක්,…!

    ද්විත්ව පුරවැසිභාවය අහෝසිකරනා ,21 කඩාකප්පල් කිරීමේ දැවැන්ත කුමන්ත්‍රණයක්
    ”ගෝටාබය බෑසිල ඇතුළු සමස්ථ දූශිතයන්ගේ කුහක වළල්ල සමඟ බටහිරයන් විසින් රටතළ ක්‍රීයාත්මකයි ,.!
    දැවැනත කුමන්ත්‍රණය පිළිබඳ දත්ත තොරතුරැ සමස්ථයේ අවධානයට ,.!

    ද්විත්ව පුරවැසිභාවය අහෝසිකරනා ,21 කඩාකප්පල් කිරීමේ දැවැන්ත කුමන්ත්‍රණයක්,…!