TNA සාමාජිකයන් කියන්නේ LTTE සාමාජිකයන්මයි.. සම්බන්ධන් LTTE නායකයෙක්.. කැනඩා අධිකරණය තීන්දු කරයි…

October 9, 2016 at 10:00 am | lanka C news
TNA සාමාජිකයන් කියන්නේ LTTE සාමාජිකයන්මයි.. සම්බන්ධන් LTTE නායකයෙක්.. කැනඩා අධිකරණය තීන්දු කරයි…

දෙමළ ජාතික සන්ධානයේ සාමාජිකයකු නම් ඔහු හෝ ඇය එල්ටීටීඊ සංවිධානයේද සාමාජිකයකු ලෙස පිලිගන්නා බව කැනඩා ෆෙඩරල් අධිකරණයක් විසින් තීන්දු කර තිබේ.

මෙම තීන්දුව ලබා දී ඇත්තේ ශ්‍රී ලාංකිකයකු එරට සරණාගත තත්ත්වය ඉල්ලමින් ගොනු කර තිබු අභියාවනයක් සලකා බලමිනි.

තමන් දෙමල ජාතික සන්ධානයේ සාමාජිකයෙක් යයිද සිය අභියාචනයේ විජයරත්නම් සීනියන් නම් එම ශ‍්‍රී ලාංකික දෙමළ ජාතිකයා සදහන් කර ඇත.

එය සලකා බලමින් ෆෙඩරල් අධිකරණය පවසා ඇත්තේ දෙමළ ජාතික සන්ධානය යනු එල්ටීටීඊ සංවිධානයේ දේශපාලන ව්‍යාපාරය වන බවයි.

එල්ටීටීඊ සංවිධානය ත්‍රස්තවාදී සංවිධානයක් ලෙස නම් කර ඇති නිසා එම සංවිධානයේ දේශපාලන පෙරමුණ වන දෙමළ සන්ධානයේ සාමාජිකයකු වන අයෙක් එල්ටීටීඊ සංවිධානයේද සාමාජිකයකු ලෙස සැලකිය හැකි බව පවසා ඇති අධිකරණය ඔහුට කැනඩාවේ දේශපාලන රැකවරණ ලබා දීම ප‍්‍රතික්‍ෂෙප කර ඇත.

මෙම අධිකරණ තීන්දුව මගින් දෙමල ජාතික සන්ධාන නායක හා විපක්ෂ නායක ආර්. සම්බන්දන් මහතා ද ත්‍රස්ත නායකයකු යයි පිළිගනිමින් කටයුතු කර ඇත.

70 views
Main News