Toyota ෆැක්ටරියක් ලංකාවට..

October 9, 2020 at 12:40 pm | lanka C news
Toyota ෆැක්ටරියක් ලංකාවට..

කොරෝනා වසංගත තත්ත්වය හමුවේ වුව ද ශ්‍රී ලංකාවේ ආයෝජනය පිණිස ජපන් ආයෝජකයන් ඉදිරිපත්ව සිටීම පිළිබඳව බෙහෙවින් සතුටු වන බවත් අප රට කෘෂිකර්මාන්තය පදනම් කරගත් රටක් බැවින් අගය එකතු කරන ලද කෘෂිකාර්මික නිෂ්පාදන ආශ්‍රිත කර්මාන්ත සඳහා ජපන් ආයෝජකයන්ට ඇරයුම් කර සිටින බවත් කර්මාන්ත අමාත්‍ය විමල් වීරවංශ මහතා පවසයි.

කොල්ලුපිටිය, ගාලු පාර, 73/1 යන ස්ථානයේ පිහිටි කර්මාන්ත අමාත්‍යාංශයේ දී ජපාන තානාපති සුගියාමා අකිරා මහතා සමඟ පැවැති සාකච්ඡාවේ දී ඒ මහතා මෙසේ පැවසීය.

ශ්‍රී ලංකාව සහ ජපානය අතර සංස්කෘතික – ආගමික වශයෙන් දීර්ඝ කාලයක් තිස්සේ පැවැති සබඳතාව පිළිබඳව මෙහි දී සිහිපත් කළ ජපාන තානාපතිවරයා අද ශ්‍රී ලංකාව සංවර්ධනය කරා යන ගමනට සහයෝගය ලබා දීමට ජපාන ආයෝජකයන් හා ආයතන ඉතා කැමැත්තෙන් සිටින බව මෙහි දී පැවසීය. ශ්‍රී ලංකාවට පැමිණෙන ජපාන ආයෝජකයන් සඳහා දිය හැකි උපරිම සහන ලබා දීමට කර්මාන්ත අමාත්‍යාංශය මැදිහත් වන බව ද අමත්‍යවරයා ඊට පිළිතුරු වශයෙන් සඳහන් කළේය.

ශ්‍රී ලංකාවේ වාහන ආනයනය සීමා කිරීම වසර 10ක් අඛණ්ඩව පවත්වා ගෙන ගියහොත් මෙරට තුළ වාහන එකලස් කිරීමේ කර්මාන්ත ශාලාවක් පිහිටුවීමට හැකි බවට ටොයොටා ලංකා සමාගමේ නියෝජිතයන් තමන් හමු වී පැවසූ බව මෙහි දී අමාත්‍ය විමල් වීරවංශ මහතා ජපාන තානාපතිවරයාට සිහිපත් කළේය. ජපාන තානාපති සුගියාමා අකිරා මහතා පවසා සිටියේ ජපානයේ ටොයොටා මව් සමාගම සමඟ ද සාකච්ඡා කොට ඒ පිළිබඳව ධනාත්මක තීරණයක් ගැනීම සඳහා අවශ්‍ය කටයුතු සලසන බව ය.

මෙම අවස්ථාවට ජපාන තානාපති කාර්යාලයේ දෙවන ලේකම්, දේශපාලන අංශයේ ප්‍රධානී ඔසාකි ටකෙෂි සහ තෙවන ලේකම්, (සංස්කෘතික සබඳතා සහ රාජ්‍ය සබඳතා) කවකාමි අෂූසා, ජාතික ව්‍යවසාය සංවර්ධන අධිකාරියේ සභාපති/අධ්‍යක්ෂ ජනරාල් අනුෂ්ක ගුණසිංහ යන මහත්ම මහත්මීහු ද එක්ව සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්,

130,408 views

32 Comments to “Toyota ෆැක්ටරියක් ලංකාවට..”

  1. Saman Adikari says:

    Is not possible that Minster of Industries Hon Wimal W….. can bring Toyota Car Factory to Sri Lanka. Which is deram of so-called politics of NFF.

  2. nihal says:

    It looks like Volksvagen factory.

    This is not going to be happened. China never allow this. All lies…lies and more….

Leave a Comment